نور الفهد

الحلقه التاسعه ⁦❤️⁩😍

الحلقه التاسعه من نور الفهد
*********************
ميرنا بتفكير : يعني بابا فعلا عمل كدا قتل وحتي لو عمل كدا انا زمبي ايه زمب سامر اي ليه عملتي فينا كدا ي ماما مش كفايا بعدك عننا واحنا صغيرين ولحد الوقتي سامر كان ليا كل حاجه سامر واهو الوقتي زعلان مني انا اتعصبت عليه اووي ياتري انت عامل اي الوقتي ي قلب اختك يارب يكون كويس يارب
قامت دخلت الحمام اللي ف القوضه اتوضت وفضلت تصلي لحد الصبح ومحستش باللي حصل ل مراد
.........................………….
في القسم نور قاعده ع المكتب بتاعها وبتقرا شويه ورق ومراد قاعد قدامها بيبص عليها بلهفه كأنه ببحفظ شكلها كانت وحشاه اووي نور كانت الحاجه الحلوه الوحيده ف حياته هي و نورهان نورهان
مراد بتوتر :احمم هي نورهان عامله اي
نور رفعت عنيها بحده وبصت عليه وبصوت خافت بس حازم جدا : متجبش سيره اختي ع لسانك انت سامع
مراد بلع ريقه كان عايز يعيط وأتكلم بحزن : بس دي ا
نور مقاطعه بحزم وهي بتخبط ع المكتب جامد : متكملش انت سامع متكملش احسن ليك
مراد حط عينه ف الارض وسكت هو يستاهل اكتر من كدا يستاهل كل اللي حصل ليه منها هو سابها ف اكتر وقت هي كانت محتاجه حد فيه معاه
نور سابت الورق وبصت عليه ورجعت ضهرها لورا وبهدوء : انت تعرف سهير رمزي منين
مراد رفع عنيه بصدمه : انتي تعرفيها
نور بهدوء و برود : اظن كلامي واضح تعرف سهير رمزي منين
مراد بلع ريقه : احم تبقا ام مراتي
نور بزهول بصطنع : واوو مراتك انت اتجوزت أمتي
مراد بخفوت : امبارح
نور بهدوء: اممم يعني انهارده ليله الدخله يعني جبتك من جمب مراتك ي خساره
مراد : لا لسه اقصد اها اها من جمبها
نور خافت جدا ع ميرنا  : انت عملت فيها اي ي واطي
مراد استغرب : معملتش حاجه والله حتي لسه مشوفتهاش من ساعه م عليتها مشت
نور هدت جداا واتنفست براحه : طيب و هتفضل كدا
مراد استغرب اكتر : كدا ازاي يعني
نور بهدوء: كدا يعني ف مقام الاخوات لحد م هي تتقبل وجودك
مراد : وانتي تعرفي ميرنا منين ومين قالك انها مش متقبله وجودي
نور بهدوء: ملكش فيه ميرنا زي اختي والله ي مراد لو فكرت مجرد تفكير انك تلمس شعره منها ل اقتلك ب أيدي انت سامع
مراد بحزن : انا اساسا مكنتش هلمس منها شعره ي نور انا اه اتغيرت كتير عن زمان بس انا لسه راجل ومقبلش المس واحده غصب عنها
نور بستهزا : هه راجل اها ع يدي المهم حضرتك هتفضل هنا بردو لحد بكره انا ماشيه
نور خرجت وأمرت العسكري كمان ساعه ويطلق سراح مراد وخرجت ركبت تاكسي وروحت ع الفيله
................................
