المقدمه
ليس كل مايتمناه المرء يدركه
احيانا طموحات البشر تصل الي عنان السماء وعندما لا يصل لها توصله الي احباط مدمر من الممكن ان يدمر من يقترب منه
الافوكاتو القواده
الحلقه الاولي
ام ماجده :يلا يا ماجده عشان محضراتك
ماجده:ربنا يتوب علينا اهي اخر سنه ياسلام لو جبت امتياز السنه دي يبقي امتياز مع مرتبه الشرف ويعينوني ف الجامعه ولا وكيل نيابه ولا ابقي قاضي ولا مستشاره كده
امها:طب يلا ياختي بلاش احلام ورديه
ماجده:ايه الامهات دي
ليه تكسري ماديفي ع الصبح
طب ادعي دعوه حلوه
امها :يلا يابت مش نقصاكي
عشان اصحي اختك تروح مدرستها اتاخرت انهارده ونسيتها
الام:يلا ياسها نسيتك الساعه بقت 7ونص
سها:يالهوي ياماما دا الجرس 7 ونص اروح ازاي انا بقي هنضرب
امها:خلاص انتي حره وانا عقلي دفتر
وتذهب ماجده لكليتها وف الطريق
سعيد:مش هتحن علينا بقي ياقمر
فسعيد هذا ميكانيكي دبلوم ولكنه يعشق ماجده وهي طبعا مصدراله الطارشه بل تحتقره
ماجده:انت مش هتتلم يلا بقي والله اقفلك الورشه دي لو ماتلميت
سعيد:كل حاجه منك حلوه ياجميل
سهير :هي بردو مصدرالك الطارشه
سعيد:معرفش فيا ايه مش عاجبها
سهير:مش شايف وينظران
وف الطريق يقابلها احمد
احمد محاسب ف شركه
ازيك انسه ماجده عامله ايه ف دراستك
ماجده:الحمد لله وازاي طنط عامله ايه
فامها صديقه امه وهو معجب بها ولكن طموحها عالي لعنان السماء
نرجع لمقاصيف الرقبه سعيد وسهير
سعيد:وهو في ايه احسن مني
سهير:ياشيخ اتنيل قول انت فيك ايه اصلا دا استاذ احمد هييييح خالص
سعيد:وحياه .....
ماتتلمي يابت
سهير:اعمل ايه بحبه ومش حاسس بيا ومركز معاها انا عارفه فيها ايه عاملين زي النمل عليها
سعيد:انا بس مستني تخلص واتقدملها عشان ماتتحججش بالدراسه
عشان انا بقيت علي اخري
سهير:وهي هتوافق
سعيد:ليه وانا فيا ايه ناقص ايد ولا رجل مجدع وكسيب
سهير:ياريت توافق ع الاقل ازيحها من قدام سي احمد بحبه ياناس ومش حاسس بيا
سعيد:ادينا مستنيين تنجح سياده الافوكاتو ونشوف ميتها ايه
سهير:بارب توافق
سعيد:وانتي راحه فين كده ع الصبح
سهير:هروح فين مرات ابويا بعتاني السوق اجيب شويه حاجات ربنا يخلصنا من البيت ده علي خير
سعيد:عاوزه حاجه
سهير:تسلم بالاذن بقي لتستعوقني وتطين عيشتي
ف الكليه
نهي :اشرقت الانوار بالست الضاكتوره
ماجده:اتريقي ياختي اتريقي
بكره اتعين معيده واخد الدكتوراه ولا هتعرفو تكلموني
نهي:عشم ابليس ف الجنه يااوختي
مفكره ممكن تبقي وكيله نيابه ولا مستشاره الحاجات دي لو ابوكي قاضي ولا مستشار تدخليها لكن عامه الشعب اللي زينا اقصاها محاميه تحت السلم
ماجده:امشي يابت انتي فقر
يلا ندخل المحاضره
نهي:ايه رايك ف الدكتور الجديد ده والله عسل
ماجده:انت اللي عسل ياعسل
احنا جايين ندرس ولا نجوز ياحاجه
نهي:فقريه خليكي كده والله ماحد هيعبرك
ماجده:احسن مش عاوزه
انا طموحي اكبر من كده بكتير خليكي انتي مشكلتك الوحيده تلاقي راجل يسترك انا بقي مشكلتي اكبر من كده بكتير
أنت تقرأ
الافوكاتو القواده
Mystery / Thrillerلم تستطع اخذ حقها لذلك فكرت ان تاخذه بطريقتها الخاصه بمعاونه ظابط وبعض الاصدقاء ولكن باجبارهم علي التعاون معها بطرقها الخاصه
