نصيبي 😻(منقوله )

15

حلقتين ونزلتهم بكرى اليوم هيا رايكم وتفاعلو مع الحلقه 😍😍😍😍😍😍
#نصيبي

الحلقـ1️⃣5️⃣ـه

وليد :: شد يدها الزوز تبتهم عالحوض ، آش متتكلميش
بسمه :: متكلمش
وليد :: زاد قرب متتحركيش
بسمه :: متحركتش
وليد :: زاد قرب والمره هذه كان قريب هلبا
بسمه :: غمضت عيونه ،، رن تلفون وليد 💔
وليد :: حول يديه بسرعه وكان الرنه جت في وقته طلع من الحمام بسرعه مشي لصاله خدي تلفونه من عالطاوله والمفاتيح وطلع

~~~~~~~~~~~~~~~~~~~
بسمه >>
مش فاهمه شن صار لبسة وكنت مجهزه روحي ومتحمسه لانه بنمشوا للحوش جهاد واحنى طالعين شدني وقالي تصرفي على انك مرتي مش عارفه  شن صارلي في وقته حسيت يديا عرق وسخنت وكأنه هبطلي السكر💘 لما فتت من جنب جهاد في الباب حسيت قلبي دق 💗
وخشت نجري كنت متلخبطه ومضايقه لاني قاعده في حوش جهاد بالصفه هذه وين خشيت مع منال للدار فرحت 😍😍 هذه دار حبيبي يلي ديما يكلم فيه منه لكن لما خش جهاد حسيت قلبي قبضني محبيتش يشوفني هكي احتراما لوليد وقلتلها الكلام هذا على خشت وليد وعيونه يطلعو في النار  خفت منه وبالصراحه معاه حق في الاخير انى مرته وكان يشوفني حد هكي ح يتكلّمو عليه هو لما روحت للحوش حبيت نبرارله لكن كلامه ليا انه سمعني وتأسفلي حسيت بشعور غريب ولما قرب منى حسيت روحي جمدات ومقدرتش نتحرك او اصلا منبيش للحظه نسيت كل شي وكأنه مغمى عليا مع رنت تلفون وليد  طلع بسرعه وسيبني افففف انى شن كنت ندير هذا وين فقت كيف مزال بنشوف لوليد
قعدات نغسل في وجهي باش يبرد لانه نحس فيه  سخون واحمر من الحراره
~~~~~~~~~~~~~~~~~~
وليد >>
بعد ماحكيت مع جهاد روحت لقيت بسمه جاهزه غيرات وطلعنا كلمتها في الطريق انه تتصرف على اساس انه مرتي هي صغيره وطايشه خفت تنسا وتحطني في موقف قدام العيله لما قلتلي حول استغربت ومشينا لكن لما جهاد فتح الباب وفاتت من جنبه وحسيته كانه يشم في رحته بصراحه تضيقت وتمنيت انه واحد تاني وانى نقدر نضربه طول مااحنى في المربوعه جهاد متكنطي استاحشته صاحبي وزي خوي ولينا فتره بعاد على بعض لما ناض قرارت نلاحقه لكن لما منال قالت انه بسمه معاه مشيت بسرعه بدون مانفكر لكن لما سمعت كلامه كبرت في عيني وحسيت قداش عقله كبير خديته وروحنا للحوش لما جت للحمام مش عارف كيف صار ضعفت قدّامه وقربت منه ولو مرنش التلفون كان صار 😱 افففف لو مَش جهاد بس لو اي حد تاني كان كل شي تغير

~~~~~~~~~~~~~~~~~~~~~
رنده :: جهاد ✊🏻
جهاد :: نعم
رنده :: فتحت الباب درنا قهوى تشرب
جهاد :: منبي شي فوتوني
رنده :: خيرك احكيلي جهاد
جهاد :: شي شي فوتي
رنده :: احكيلي اعتبرني صديقتي 😔 متعارك مع حبيبتك
جهاد :: سيبنا
رنده :: حقاا😳
جهاد :: اي
رنده :: نقدر نعرف السبب
جهاد :: خانتني  والا ماخانتنيش والله ماعارف
رنده :: متتسرعش في  الحكم  لو تحبه وحاول تسمعها مش كل يوم تلقه الحب 😢
جهاد :: 🙂 ابتسم وعرف انه تتكلم عليه
رنده :: خلي نمشي انى اكيد ماما بتروح تصبح ع خير
جهاد :: وانت بخير