يوميات آآآآم خدود😊

تعالوو 😹

أبو جبار سأل أم جبار گلها:
شني رايچ بألأسماء الحلوة  الي تتسمى بيها  البنات على الفيس بوك گلتله اشتقصد بالأسماء الحلوه گلها مثلاً..

( امرأة ابكاها القدر)
گلتله:
هاي المره رجلها أجه من الشغل ولگاهه ما طابخه غده لزم الجدر وطگهه على راسهه وضلت اسبوع كامل تبچي من طگة الجدر. بس هيه ما إتسميه جدر إتسميه قِدر..
گلها زين و هاي الأسمها..

(لم أرى النور)
گلتله:
هاي المره رجلهه گلها جيبيلي أگلاص ماي جابتله الماي بالقوري لأن چانت تحچي ويه صديقتها عالماسنجر..رجلها طگها على عينها بالريموت مال التلفزيون وضلت 3ايام ما اتشوف الضوه..

گلها زين وهاي..
(الحنين إلى الماضي.)
گلتله هاي المره چانت إببیت أهلها عدها سبع أخوان امتعبينها من الأوامر والطلبات وچانت تدعي ربها كون تتزوج وترتاح واجت قسمتها وإتزوجت واحد يخلص الوكت كله أطبخي اغسلي اكوي نظفي امسحي خلاها تحن للماضي..

گلها زين و
( سوسه المغرورة)
گلتله  هاي البنية أمها سوت الها ثلاثين عوذه وسبعطعش سحر رادت بس واحد يخطبها ومحد خطبها..

گلها زين وهاي..
( النجاح غايتي)
گلتله هاي صار الها 3 سنوات راسبه بصف الثالث متوسط ودخلت دورات ابكل الدروس وتدرس ابمدرسه أهليه لأن هدفها النجاح ولحد اليوم ما ناجحه..

گلها زين و
( أوراق الفراق)
گلتله هاي المره طلگها رجلها لأن چانت تصرف راتب رجلها بأول إسبوع من طلگها لليوم لازمه بيدها اوراق الطلاق وتفتر بالمحكمه اتدور على محامي ايرجعها الرجلها..

گلها زين و
( حجابي سر جمالي)
گلتله هاي البت شعرها بيه 🕷🕷🕷واستخدمت كل الأدوية والشامبوات وماكو أي نتيجه آخر شي زينوها گرعه ولبسوها حجاب..

گلها زين و
( دموع الألم)
گلتله هاي المره متزوجه رجل كل همه بطنه  الليل والنهار بس ياكل وچان ايحب الطماطه والبصل گلي بالدهن  وهاي المسكينه ليل ونهار بس تثرم طماطه وبصل واعيونها تدمع..

گلها زين و هاي الأسمها
( سنوات الضياع)
گلتله هاي المره كلش ثوله كل سنه ياخذها رجلها للزياره وكل سنه اتضيع منه ....

گلها زین إذا هيچ السالفه ليش ايكتبن هاي الأسماء؟؟
گلتله یبو جبار هذا ايسمونه(الهروب من الواقع )
گلها عود شني (الهروب من الواقع)؟؟
گلتله یبعد روحي هاي أسم صفحتي عالفيس بوك.
😂😂😂😂 😂😂