غدير بابتسامة:ازيكوا يا جماعة....قالتها بعدما دلفت و توجهت إلي غرفة الجلوس..
أمينة:بسم الله ما شاء الله...إيه القمر دة يا غدير..
غدير:إزي حضرتك يا طنط....ازيك يا عمو فاضل
فاضل:تمام يا بنتي الحمدلله..
حمزة:اييه القمر دة!!
فاضل:حمزة!!
حمزة بمزاح:ايه يا بابا..مش برحب بيها..
فاضل:بس مش كدة يعني..
رأفت بضحك:يا فاضل عادي دة زي اخوها الصغير يعني..
حمزة:اهوه عمو بنفسه قال زي اخوها الصغير و عادي حيث كدة بئة ازيك يا قمر..
غدير بضحك:كويسة الحمدلله...ازيك إنت يا حمزة..
حمزة:كويس..
غدير و هي تحاول تذكر اسم شريف:ازيك يا.. يا...
شريف:شريف...اسمي شريف...
غدير:اه معلش نسيته...ازيك.
شريف:كويس...إنتِ عاملة إيه؟
غدير:الحمدلله كويسة....ثم جلست بجوار والدتها..
فاضل:ايه يا دكتورة...أخبارك إيه بئة؟؟
غدير بابتسامة:تمام يا عمو الحمد لله...ثم قالت بحماس:صحيح كنت هنسي أقولكوا..بطولتي الأسبوع الجاي..
فاضل:بطولة إيه دي يا غدير؟؟
غدير:بطولة الجمهورية للجري يا عمو..
أمينة:ربنا معاكي..
رأفت:هتبقي هنا؟؟
غدير:اه عادي يا بابا..
صافي:تمام....ثم قالت:يلا نتعشي بئة يا جماعة..
غدير:ياريت و الله دة انا جعانة اوي..
حمزة:غدير..ممكن ابقي آجي معاكي البطولة عادي؟؟
غدير:اه طبعا عادي....اللي حابب ييجي أهلا و سهلا يا جماعة...
شريف:أنا مش شايف حاجة تحمس في الموضوع يعني يا حمزة..
غدير ببساطة:و الله كل واحد له رأيه يا بشمهندس...مش حابب تيجي براحتك يعني..
حمزة:عندك حق يا غدير...و أنا أصلا عايز أروح عشان أشوف أختي الكبيرة هتعمل إيه..
غدير بضحك:ايه دة الله...إنت حلو اوي..
حمزة:حبيبي تسلم...
غدير:ايه دة مش ممكن انت من انهاردة صديقي..
حمزة:قلبي و الله..
رأفت:يلا نقوم نتعشي يا جماعة..ثم توجهوا جميعًا إلي طاولة الطعام و جلس رأفت علي رأس الطاولة و علي يمينه جلست صافي و علي يساره جلست غدير و من الناحية الأخير جلس فاضل و علي يمينه جلست أمينة و علي يساره جلس شريف و في المنتصف بين غدير و شريف جلس حمزة....
YOU ARE READING
زواج مؤقت
Romanceشخصان يتزوجان بإجبار من أهلهما دون أن يحب احدهما الآخر...فكيف ستكون حياتهما بعد ذلك الزواج و هل سيستمر أم سيفشل ؟؟؟