....: ايه انت بتقول اي يا احمد ازاي حد تاني قبض عليه ومين ده اللي هيقبض عليه وليه
احمد : معرفش والله ي فهد انا روحت انا والعساكر زي م أمرت لقيت البواب بيقول فيه بنت وولد ف الشرطه ومعاهم عساكر اخدوا
فهد وهو بيمسك شعره بحيره : متعرفش مين
احمد : لا اديني ساعه وانا اعرف واقولك
فهد بهدوء : تمام ساعه وهكلمك
فهد فضل نص ساعه وبيبص من شباك قوضه لقه نور داخله من البوابه اتسغرب ونزل بسرعه عشان يعرف كانت فين
فهد باستغراب: نور
نور لقت لقت فهد اتوترت هي مش عايزه تخلي حد يعرف باااللي هي عملته
نور ببستامه مهزوزه لحظها الفهد بسهوله : اهلا فهد ايه مصحيك لحد الوقتي
فهد رفع حاجب : المفروض انا اللي اسال كنتي فين لحد الوقتي ولا اي رايك
نور بهدوء : اها كنت ف القسم
فهد باستغراب: ليه ومش انتي واخده اجازه
نور بتوتر : اها بس كان في قضيه كدا مهمه يعني كنت بشوف فيها حاجه المهم انا هعمل شاي اعملك معايا ( نور عملت كدا عشان تتوه الموضوع عشان هي مش بتحب الكدب )
فهد فهم هي بتعمل اي وحب يجريها للاخر : تمام هستاكي قدام البسين
نور زفت بهدوء لما فهد عطي ليها ضهره ودخلت غيرت هدومها لترنج لونه اسود البنطلون واسع شويه صغيرين والجكت نازل لحد بعد الضهر بشويه كتار ولبست ايس كاب ممخبي شعرها كله وعملت شاي وطلعت ل فهد
فهد اخد منها الشاي وهو بياخده مسك أيدها رعشه احتلت جسم نور وحس بيها فهد وبص ف عنيها وهي كمان وفضلوا كدا لحد م فون فهد رن
فهد انتبه ومسك الفون ورد
ونور بصت قدامها وعنفت نفسها جدا
و انتبهت لكلام فهد وهو بيقول
فهد بهدوء : اسمها اي
...................
فهد بص ل نور وبعدين بص قدامه وأتكلم بصدمه: بتقول مين
....................
فهد خرج من الصدمه وأتكلم بهدوء عكس اللي جواه : تمام تمام شكرا ي ابو حميد
لا سلامتك سلام
فهد قفل الفون وحطه جمبه وسكت شويه وبعدين اتكلم بهدوء وهو باصص قدامه : عملتي كدا ليه
نور بصت عليه باستغراب: عملت اي
فهد بهدوء: قبضي ع مراد ليه
نور استغربت انو عرف بالسرعه دي وأتكلم ببعض التوتر : عادي كان في ش
فهد مسك وشها وخلاها تبص ف عنيه وأتكلم بصوت هادئ : قولي الحقيقه
نور كانت تايهه : مكنتش عايزاه يلمس ميرنا لحد م انت وانكل مهاب تتكلموا معاها واتشوفوها عايزه اي
فهد فضل حاطط أيده ع وشها وبيتكلم بهدوء : وليه ساعتيها
نور بتوهان في عنيه وجمالها : عشان متحسش بالكسره لما تكون هي ضعيفه قدام راجل وهي مش عارفه تعمل معاه حاجه وخرجت من اللي هي كانت فيه ونزلت ايد فهد بهدوء وأتكلم بحزن وهي باصه قدامه : تعرف ي فهد اصعب حاجه ف الدنيا انك تحس انك عاجز وانك تكرهه كونك بنت وملكش سند وضهر تتحمي فيه بعد م كان عندك ٦ اخوات كانوا ضهر ليك وسند غير ابوك تنام وتصحي تلاقي مفيش منهم ولا واحد شعور صعب اوي بجد
فهد حس قد اي هي حزينه وكمان قد اي مجروحه ومكسوره وحلف انو هيخرجها من اللي هي فيه ده ب اسرع وقت
فهد بهدوء: حبيتي قبل كدا
نور استغربت سؤاله بس هي كانت عايزه تتكلم فقالت بهدوء : اها مره و يرتني محبيت
فهد اتعصب بس اتكلم بهدوء: ليه
نور بحزن : عشان كان هو أكبر وجع ليا ف حياتي هو السبب ف كل اللي انا فيه هو السبب اني اتحولت من بنت كان كل حلمها تكمل معاه وتكمل دراستها وتدخل كليه هندسه ل راجل بهدوم راجل وقوه راجل ودخلت كليه شرطه
فهد مسك أيدها وباسها ونور اتصدمت جداا وجت تسحب أيدها فهد مسكها جامد وقال بهمس : انتي ست البنات كلهم رغم هدومك دي لكن فيكي جمال مهوش ف حد ي نور انت حاجه غريبه كدا ب عنيكي اللي محدش عارف ليها لون دي ولا نعومتك حتي وانتي متعصبه أو بتتضربي حد بتكون جميله جدا حنينه ل ابعد حد عايزه تساعدي كل اللي حوليكي من غير م حد يعرف انتي اجمل بنت شوفتها ف حياتي كلها وصدقيني هخرجك من اللي انتي فيه ده ده وعد مني ممن فهد مهاب الزيني
وساب أيدها وهي مصدمه منه ومشي خطوتين ولف ليها تاني وقالها بهدوء: واها شكرا ع اللي انتي عملتيه مع ميرنا فينا حاجات مشتركه كتير حتي نفس التفكير فهد طلع ونور فضلت مصدمه وبتبص ع أيدها شويه و ل مكان مكان فهد قاعد شويه لحد م طلعت من شرودها ع ايد حد بتتحط ع كتفها بتبص وراها لقت ....
