اول ماشهد قالت كده،،،امها التفت عليها ولون وشها اتغير،،،قالت ليها يعني ياشهد انتي بتهمك القروش اكتر من راحتك? كيف ح تقدري تتأقلمي مع راجل زي دا،،،مافكرتي في اي شي غير وضعو المادي،،،يااخساره ياخ،،،قالت ليها امي،،الزمن دا كده،،،وبقيت لو ماعندك قروش انت ما زول،،والناس بتدوس على بعض علشان القروش ،،بدليل راجلك،،،ههه اول ما لقى واحده تصرف عليهو،،،وبس كان شرطها الوحيد انو يرمينا ويطلقك،،،تقدري تقولي لي عمل شنو،،،? اهو في النهايهه باااعك وبأرخص تمن،،،،،طلقكك ورمانا،،،والفرصهه بتجي مره واحده بس في العمر،،،ودي فرصتي،،،ماتتوقعي مني غير اني اوافق،،،،لانو ماح اقدر استحمل الحياه دي اكتر من كده،،،،،ام شهد قعدت في الكرسي،،،وقالت لشهد نفس الطمع والجشع بتاع ابووك،،،حسبي الله ونعم الوكيل،،،ربنا يهديك يابتي،،،ربنا يهديك،،،،
في جانب روان،،،فكانت مع واحد في بيتوو،،،،لابسهه قصير وفاكهه شعرهاا،،،جاا داخل عليهاا زهير وهو المشغله الشغله الشمال دي،،،،روان وقفت على حيلا وقالت ليهو يا زهير انا ماح اقدر اجي الاسبوع الجاي،،،قال ليها خير عندك حاجهه مهمه وانا ماعارف،،،قالت ليهو عندي صحبتي بقت مراقبهه تصرفاتي الايام دي،،ومصره تعرف انا بمشي وين وبجي من وين،،،زهير قال ليها ههه جيبيها معاك بس،،،قالت ليهو لالالا هي مابتاعت كده،،،،زهير عاين ليها من فوق لتحت وضحك ضحكه استفزاز وقال ليها وانتي كمان ماكنتي بتاعت كده،،،،،،وهنا روان شريط حياتا كلو جاا مااري قداما💔💔
صباح اليوم التاني،،،طلعتا من البيت بدري،،مشيت الجامعهه،،،حضرتا محاضراتي،،،،بعد اخر محاضره،،،قعدتا مع شهد،،،قولته ليها اهاا فكرتي?? قالت لي امممم،،اليوم اديهو الرقم،،،قولته ليها زيتون،،،،قالت لي هههه طيب يا ستي،،انا طالعهه،،،قولته ليها تمام،،،بعد شويهه جاتني روان،،،قالت لي ممكن اقعد معاك،،،قولته ليها من متين الاحترام😂،،،،قالت لي هههه ماف احترام ولاشي،،،بس علشان انتي بتحبي تقعدي براك،،،فاا قولته اسألك علشان ماتضايقي ساي،،،قولته ليها لا خلاص انا اتعودتا عليكم،،،،قالت لي ووين ملك،،قولته ليها طلعت من بعد المحاضره طوالي،،،بتسألي ليه،،مش انتو ساكنين جمب بعض?? قالو لي قولي مع بعض،،،انا وملك مؤجرين شقهه،،،قولته ليها لي اهلكم وين،،،قالت لي ااا انا اهلي في قطر،،،وملك اهلها في السعوديهه،،،قولته ليها ايووه كويس،،،،سكتت شويهه،،،وقالت لي هو ينفع الواحد يخلي حاجهه اتعود عليها،،،قولته ليها حاجهه زي شنو? قالت لي اممم مثلا حاجهه سلبيه او كعبههه،،،ممكن يتخلى عنها وكذاا،،،قولته ليها اكيد وخاصهه لو فيها ضرر الواحد بيقدر يتخلى عنها عادي،،،،بس يبعد،،،،قالت لي حلووو،،،قعدت شويهه وقالت لي يلا لازم اطلع،،،حازم بيكون وصل،،،قولته ليها لسه الجديد ما وصل😂💔قالت لي قرررب😉،،،،،،ماعارفهه بس حسيت انو روان مضايقهه من حاجهه،،وانا ماحبيت اسألا،،،عاوزاها تجي منها،،،،،في عز سرحاني،،،زين اتصل علي،،،قولته ليهو اسي كنتا ح اتصل عليك😁قال لي ياازولهه،،،قولته ليهو والنعمهه،،،قعد يضحكك،،،قال لي ع العموم ياستي،،،،انا بره،،ممكن تطلعي،،،قولته ليهو بره وين،،،قال لي بره الجامعه ياسجم،،،،اطلعي عازمك غداء،،،قولته ليهو يييي طيب