Lost Soul

Part 21 & The last

(حس بأيديها بتضم ايده ابتسامه بهتانه اترسمت على شفايفه واتنهد)

كيوهيون:ادينى بتخيلك كمان
(حط راسه جنبها ودموعه نزلت على خده)
كيوهيون:لو طلبتى منى اموت نفسى هعملها من غير تردد بس عايز اسمع صوتك
(سمع صوتها بتهمس بأسمه ابتسم وغمض عنيه..تانى يوم صحى على صوت موبايله مد ايده طفاه فتح عنيه ببطء قرب منها وباس راسها)
كيوهيون:صباح سول
(دخلت هانا وفى ايديها شنطه)
هانا:جبت لحضرتك هدوم جديده
كيوهيون:فى وقتك..استنى هنا هدخل الحمام
(دخل الحمام غسل وشه وغير هدومه وخرج بسرعه)
هانا:حضرتك ممكن تروح البيت وانا افضل هنا
كيوهيون:لا ارجعى البيت دلوقتى ولو احتجت حاجه هبلغك
(انحنت هانا ومشيت..مسك موبايله اتصل بشيون)
كيوهيون:اتصلت ليه
شيون لسه فاكر
كيوهيون:كان فى ايه
شيون:سايبلك هدوم جديده عند كيم افتكرتك نايم فمردتش اصحيك
(ابتسم كيوهيون وهو بيبص للهدوم الى لابساها)
كيوهيون:شكرا انك فكرت
شيون:هجيلك بليل
كيوهيون:ماشى
(قفل كيوهيون التليفون معاه وراح مكتب كيم ..اول لما دخل لقى ييسونغ فى وشه)
كيم:صباح الخير
(اكتفى كيوهيون بانه هز راسه..قام ييسونغ من على الكرسى وانحنى لكيم)
ييسونغ:انا همشى دلوقتى هبقى اجيلك وقت تانى نكمل كلامنا
كيم:ماشى هستناك
(بصله كيوهيون بطرف عينه وقعد..اول لما ييسونغ خرج بص لكيم ببرود)
كيوهيون:انا سبتلك المستشفى علشان تعين اوغاد بس
(ضحك كيم وبصله باهتمام)
كيم:انت كويس
كيوهيون:حط اى حد مكانى وشوفه هيبقى كويس ولا لأ
كيم:شيون كان هنا وجايبلك هدوم
كيوهيون:اه قالى
(طلع كيم الشنطه وادهاله)
كيم:طروح البيت ريح شويه وحد هيفضل هنا
كيوهيون:مش هسيبها تانى تحت رعايه حد انا مش هموت لو فضلت كدة
كيم:تعالا نخرج ناكل حاجه طيب
(دخلت ممرضه اوضه كيم وهى بتنهج بصلها كيوهيون بصدمه)
Kyuhyun POV
المشهد ده اتكرر من يومين لما نبضات قلب سول ما انتظمتش..قلبى انا الى وقف بس نظرتها مختلفه اتكلمت بصوت بيترعش
سول حصلها حاجه
هزت راسها بالايجاب وابتسمت
الممرضه:مدام سول فاقت ودكتور اريوم معاها دلوقتى بتطمن عليها
بصتلها بصدمه وجريت على اوضه سول..قابلتنى اريوم وهى خارجه..وابتسمت
اريوم:الحمد الله حالتها مستقرة مفيش حاجه تقلق
دخلت الاوضه بسرعه لقتها قاعده على السرير احساس الروح لما بتردد حسيته لاول مره  ببطء روحى رجعت لجسمى بمجرد انى شفتها قاعده وبصالى..لاول مره اتنهد براحه من قلبى تنهيده طويله ..لما شافتنى بصتلى بقلق وابتسمت كنت ملاحظ توترها مع كل خطوه ليا ناحيتها حطيت ايدى لمست كل جزء فى وشها غمضت عنيها براحه...قعدت قصادها على السرير وبصتلها معرفش قد ايه عينى بقت فى عنيها..عنيها الخايفه والمثقله بالذنب كعادتها شدتها لحضنى وشهقه طلعت منى ودموعها نزلت على كتفى لفت ايديها عليا ابتسمت ..انا فى اللحظه دى مش محتاج حاجه تانيه فى حياتى خلاص لو حضنك هيبقى جنتى فى الدنيا فانا وبكل سعاده مستعد ادخل الجحيم بعد موتى يا سول
End  Kyuhyun POV
Soul POV
صحيت على حركته جنبى وهو بيكلمنى ضغطت على ايده علشان اعرفه انى سمعاه بس دى ريحه خمر..كيوهيون سكران.
كيوهيون: لو طلبتى منى اموت نفسى هعملها من غير تردد بس عايز اسمع صوتك
همست بأسمه بس حسيت بيه نفسه بقى تقيل ..حاولت احرك جسمى بس عضلاتى كلها متشنجه كل الى قدرت احركه كانت اطرافى وبصعوبه لمست شعره حاولت اعدى نفسى علشان اشوفه بس يأست..اكتفيت بانه جنبى..صحيت تانى يوم سمعته بيتكلم فى التيلفون..حاولت انادى عليه قبل ما يخرج بس صوتى خانى..دخلت الممرضه بعديها بدقايق..كلمتها كان صوتى اقرب للهمس بصتلى بصدمه وجريت بره..دقيقه ولقيت اريوم قدامى وبتبتسم
اريوم:حمد الله على سلامتك
ايه الى حصل
اريوم:فى العمليه جالك نزيف وكنتى فى غيبوبه لمده اسبوع
مش قادره اتحرك
اريوم:عضلاتك متصلبه بس فتره وهتبقى كويسه ما تقلقيش..انتى فى حاجه حاسه بوجع فى اى مكان
لا
بلعت ريقى بصعوبه...اريوم حركتنى علشان تطمن عليا اسبوع وانا غايبه عن الوعى اكيد عرف انى كنت هسيبه اكيد حس بالخيانه وانى اتخليت عنه وكمان حس بالوجع وانا مش هنا افتكر ان ده وداعى ليه..
ممكن تعدلينى على السرير عايزة اقعد
ساعدتنى اريوم والممرضه ..قعدت مستنياه مش هعرف هقوله ايه او هبرر بأيه اول لما شفته اتوقعت انه هيثور ل بس اول لما دخل الاوضه لقيته اتنهد براحه قرب منى ببطئ ولمس وشى وقعد قصادى اتلاقت عيونا ما بعدش نظره ولا انا قدرت ابعد نظرى عنه..شدنى لحضنه دموعى نزلت برغم انى اقسمت انى مش هعيط  امبارح شهقه طلعت منه وهو متمسك بيا وانا  مش عارفه اسيبه
همس جنب ودنى
كيوهيون:وحشتينى
END POV
كيوهيون:انا مش بحلم
سول:لأ
كيوهيون:ولا خبطت راسى اوى فى الارض
(ضحكت ما بين دموعها وهزت راسها بالنفى دفن راسه فى رقبتها طبطبت عليه..ما اتحركوش لفتره كأن الوقت وقف بيهم..بعد عنه وبصلها بفرح)