واصل كلامو وقال،،وجسمك دا ماملك،،،دا ملكي انا،،،تعالي الليله الشقهه مفهوم،،،لانو ناس كتار عاوزنك يلا سلام،،،وقفل الخط في وشي،،،طبعا انا للحظه بقيت احاول اربط الكلام،،،،والراجل كلامو مقرف بالجد💔،،،روان جات جابت لي السندوتش،،،قالت لي طبعا الكافتريا زحمهه بس اختك قدرت تحنك بتاع الكافتريا يخلص ليها بالاول بعدين يمشي عالباقين،،،لقتني سرحانهه ومامعاها،،،قالت لي يابت سرحانه وين،،قولته ليها قبل شويه تلفونك ضرب وانا رديت،،قالت لي ملك صاح،،،ماعطاني بحكايه انو لازم احضر محاضرات،،،قولته ليها لا ماملك،،،وفتحتا ليها المكالمات،،،قولته ليها زهير،،،رمت السندوتشات من يدها،،،قالت لي منوو? قولته ليها زي ما سمعتي،،،زهييير،،،زهير دا منو ياروان،،،وليه لما تتكلمي معاهو بتكوني خايفهه،،دا البسببو ماعاوزه زول يرد على مكالماتك صاح،،،قالت لي لالا ماف كلام زي دا،،،دا صاحب الشقهه،،استني ارجع ليهو بكون عاوز قروش الشهر دا،،،وهي بترجف من فوق لتحت،،،،قولته ليها لا هو ماعاوز قروش البيت،،،عاوز جسمك💔😊،،،طبعا لما قولته ليها كده،،،نطط عيونا،،قالت لي دا كلام شنو،،،قولته ليها روووان،،،ماتكذبي اكتر من كده،،،احكي لي في شنوو،،،ولا اقول ليك انا كفاي لحدي هنا،،،محل ما امشي زول يكذب علي ويخزلني،،اول شي زين💔واسي انتي😊💔،،،،قالت لي ايناس استني افهمك الحكايهه،،،قولته ليها زحي من وشي،،،ماعايزه افهم،،،وشلتا شنطتي وطلعتا بره الجامعهه،،،كانت ماشه وراي،،وبتناديني،،،اصلا ابيت التفت ليها،،،قالت لي ايناس اقيفي اسمعيني ياخ ماممكن،،،ح تحكمي علي من مكالمهه،،دا بس البيناا،،،ياشيخهه وغلاوه زين عندك اقيفي💔،،،،وقفتاا وقلبي بقى يضرب،،التفتا ليها قولته ليها عاوزه شنو،،،قالت لي لسه بتعزيهو كده،،،قولتته ليها ماعندك شغله بي،،،خلصيني عاوزه شنو،،،قالت لي طيب نقعد،،الحكايهه طويله،،،ممكن،،،اخدتا نفس طويل وقولته ليها طييب،،،ساقتني ومشيناا مطعم قريب من الجامعهه،،،طلبت مويهه بس،،،قولته ليها اها في شنو،،،قالت لي انتي فهمتي من المكالمه اني واحده مانافعهه ورخيصهه صاح،،،قولتته ليها لا زانيهه وعاهره يا روان،،،رخيصهه ومانافعه ديل الفاظ دنيا ساي،،،انما البتعمليهو اسمو زنا،،،عارفه يعني شنو زنا💔بتعاين لي كده دموعا نزلوا،،،اول مره اشوف دموعا،،،قالت لي انا بقيت كده بسببهم،،،قولته ليها منو هم?،،،قالو لي اهلي،،،زمان لما كان عمري9سنوات،،،ماما وبابا اتطلقوا،،،بابا نقل شغلو امريكا واخدني معاهو،،،واتزوج على طول،،،اما ماما فأول ما خلصت العده،،كمان اتزوجت،،،عشتاا مع بابا ومرتو لحدي ما بقى عمري15سنهه،،،وفي السنين الفاتت مرتو كانت بتسوقني معاها حفلات وبارات،،وبتعزم اصحابا في البيت،،،وانتي عارفه انو امريكا بلد الحريه واي حاجهه بتعمليها تعتبر حريهه شخصيهه،،،فكنتا بحضر الحفلات دي،،وزي ما قولتي الزنا دا عندهم اسهل حاجهه،،،وانا.....قولته ليها اخدتي طبايعهم صاح،،،قالت بالظبط كده،،،وماعملتا كده هناك مره ولامرتين،،،كتيبر رغم اني صغيره،،،بس فاكره الشي دا عادي،،،وبعدين بابا رجعني عند ماما،،امتحنتا الشهاده والعربي بتاعي مكسر،،،،جازفتها غايتوو،،،وراجل ماما طبعا اصر اني انزل السودان،،قال انو ماح يتحمل مسؤوليتي💔،،،وفعلا نزلته السودان،،،ولقيت زهير دا.