طيب،،،،قومتا بسرعهه،،،بس اول ما وصلتا البوابهه،،رجعتا الاستراحهه،،،ماعارفهه الخلاني ارجع شنو،،ولا الخلاني اعمل ميك آب شنو،،،بس في حاجهه جواي كانت بتقول خلي زين يشوفك حلووه،،،💜،،،،اتظبطتاا وطلعتاا،،،قولته ليهو اتأخرتا عليك?? قال لي اي شدييد كمان يلا اطلعي،،،طلعنا وسألتو من الشغل حق المحل،،،قال لي طلع شغل ظريف شديد،،،قولته ليهو وسالم مع المعرض? قال لي ماعارف،،،ماف سبب بخليني امشي المعرض،،،لو مشيت سالم حيحس انو ماليهو قيمهه وانو ماقدر الشغلهه دي،،،قولته ليهو بس هو فعلا ماقدرها،،،قال لي ايناس،،،مهما كان،،،لازم ياخد فرصتوو،،،،وصلنا المطعم قبل ننزل،،،زين مسك يدي،،،قال لي على فكره تاني ماتلوني وشك دا،،،لانو انتي مامحتاجهه حاجهه غير انك تبتسمي بس،،،قولته ليهو بس انا ما ملوناهو علشانك،،،ضحكك وقال لي ومين قال انو علشاني،،،انا بس قولته ليك ماتلونيهو😂😂😂،،،،وااي من الاحراج،،ماعرفتا امشي وين😷قولته ليهو طيب ممكن ننزل نتغدا علشان لازم ارجع البيت بدري،،،،قال لي مالازم على فكره،،،وختي حاجهه في راسك،،،وانا معاك ماتحسبي الزمن فهمتي،،،،قولتته ليهو ليه! 😷،،،قال لي من غير ليه!،،،،قولته ليهو طيب ممكن ننزل😁قال لي طيب،،،،نزلنا وطبعا هو لابس تي،شيرت رمادي ساده،،،وبنطلون ابيض كافيهو من تحت،،،،،ولابس ساعهه ومعاها اسوره،،،،دخلناا وطلب لينا على مزاجو طبعا😒،،،،،قولته ليهو زين ثواني ح امشي الحمام واجي،،،،عاين لي مسافهه قال لي ماتمسحي وشك،،،انتي في الحالتين بتجهجهي باكاتي❤️،،،،استغربتا من ردوا،،وخجلتا واتبهدلتا وكلوو🙈❤️😂😂،،،قال لي اقعدي يلا،،،قعدتاا،،،وجابوا الغداء،،،،طبعا انا باكل شويهه وارفع راسي القى زين بعاين لي😷قولته ليهو احم لي ماعاوز تاكل،،،قال لي حرام تكوني قااعده معاي،،واشغل بالي بالاكل،،،قولته ليهو زين امشي اخلي ليك المطعم عشان تاكل يعني،،،قال لي لا ياهبله😂😂،،،انا بس ماعاوز عيوني تشوف حاجهه غيرك،،،حتى لو اكل،،،قولته ليهو اممم انت اصلا اليوم ما طبيعي،،،بعد خلصنا اكل،،،زين طلب لي عصير وهو اخد كولا،،،المهم قعد يتونس معاي والجامعه وما الجامعهه،،،فجأه اسمع ليك واحده بتقول ليهو،،،ويا محاسن الصدف،،،زين العابدين طارق،،،،زبن وقف على حيلوو،،،وقال ليها مزن،،،وين انتي يازولهه،،،قالت ليهو موجووده،،بس انت افتريت يااخي،،كيفك بالله والحاصل عليك،،،قال ليها تمام الحمد لله،،،كيف انتي واخبارك شنو،،،قالت ليهو انا تمام الا البوره ههه،،،انا طبعا بقيت متابعه السيناريو والشمار كتلني😭عاوزه اعرف دي منو،،،زين قال ليها اا يامزن نسيت اعرفك،،،ايناس بت خالي،،،،ومزن يا ايناس كانت زميلتي في الجامعهه،،،قولته ليها تشرفنا،،،قالت لي الشرف لي،،،،طبعا اتغظتا غيظاا لمن زين قال بت خالي😭😭😭😭💔كيف يقول كده،،،،مزن قالت ليهو طيب يا زنون علشان ماتضيع مني تاني،،ممكن رقم تلفونك،،،قال ليها جدا،،،اداها رقموو،،،وبعدين مشت😒،،،قال لي يا الله،،عارفه يا نوسهه،،مزن دي كانت مزه الجامعهه،،ماف زول فايتا في الجمال،،قولته ليهو واضح بدليل انها لسه بايره😒،،،قعد يضحكك قال لي بس هي من زمان ماكان نفسها تتزوج،،،عندها حاجات تانيهه عاوزه تصل ليها،،،قولته ليهو اممم،،زين انا زهجتا ممكن