عريس يابوى

الاخيره

مر شهر بسرعة رهيبة جهز فيها العروسين كل حاجة وهاهو فرحهم قعد ادهم فرحان جدا انه هيتجوز اللي دق قلبه لها
وفى يوم الفرح وحبيبه فى غرفتها بفستان زفافها وبطلتها إللى شبه الملايكه يدخل عليها الدهشورى

الدهشورى::ماشاء الله الله أكبر جميله جدا ياجلب ابوكى
حبيبه::وهى تقف امامه بجد يابوى
الدهشورى::ايوه طبعا يابتى واخيرا شوفتك عروسه
حبيبه::مانى جولتلك يابوى وجت النصيب هايصيب ويجيلى احلى عريس واهو عريس يا بوى
الدهشورى::هههههه ماشى يابت ابوكى ياخذها من ايدها ويقبل جبنها بحب وحنان الاب
الدهشورى::شوفى يابتى جوزك تحافظى عليه وفى عينك تشيليه وبالسياسه والهداوه امشى بيه والحب ب يعمل المعجزات والصبر والذكاء تجدرى تمشى بيهم حياتك الراجل بيحب الست الحنينه إللى تعمله انه طفل صغير فاهمه يابتى

حبيبه::بحب فاهمه يابوى ربنا مايحرمنى منيك
لياخذ يدها وينزل يسلمها لجوزها  ليقبل ادهم جبينها
الدهشورى::يلا ياولدى علشان نفرحوا
ادهم::بعدم فهم يلا ايه ياعمى
الدهشورى::خد عروستك ياولدى واطلع
ادهم::حاضر
الدهشورى:احنا منتظرينك ياولدى علشان يبداء الفرح
رجع ادهم : مش فاهم منتظر ايه حضرتك
الدهشورى::يابنى دى عادات وتجاليد البلد العريس بعد مايدخل على مراته يحدف المنديل علشان اهلها والناس تعرف اعرف انها بكريه ونبداء الليله والفرح
ادهم::بس انا مش عايز كده
الدهشورى::ياولدى ده نظام لينا هنا مايصوحيش اكديه
ادهم::خاضر بعد اذنك

ليطلع هو وحبيبه الغرفه ويقرب منها
حبيبه::بجولك ايي ياحلتها ماتجرب منى لاحسن اجسم بالله اخليهم يطلعوا ياخدوك على نجاله
ادهم::يابنت الناس انا جوزك
حبيبه::عارفه ياخوي
ادهم::وهو يمسك ايدها ويقبل وجنتها
حبيبه::وهى تدفعه للخلف ياجليل الحيا وتبعد عنه
ادهم::افهمى يابنتى انتى مراتى وانا جوزك ولازم نخلص علشان الناس إللى تحت

حبيبة :لا اتصرف لا يمكن اعمل كدا وانا خايفة لو بتحبني بصحيح
قعد ادهم وبعد نص ساعة سمع خبط علي الباب
ام حبيبة :ها يا ابني الرجالة والكل مستني الامانة
فزعت حبيبة وعرفت انها لازم توافق بالامر دا لكن ادهم ما وافقشي يقرب وجاب من الحمام مطهر الجروح الاحمر ووضعه في المنديل الابيض واخرجه لها ليسمع زغاريط من الحريم وطلق نار من الرجال

نظرت له حبيبة بسعادة فهو لم ولن يريد احرجها
بعد مرور اسبوع اتنقلت حبيبة معه للبيت اللي ف القاهرة وبقيت هي ادهم زوجين قدام ربنا والجميع كانت فرحانة جدا

حبيبة :ادهم انا بحبك يمكن كنت خايفة منك عشان بلدك غير بلدي بس انت اكتر انسان حبيته

ادهم بفرح :قلبي ودقاته ياخربيت العسل مانيجي نجيب عباس
حبيبة :عباس مين
ادهم:ابننا
حبيبة بصراخ:يعني انت تكون ادهم وانا حبيبة ونخلف عباس حررررررام ارحم يجليل الحيا

ضحك ادهم بسعادة فهو كان بيتمني زوجة زي حبيبة
بعد مرور سبع سنين كانت حبيبة بالجنينة فادهم بقي من رجال الاعمال وبقي ليهم اسم وخلفوا حنين وحبيب

حبيبة :حبيب حنين يالا عشان تاكلوا يا اددهم يالا مش انت وعيالك
ضحك ادهم وقال :ربنا يخليكي ليا ي سبب السعادة والحب انتي كنتي نعمة الزوجة والام بحبك ياام حبيب

حبية :وانا بموت فيك ي قلب ام حبيب

وتخلص قصتنا على خير بس لسه فى كلمتين من حبيبه وادهم
حبيبه::ايوه انا البنت إللى من الصعيد الناس إللى تعرف الأصول وبتمشى بالعادات بس ده كان زمان دلوقتى الصعيد اتغير كتير لان احنا بعدنا عن العادات وحبينا نقلد الغرب فى كل حاجه البنت بتحافظ على نفسها  مش علشان اهلها لا علشان نفسها علشان دايما تبقى رفعه رأسها قدام جوزها وأهله يوم ما يحصل مشكله هايعايرها لاكن لو هى بنت كويسه مايقدرش بتكلم كلمه فى شرفها ياريت الكل يحافظ على نفسه كل بيت ى حكايات وحكايات وكل واحد مننا جواه ميت قصه وروايا بس احنا إللى بنكملها ونكتب بقلبنا وعقلنا نهايتها اننا نبقى رافعين راسنا او نحطها فى الرمل زاى النعام بأيد كل بنت توقف كل واحد عند حده وتحافظ على نفسها لنفسها خلوا بلكوا من ولادكوا ومن نفسكوا لان انتوا امهات المستقبل ياريت نرجع لدينا نرجع لمنهجنا
(انا مش بخصص دين واحد انا بتكلم  على جميع الاديان كل واحد بيمشى بدينه ويحافظ عليه  )

ادهم::السلام عليكم انا مش عارف ابداء منين بس احب أوجه كلمه للبنات كل واحده بتلبس وتحط مكياج بتتجوز  قبل الملتزمه بس يوم مابتتجوز بتاخد واحد شمام واحد بتاع امه اتقى الله فى نفسك علشان رنا يبعتلك إللى يستهلك خليكى جوهره غاليه مش لازم تلبسى المقطع والملزق علشان تبقى زاى غيرك خليكى غيرهم غيرهم بدينك وبمبدائك وقيمك ربنا قال الطيبون للطيبات والخابثون للخابثات
وقال كمان ان كل واحده بتحافظ علي نفسها وبتسيب اى حاجه زاى المكياج الاوفر والملزق لارضاء ربنا ربنا هايعوضها الاحسن والاحسن حافظوا على نفسكوا من نفسكوا ومافيش ولد بيكلم بنت بيتجوزها ولو اتجوزها بيطلع عنيها لان انتى اغضبتى ربنا فاعمره هو هايرضى على الجوازه دى وبكده انا انهيت كلامى واتمنى قصصنا تكون عجبتكوا قصتنا مختلفه عن باقى القصص مختلفه لانها دخلت كذا قصه ودخلت كذا بيت بنطلع منه حاجات بسيطه

النهاية اتمنى تعجبكوا بقلمى هايدى محمد