جارنا في الشقه المؤجراها حاليا،،،،هو تقريبا في عمر عمك كده،،،المهم،،،قدر يستدرجني وعرف اني كنتا في امريكاا،،،،وقال لي انو في السودان برضو في حاجات زي دي،،،بس بتكون في الشقق،،،واخدني هناك كم مره،،،،،وهناك لقيت حازم،،،وانتي عارفهه قصتوو،،،المهم رغم انو بابا برسل لي قروش وماما كذلك،،بس كنتا طمعانهه في قروش حازم وزهير💔،،،وبعد فتره حازم خلى الشغل دا،،،وتاب. بينو وبين نفسوو،،وقال لي انو بحبني وماعاوزني استمر في الغلط،،وطلب مني اتوب،،وانو ربنا ح يقبل توبتي،،،بس شهواتي كانت ضاغطهه علي،،،ومن وقتها بقيت اكره حازم وماعاوزاهوو،،،وهو لسه مصر يرجعني،،،قالت لي احيانا بعمل كده فراغ مني،،،ايوه فراغ،،وانا عارفهه الشي دا غلط،،وحاولتا اتوقف عنوو،،بدليل تتذكري لما جيت وسألتك اذا عاوزه اتخلص عن حاجهه سيئه فيني،،،وانتي ساعتها قولتي لي لو في ضرر الواحد بقدر يتخلص منها،،،ومن وقتها بقيت مابتكلم مع زهير وبطنشوو،،،وفعلا توبتا يا ايناس،،استغفرتا كتييير وصليت كتيير،،،بس لسه حاسه اني وسخاانه،،وسخانه شديد وعاوزه انضف،،،،،،بقيت اعاين ليها وانا دموعي نازلهه،،،قولته ليها برضو ماف سبب واحد بخليك تعملي في نفسك كده،،،،،الغلط غلط،،،وانتي المفروض بعد بقيتي كبيره وعرفتي كده،،،المفروض ماكان تسمحي لنفسك ترجعي للغلط،،،عارفهه ياروان انا لما شفتك بتضربي الاولاد اللي كانو متابعننا من المزرعه وبتهدديهم،،،فرحتا شديد واتمنيت اكون زيك،،افتكرتك ماح تسمحي لزول يقرب منك،،او يعاين ليك حتى،،،بس للاسف💔،،،قالت لي اناا قومتا لقيت نفسي كده،،لافي ام جمبي علشان تنصحني،،ولا في اب يوعيني،،،بس في مرت ابو بتسوقني معاها وبتعلمني في تقاليدهم،،،الغلط ما غلطي،،،غلط اهلي الما حسبوا حسابي لما اطلقوا،،،،كانت بتبكي وبتضرب في التربيزه،،قالت لي فيها شنو لو كان اتفاهموا عشاني،،،فيها شنو لو ما اي زول عاين لمصلحتو بس،،وريني💔،،قومتاا وقولته ليها ارح،،قالت لي وين،،،قولته ليها شقتك،،،يلا،،فعلا ركبنا امجاد ومشيناا،،،قولته ليها امشي اغتسلي ياروان،،،وبعدين نتفاهم،،،قالت لي طيب،،،وريتا طريقهه الغسل الصحيحهه،،وقولته ليها امشي وتعالي،،،دخلتا المطبخ عملتا لي عصير حسيت نفسي مهبطه،،،بعد استحمت،،اتوضت،،جيت داخله لقيتا بتصلي،،وبتبكي،،صلت ركعتين،،،بعد خلصت،،قولته ليها عارفه ليه انتي حاسهه نفسك غلط×غلط،،،قالت لي ليه،،،قولته ليها ملابسك،،،لما تحتشمي اكتر،،حتحسي براحه وح تحسي نفسك قربتي لربنا،،،قالت لي معاك حق،،بس انا لبسي كلوو يا اما قصير او عريان او طويل وما ساتر،،،قولته ليها دي المشكله هناا،،،قالت لي بس عمرو اللبس ماكان مقياس للاحترام او القرب من ربنا،،قولته ليها مين قال كده،،،قولته ليها انتي محاسبهه على اي حاجهه،،واي عوره كشفتيها،،غير اليدين والوجه،،،قولته ليها شفتي حفله شهد المشيناها بدون طرح دي محاسبين عليها💔مشكلتنا قدر ما نحاول نصلح من نفسنا بنخرب نفسنا اكتر،،،قالت لي فعلا،،،اتونستا معاها شويهه وبعدين قولته ليها الزمن فات،،لازم امشي البيت،،وزهير ولا زفت دا امسحي رقموو،،ولو قرب ليك هدديهو انك ح تفتحي فيهو بلاغ،،،قالت لي طيب،،،قدمتني ورجعت،،،،،،وصلتا البيت وقعدتا افكر في مشكلهه روان دي،وهل هي فعلا ماعندها ذنب? واهلها هم الغطانين،،،،،بعد المغرب اتصلتا اطمنتا عليهاا،،قبل اقفل قالت لي ايناس ماتكرهيني،،انا حاليا بعتبرك اختي،،ماصحبتي،،قولته ليها ماكارهاك،،،ولانو انا كمان بعتبرك اختي قعدتا وسمعتك❤️قالت لي يعني ماعشان حلفتك بغلاوه زين???