Dare or Consequence

33

"Saan punta mo?" Tanong ni Mama pagkababa ko. Naabutan ko silang nanonood ni Papa.

"Kila jema po." Napatigil ako sa kinalalagyan ko dahil hinihintay ko na payagan nila akong umalis. Nakabihis na ko e. Approval nalang nila ang kulang dahil ready na kong umalis.

"Deanna maupo ka nga muna dito." Tawag sakin ni Papa. Agad naman akong naupo sa single sofa na tinuro ni Papa. Nilapag ko muna sa gilid ng sofa ang dala kong paper bag.

"Bestfriend mo yang si Jema di ba?" Tumungo naman ako sa pagsang ayon.

"Alam niyo naman siguro ang tama't mali? Wala naman siguro kayong ginagawang kalokohan? Normal lang ang magsabi ng I love you sa bestfriend. Naiintindihan namin yun. Inintindi namin yun dahil lagi ka naming naririnig na may kausap sa phone. Si jema ang kausap mo di ba? Siya ang sinasabihan mo ng i love you. Pero Deanna siguraduhin mo lang na bestfriend mo lang talaga si Jema. Don't disappoint us." Na kay Papa lang ang tingin ko hanggang sa matapos siya sa sinasabi niya. Wala akong masabi. Paano umamin kung ganito ang eksena? Paano maging matapang para kay Jema kung pamilya ko ang kahinaan ko?

"Sige na umalis ka na. Wag magpapagabi ha." Basag ni Mama sa katahimikan sa huling sinabi ni Papa. Agad naman akong nagpaalam at umalis na.

Ramdam kong nagdududa na sila. Malamang anak nila ako. Nasa isang bubong lang kami nakatira. Alam kong may alam na sila. Siguro nandun sila sa denial stage as a parent hindi nila matanggap na maaaring may something samin ni Jema. Gaano ba kahirap tanggapin na bisexual ang anak mo?

Nang makarating ako kila jema ay nagdoorbell na ko. Ilang sandali lang ay bumukas na ang gate nila.

"Deanna ikaw pala. Tara pasok." Bungad ni Tita sakin. Agad naman akong nagmano sakanya. Sumunod ako sakanya papasok.

"Buti ay napadalaw ka dito. Antagal na nung huling kita ko sayo." Sabi ni tita ng makapasok na kami sakanila.

"Pasensya na po naging busy po kasi." Sinenyasan naman niya kong umupo kaya sumunod ako.

"Kumusta na pag aaral mo? Ano ngang course ang kinukuha mo?" Tanong ni Tita habang nakatingin sakin. Nasakin talaga ang atensyon niya dahil hindi naman buhay ang tv nila.

"Hi Deanna!" Napasulyap naman ako sa nasa likuran ni Tita. Kakalabas lang ng kusina.

"Hello po Tito. Magandang umaga po." Sabi ko sabay mano ng makalapit samin si Tito.

"Okay lang naman po yung pag aaral ko. Education po kinukuha kong course." Baling ko kay tita. Nakaupo na sa tabi ni tita si tito.

"Para kanino yang dala mong paper bag? Para ba yan sa anak namin?" Tumungo naman ako kay tito.

"Jema, lumabas ka dyan sa kwarto mo may manliligaw ka dito." Gulat na gulat akong nakatingin kay Tito.

"Ano ka ba naman Pa! Kung ano ano yang sinasabi mo. Hintayin nating umamin ang anak natin at si Deanna." Saway sakanya ni Tita.

"Pa! Anong manliligaw pinagsasasabi niyo? Ayokong magpa--" Naputol ni Jema ang sasabihin niya ng mapalingon ako sakanya. Agad na nagtama ang mga mata namin. Halatang bagong gising palang siya. Pagtingin ko sa wall clock nila. 8:30 na ha.

"Hi Deanna. Bakit di ka nagsabi na pupunta ka?" Sabi ni Jema ng makalapit na siya. Umupo siya sa kanan na side ng sofang kinauupuan ko. Take note single sofa lang po ang kinauupuan ko. Bali nakaupo si jema ngayon sa parang lagayan ng kamay. So mas mataas ang kinuupuan ni Jema kesa sakin kasi hindi naman talaga upuan yun. Nakatingala tuloy ako sakanya. Habang siya ay medyong nakayukong nakatingin sakin.

"Nak, wag mong masyadong titigan si Deanna. Sige ka wala akong magiging manugang." Gulat na napatingin agad ako kay tito. Narinig ko namang natawa lang si Jema kaya sinulyapan ko siya na nagtataka. Nginitian lang ako ni Jema sabay akbay sakin. Bumaling siya sa mga magulang niya. Kaya napatingin din ako sa magulang niya na kasalukuyang nakangiting nakatingin samin ni Jema.

"Pa, Ma, Bagay kami no? Ganda ng girlfriend ko no?" Napabaling ulit ang tingin ko kay jema hindi ko maiwasang maluha ng napatingin ako sakanya pero agad ko namang pinunasan. Sa parents pa rin niya siya nakatingin na nakangiti. Bakit hindi ko mahanap na mainis o magalit sa sinabi niya? Dapat di ba sikreto muna to dahil takot pa kong umamin. Pero bakit ngayon naiiyak ako sa tuwa, ang saya sa pakiramdam na proud siyang sabihin yung sa parents niya.

"Bb, bat ka naiiyak?" Natatawang sabi niya na mapasulyap siya sakin.

"Ma, Pa, naspeechless na girlfriend ko. Sa kwarto muna kami." Sabi niya. Tumayo na siya habang nakatingin siya sakin. Hinihintay niya kong tumayo kaya tumayo na rin ako sabay kuha ng paper bag na dala ko. Agad naman niyang hinawakan ang kaliwang kamay ko dahil nasa kanan ang paper bag.

"Deanna." Pareho kaming napalingon ni Jema kila tito at tita.

"Deanna wag mong sasaktan yung anak namin ha. Wag mong papaiyakin yan." Nakangiting sabi ni Tito. Nakangiting nakamasid din samin si Tita. Sana ganito rin ang parents ko.

"Tita, Tito, iiwasan ko pong masaktan at mapaiyak ang anak niyo." Naramdaman kong pinisil ni Jema ang kamay kong hawak niya.

"Mahalin mo yan ha. Kahit matigas ang ulo niyan. Alam naming mahal na mahal ka niyan." Napabaling ang tingin ko kay Jema na nakatingin rin pala sakin. Nginitian ko siya.

"Mahal na mahal ko din po si Jema." Sagot ko kay tito habang nakatingin ako sa mga mata ni jema.