نصيبي 😻(منقوله )

35

#نصيبي

الحلقـ3️⃣5️⃣ـه

وليد :: كان واقف متكنطي ... قربت منه بسمه وحظناته بقوه .....
بسمه :: بنشتاقلك مووووووووووووووووت
وليد :: كان متفأجا
بسمه :: قعدات تشم في ريحته ودموعها ينزلو وتبوس فيه ... دير بالك على روحك
وليد :: بعدها عليه وقال .... يابنت الناس تعبتيني تعبتيني قولي شن تبي خيرك مره تبعدي ومره تقربي ....البارح متبنيش واليوم تقولي بنشتاقلك ... حيرتيني راهو
بسمه :: مش وقتها توا لماتروح نحكوا 😢
وليد :: في شن .. في شن بنحوكو ... مسح دموعها بيديه خلاص معادش تبكي ... حبيبــــــــــي شن صاير خيرك هكي متلخبطه احكيلي هكي بنمشي وانى مشغول عليك
بسمه :: وليد انى 😢
جهاد :: وليد وليد فتح الباب اواووو اسف هيا معادش فيه وقت خلاص
وليد :: اصبر شويه بس
بسمه :: خلاص وليد توكل اكيد الطريق زحما
جهاد :: هيا هيا مرتك توا تروحلها
وليد :: بتعصيب 😠 تي باهي ياجهاد قلنا توا نجي
جهاد :: تلفت ومشي
بسمه :: خلاص وليد هيا اطلع
وليد :: بسمه تكلمي الزح بيقعد عقلي عندك
بسمه :: خلاص هيا توا عمي يتكنطه
وليد :: فيه فلوس في درج المدخل خوديهم متخلي حد يشريلك شي وامشي لمحاضرتك واقري كويس وكولي كويس الاسبواع يلي فات معادش كليتي بكل .... وكلميني ديما اه وارفعي معاك جهاز النت لحوش خالتك
بسمه ::😢 حضنته مره تانيه
وليد :: المره هذه حتى هو حضنها ... اول مانوصل نتصل بيك واحكيلي وطلع

محمد ::😡 هيا عطلنا
نعيمه :: هذا كله غلاء 😒
سلمو وطلعو للمطار ... روحت فاطمه ومنال وليلي ركبت مع بسمه
بسمه :: خشت للدار طول شافت التشرت يلي راميه وليد محطوت عالسرير .... خداته قعدات تشم فيه وتبكي 😭
ليلي :: والله مافهمتك يابنت ...شويه قالبه عليه وشويه ندتيه 😱متقوليش حكتيله
بسمه :: لالا بس مقدرتش نتحمّل يمشي ومنحضناش 😫 نحبه مع كل يلي داره فيه نحبه ... حتى لو كذب خوفه عليا في كلامه نحبه  اهتمامه نحبه 😢 كذبه حلو
ليلي :: ياريت قلتيله على الحمل عالاقل ... ح يفكر انه مزاجك تغير منه
بسمه :: منبيش ... 😒 منبيش نفرحه بعد يلي داره فيا .... المهم انى بنوض نلبس خالتي اكيد في الطريق
ليلي :: ياريت مشيتي لبوك
بسمه :: قبل الحق بنمشي ...لكن لما عرفت انى حامل منبيشي يعرف تعرفيه بيبدأ في الجو ... ومرات يقول لوليد لهذا قلت نكملها زعله وخلاص
ليلي :: 😂 خطيره انت ... خلي نسعدك

~~~~~~~~~~~~~~~~~~

هيثم :: هيا ماتوصو شي
جهاد :: سلامتك
هيثم :: كلمونا
وليد :: هيثم تعاله شويه ..... خداه على جنب .. هيثم بالله وصيتي ليك بسمه
هيثم :: حاضر لكن هي قلت بتقعد عند خالتها صح
وليد :: اي لكن شكلها مريضه امشي تطمن علها مع مرتك .... وكان تبي حاجه المهم شوفه
هيثم :: خلاص تم

ركبوا الطياره جهاد ورنده مع بعض ونعيمه ومحمد مع بعض ووليد بروحه كان طول الوقت يفكر في تصرفت بسمه الغريبه وقد مايفكر مايوصلش الا لفكره وحده وهي انه بسمه دارت هكي لانه مزالت تحب جهاد لحد ماخداه النوم وهو يفكر