،،،قولته ليها روان،،قدر ما احاول انسى الموضوع دا ترجعي وتذكريني،،،قالت لي خلاص اسفهه،،،قفلتا منها وطلعتا بره،،لقيت شهد جات،،،قالت لي قبيل انا وملك فتشناك انتي وروان مالقيناكم،،مشيتوا وين،،،قولته ليها طلعنا بره،،كان في موضوع كده واتحلا،،،قالت لي اهاا،،،طبعا انا ميتهه من الجوع،،ح امشي اشوف لي حاجهه اكلها،،تاكلي معاي،،قولته ليها تمام،،دخلت المطبخ،،وانا مشيت الغرفهه،،لقيت مكالمتين من عمتو.فاديهه،،،قولته دي كمان اتذكرتني من وين،،رجعتا ليهاا،،قالت لي مالك مابتردي،،،قولته ليها التلفون بعيد مني،،،قالت لي اها،،بكره عاوزاك تجيني ضروري،،موضوع مابتأجل،،،قولته ليها موضوع شنو? قالت لي لما تجي ح تعرفي،،،قولته ليها تمام طيب ح اجيك بعد الجامعه،،قالت لي طيب،،،قفلتا منها وسألتا نفسي،،ياربي ح تكون عاوزه شنوو،،،،،شهد نادتني بره،،اكلتا معاهاا،،قولته ليها نسيت اسألك شهر العسل كان كيف،،اتخلمتا مع قصهه زين،،،قالت لي كان حلووو والبلد برضو حلوه شديد،،قولته ليها وتاني،،قالت لي تاني شنوو وهي بتضحك،،قولته ليها وتاني يعني حصل شنو،،قالت لي اتفسحنا وانبسطنا وجينا راجعين😁قولته ليها لا ياا شيخهه،،قعدت تضحكك قالت لي والله يا ايناس عمك دا احن راجل في الدنياا،،عوضني عن حاجات كتيره❤️❤️،،بيني وبينك احيانا بحسو زي ابوي،،عاينتا ليها بإستغراب،،قالت لي ماتستغربي،،،واحده زي مالقت ابوها جمبهاا،،اكيد ح تحس الاحساس دا،،بعد شويهه قالت لي اا المهم،،انتي كيف اسي،،،قولته ليها انا? عايشهه،،،💔
تاني يوم عمو عصام وصلنا الجامعه انا وشهد،،،حضرنا المحاضرات الاوائل ومعانا ملك،،بعد شويهه جات روان،،،كانت لابسه عبايهه،،شهد قالت لي عايني دي مش روان ولا انا بقيت مابشوف،،،عاينتا قولته ليها لا انتي مابتشوفي روان شنو الح تلبس عبايهه👋،،،روان جات وقفت في راسي،،قالت لي ودا خيالك😒💔،،قولته ليها روااان😳قالت لي اي مالك،،العبايه حلوه😍❤️?قولته ليهو شديد،،ملك قالت ليها جبيتيها من وين😂😂،،قالت ليها مشيت السوق،،،واشتريت تلاتهه،،رجعتهم البيت وجيت،،شهد قالت ليها ربنا يهديك 😂😂💔،،،ملك قالت لينا طيب انا ماشه الاستراحه وجايهه،،شهد قالت ليها سوقيني معاك،،،روان قعدت جمبي قالت لي بالجد العبايه مريحه يااخ،،،قولته ليها امم شديد،،،اها عملتي شنو مع زهير? قالت لي فتحتا فيهو بلاغ بعدم التعرض،،وطبعا هو علشان شغلو الوسخ دا مايقيف متضطر يبعد عني،،،قولته ليها خير ماعملتي،،،قالت لي اممم،،وانتي مالك قالبه خلقتك? ،،،قولته ليها امس عمتي اتصلت علي وقالت امشي ليها،،قال لي عمتك منو،،قولته ليها فاديه،،قالت لي فاديه منو😁قولته ليها ام زين💔قالت لي وهي عاوزه منك شنو تاني،،قولته ليها مافهمتني شي،،ح امشي ليها بعد شويهه،،،قالت لي طيب،،ووريني الشمار😁😂،،قولته ليها بتموتي في الشمارات،،،،،بعد ساعه كده طلعتا من الجامعه،،ومشيت لي عمتووو،،،فتحت لي لدن،،،قالت لي ايناس،،،قولته ليها امم كيفك،،،قالت لي تمام وانتي،،،قولته ليها احسن منك😊اا عمتو قاعده،،قالت لي اي،،قاعده،،،دخلتا جوه،،قعدتا في الصاله،،ولدن دخلت المطبخ،،،بعد شويهه سامعه زول بقول يا لدن،،عاينتا بجهه السلم، كانت ياسمين💔،،،وكانت ح تقع💔💔،،جريت عليها ومسكتهاا،،قولته ليها حااسبي،،،قالت لي انتي منوو?،،،سكتا شويهه،،وقولته ليها ايناس،،،
#سلام©💜
