عريس يابوى

الحلقه1

الحلقه(1)بقلمى هايدى محمد
☆صلى على اشرف الخلق
☆عريس يابوى
متابعه اكونتى الشخصى(haydy mohamed)

قبل اى حاجه ياجماعه اللغه فعلا موجوده مش مبالغ فيها والله ولا بقلل من لغه الصعايده ولا منهم ......وفى اول الحلقات القصه هاتدور على حبيبه وبعد كده هاتتنقل كل حلقه قصه مختلفه وفى اخر الحلقات هانرجع مع حبيبه اتمنى تعجبكم
بسم الله الرحمن الرحيم والصلاة والسلام على رسول الله .

فى إحدى بيوت الصعيد التى تبدو من الطراز القديم فى مندره البيت وهو بيت الدهشورى كبير العائله

حبيبه:: يابوى عشان خاطرى يابوى
الدهشورى:: اباه على اكديه اتى ماعتزهقيش واصل جولت لع يعنى لع وماعتروحيشى مصر واصل لوحديكى

حبيبه::يابوى مانى هابجى عندى عمى وبعدين بينتيك راجل من ضهر راجل ولا انت ماعتثجش فيا
الدهشورى: : يابنيتى انى جلجان عليكى وهنكا الشباب فرافير حد يلف عجلك ولا حاجه من دى واصل يبجى راسى انحطت فى الوحل

حبيبه:: اباه انت ماتعرفش بنتيك زينا ولا ايى يابوى وانى برضك ابوص للرجاله دى واصل دول عيال يابوى
الدهشورى:: يابتى الناس عايجولى ايه لما يلاجوكى مسافره لواحديكى

حبيبه:: بتمثيل انها بتعيط  بجى اكديه يابوى علشان خاطر حديت ماسخ راح تجعدنى من دراستى بدل ماتتفشخر ببنيتك

ام حبيبه:: صوح ياحج حديت حبيبه تبجى فرحان بيها اكديه وهى واخده البكالوريا

الدهشورى:: واه واه اتوا التنين عليا يعنى انى مش هافرح على الاجل هى تبجى احسن من رجاله العيله  وواخده بكالوريا  بس من خوفى عليها ومن عادات وتجاليد مصر وناسها بس اجولك خلاص عاشوف خايى وافكر فى الحديت  ده 

حبيبه:: ربنا يخليك لينا يابوى يعيش الدهشورى يعيش الدهشورى كبير عيله الدهشوريه ايوه اكديه ياكايدهم يابو حبيبه

الدهشورى:: هههههه يضحك على بنته وطريقتها  بس ده ماعيمنعش ان اى غلطه ماعسمحش فيها واصل مش عايز حد يجي يجول بتك خلت راسك فى التراب

حبيبه:: ماعتخفش يابوى انى عارفه حدودى وعاداتنا وماعتعدهاشى واصل وبعدين يا حج داحنا الدهشرى احنا ماعنخافوشى وأصغر مافينا يضرب بالنار وانى واخده منيك الجلب الجامد وما فيش حد يحوج فيا واصل

الدهشورى:: على بركه الله
حبيبه:: طيب حدتت عمى دلوجيت
الدهشورى:: يابتى متسربعه ليه اكديه
حبيبه:: عشان خاطرى بجى حدته
الدهشورى:: اباه انى عارف ماعخلصش من زنك ده واصل هاتى المحمول عكلمه
حبيبه:: وهى تقفز فرحا حاضر يابوى حاضر تروح تجيب الفون اتفضل يابوى المحمول اهو