.......................................
مراد روح البيت وطلع قوضه غير هدومه وطلع ع السرير وفضل يفكر ف نور
مراد بحزن : يااااه ي نور كنتي وحشاني اوووي كنتي وحشاني جداا كان نفسي اخدك ف حضني كل اللي كنت محتاجه من الدنيا حضنك انتي وبس هتسمحيني ي نور هتسامحي مراد حبيبك وقلبك وعمرك كله زي م كنتي بتقولي هتسامحي اخوكي ولا مش هتقدري بس انتي قلبك طيب اها انا عارف انتي اكيد هتسامحيني انا عارف ده انتي نور وفضل يفكر فيها لحد م راح ف النوم
.....................................
احمد قام لبس هدومه وجهز حاجته وسلم ع يذيد واسراء اللي كانت بتعيط جدااا وهو اقنعها انها هتيجي مع يذيد ف اقرب وقت لما ينقل ورقها هي ونورهان وجودي هناك وهي سكتت عشان هتكون كدا كدا معاهم تستحمل شويه بس
خرج وراح مصر وع فيله الفهد زي م هو قالوا انوا اول م يوصل يرن عليه ويجي ع البيت
احمد دخل بعد م الحرس اخد الاذن من فهد ودخل وهو داخل شاف بنت جميله جدااا ماشيه سرحانه وحزينه الحزن باين عليها كانت ايه ف الجمال فعلا بس اخد بالوا انها كل شويه تقرب من البيسين وهي اساسا مش شايفه فضل باصص عليها لحد م بقت ع حرفه
احمد بصوت عالي وعشان كان قدام الباب ف كل اللي كان تحت سمعه : حاااااااسبي خدي بالك
جني لما احمد زعق هي اتخضتت ووقعت ف البيسين وهي اساسا مش بتعرف تعوم احمد ساب الشنطه وجري عليها ونط ف المايه اللي كانت فعلا غويضه زي م تكون بحر لحد م مسك أيدها ورفعها ل فوق وأتكلم بخوف ولهفه هو نفسه استغرابها : انتي كويسه حصلك حاجه كان بيتكلم وهو بيبص ع كل وشها لحد م بص ف عنيها
جني بصت ف عنيه وكانت في عالم تاااني خالص وفاقت ع صوت نور وهي بتقول : احمد هي كويسه
احمد كمان فاق وقرب من النحيه اللي فيها فهد وفهد اول م احمد قرب راح مسك أيدها وطلعها والهام خديتها ف حضنها وأتكلم بخوف : بنتي حبيبتي انتي كويسه ي قلب ماما
جني بخفوت وهي بتبص ع احمد اللي طلع من المايه : اها انا كويسه الحمد لله
فهد بص ل احمد : شكرا ليك يا احمد انت جيت ف الوقت المناسب جني مش بتعرف تعوم خالص
احمد تايهه ف الحوريه اللي قدامه وبهمس محدش سمعه: جني
.....................................
خلص الفصل التاسع من نور الفهد
بقلمي
#Noda__Rizk
مش هسال انهارده اسيبكوا بقا انتو مع احداثها رايكوا بقا وقولولي شايفين اي ف جني وأحمد ف المستقبل 😉