ترجعني البيت،،،قال لي مالك فجأه،،،قولته ليهو مليت،،،عاوزه ارجع،،وبعدين ماما فاطمه ح تقلق علي،،لانو ما كلمتها اني ح اتأخر،،،عاين لي مسافه وعقد حواجبينو،،قال لي طيب ارح،،،حااسب وطلعناا،،وانا طول الطريق قالبه وشي،،،وكل مايحاول يفتح موضوع،،بقفلوا ببرودي،،،لما قربنا للبيت،،،زين وقف العربيهه بعيد،،،قولته ليهو وقفتا مالك،،،قال لي علشان اعرف انتي مالك،،،قولته ليهو انا? ماف حاجهه،،،قال لي من شوفتي مزن وشك جاب ميه لون،،،حتى طول الطريق ردودك بايخهه،،في،شنو? قولته ليهو ماف شي يا زين😊وكنتا ح انزل،،، امن الابواب،،،قولته ليهو زين خليني انزل،،،قال لي مالم اعرف مالك ماف نزول😊قولته ليهو وانا قولته ليك ماف شي،،،ضرب يدو في الدرسكون،،،قال لي طيب،،،وصلني جمب الباب،،،عاوز يتكلم معاي تلفونو ضرب،،،قولته ليهو بتكون مزن ناويهه تطمن عليك😊،،،،، ردا وفعلا كانت هي ،،،اتكلم معاها وهو بيضحك بأعلى صوت😒💔بعد خلص عاين لي وفتح الابواب قال لي خلي بالك من نفسك،،،،نزلتهه ومارديت عليهوو،،،،،دخلته جووه وانا عاوزه اطق من الزعل،،،زين من نوع الناس المستفزين،،،احيييي بس😭😭،،،لقيت عمو عصام في الصاله،،،قال لي وشك دا ح يقع،،،مالك خير😂😂قولته ليهو ولا شي،،،وين ماما فاطمه،،قال لي مشت عندها مقابله،،،قولته ليهو طيب،،،قال لي بالمناسبهه مرتي قالت شنو? قولته ليهو مرتك منو،،،قال لي شهد،،شهد يا ننوس ركزي معاي😒،،قولته ليهو اهاا،،،مبدئيا كده اتقبلت الفكره،،وقالت اديك الرقم،،،قال لي شححح طيب مليني اسيفوو😍😍،،مليتو الرقم،،،،قال لي ح اتصل عليها بعدين،،،قولته ليهو ربنا يتم ليكم على خير،،،،ودخلتا غرفتي،،،قعدتا ابكي وانا ماعارفهه ببكي لشنو اصلا،،،وماعندي زول اشكي ليهو همي،،،قولته لو اتصلتا على لدن ح تتغالظ علي وتقول اني بحبوو،،،بس بقيت ابكي لحدي مانمتا،،،
مرر اسبوع وشهد وعمو عصام اتفاهموا تقريبا ماباقي غير الحاجات الرسميه❤️❤️،،،،وانا مع زين،،مابنتكلم كتير،،يا اما هو اتصل يطمن علي ويقفل الخط،في وشي،،او اتصلتا انا،،،وبرضو بقفل في وشوو😒،،،لحدي ماف يووم،،،جاني في الجامعهه،،،روان كانت طالعهه لمن شافت عربيتو،،جاتني جري،،قالت لي وااي يا ننوس،،زين واقف بره قولته ليها والجابوا شنو قالت لي امشي اسألي،،،،،طلعتا ليهو بره،،،اول ما شافني نزل،،،قولته ليهو الجابك شنو،،قال لي خلصتي محاضرات صااح? قولته ليهو اي،،مسكني من يدي،،قولته ليهو زين،،،ركبني العربيهه وقفل الباب،،،لمن ركب،،قولته ليهو زين بطل حركاتك دي،،،ما اشتغل بي،،وبقى مااشي،،لحدي ماوصلنا بيتهم،،،قولته ليهو وجاين نعمل هنا شنو ان شاء الله،،،قال لي نتفاهم،،،نزلني من العربيهه ومسك يدي،،،دخلنا البيت،،،وماكان في زول،،،قولته ليهو عاوز شنو انت،،،قال لي انا االعاوز افهم انتي عاوزه شنو،،وليك اسبوع بتتصرفي معاي بحماقه مالك،،،الماعاجبك شنو?? قولته ليهو ماف حاجهه،،،قال لي لا في،،،من يوم المطعم وقصهه مزن زميلتي،،وانتي متغيره،،،لو مافهمتيني في شنو،،ماف طلووع ليك من هنا،،قولته ليهو خلاص خلينا قاعدين،،،😊
—بكره عندي اخرر امتحان،،ماح اقدر اكتب ليكم اليوم بليل،،،بس من التلاتاء ح التزم ليكم بحلقه صباح وحلقه مساء،،،ابقوا عافيهه💜
#سلام©💜