الدهشورى:: يأخذ المحمول ويتصل على يحيي اخوه
الو يايحيى كيفك ياولد ابوى

يحيى:: الو انى بخير ياخوى كيفك وكيف عيالك والبلد والأهل والأحباب
الدهشورى:: كلياتنا بخير واتى و عيالك كيفكوا
يحيى:: بخير والله ياخوى واتوحشتك جوى جوى
الدهشورى:: وانى كمان اتوحشتك واتوحشت حديتك الماسخ وهزارك الزفت
يحيى:: بضحك واه واه ليه اكديه ياخيي وانا إللى عاجول انِك هاتجول حديت زين فى حجى (حقى)
الدهشورى:: ههههه لازم اعمل اكديه زاى ماعاتعمل معايا المهم
يحيى:: اتفضل ياخوى
الدهشورى:: عايز منيك خدمه
يحيى:: تحت امرك ياخويى
الدهشورى:: وده العشم برضيك اصل حبيبه خلوصت مدرسه وعايزه تدخل البكالوريا وجاتليها عنديكوا فى مصر
يحيى::الف نهار ابيض مبروك ياخوى
الدهشورى::  الله يابركلى فى صحتك ....وكنت عايزها تبجى عنديك وتحت عنيك برضيك
يحيى:: واه ياخوى وده عايز استاذان دى بتى زاى ولادى والبيت بتها
الدهشورى:: معلش عنتجل(نتقل) عليك ياخوى
يحيى:: عيب اكديه ده بيتك ومفتوح من خيرك ياخوى عاتيجى حبيبه ماتى(امتى)
الدهشورى خلال السبوع ده
يحيى:: واحنا فى انتظرها ان شاء الله
الدهشورى:: على الله يلا سلام عليكم
يحيى:: عليكم السلام

بعد ماقفلوا مع بعض

حبيبه:: ها يابوى
الدهشورى:: خولاص على اخر السبوع ابجى انزلى
حبيبه:: يحيا الدهشورى انى عحبك جوووى يابوى
الدهشورى:: شوفى يابتى بنته مصر غير هنيه عندهم البت مافيش احتشام ومافيش حيا ولا دين ولا خشه
حبيبه:: ليه يابوى زاى ماهنيه هنكا برضيك بس عنديهم مافيش عادات زايينا يابوى وانى عامشى على عاداتنا ومعاتخليش عنيها واصل
الدهشورى:: ربنا يسترها يابتى

قامت حبيبه وهى فرحانه
_______________haydy__________
يحيى:: ياام احمد تعالى
ام احمد:: خير ياخويا فى ايه
يحيى:: اعملى حسابك حبيبه بت اخوى عاتيجى تجعد(تقعد) معانا فتره الدراسه علشان كليتها
ام احمد:: ياابو احمد على راسنا ياخويا واحنا فى ديك الساعه
يحيى:: عجولك اي لاديك ولا فروجه(فرخه) بلاش حركاتك دى مع البت علشان دى بت كبير العيله فاهمه
ام احمد:: اخص عليك ياييحى انا دانا غلبانه
يحيى:: اه انا عارف ياخيتى جومى حضرى الغدا يلا
___________haydy____________
يعدى الاسبوع على حبيبه كأنه سنه وقبل السفر بليله تبدا تجهز حاجاتها ولبسها ومن فرحتها مش عارفه تنام ومن الصباح الباكر تقوم حبيبه وتلبس
ام حبيبه:: واه يابت متسربعه اكديه ليه
حبيبه:: اخيرا ياماه عروح مصر ياااه مامصدجاش نافسى
ام حبيبه:: وهى تحضتنها عاتوحشينى جوى ياحبيبه مين راح يجرفنى وعايخلينى اصوت منيه
حبيبه:: عاكلمك فى المحمول ياماه ماعتجلجيش واصل انا عمشى بجى علشان بوى مايزعجليش
ام حبيبه:: انى حطتلك الوكل هنيه ماشى يلا فى رعايه الله
تخرج حبيبه ويوصلها الدهشورى لحد المحطه وتركب القطار وبعد فتره توصل إلى القاهره وهى نزله من القطار
حبيبه::😳😳واه واه واه دى كلياتها بنى ادمين عماااااااار يامصر

وتخلص حلقتنا اتمنى تعجبكم