شهد: اي تفقنه باجر اداوم
كيان: عفيه بحبيبيتي التسمع الكلام ها اخرتك اعذرني بس صار عواي محاجي وياهه بعد اخوك ماخذ تلفونهه ومسوي حصار عليه
امجد: لا عادي يمعود لو ما رايح التحق جان يوميه اجي واخليك تخابر بس بشروط هههههه شعبالك ماكو شي بلاش يله خويه اني اترخص ولا تشيل هم انشالله تنحل
كيان: بعد ماكدر والله اكلك علي خابرني امجد ويكول ابوهه ميكدر يجي صايره مشكله بلشحن مال بضاعته ويتاخر بعد شهرين لني بعد ماكدر والله اذا ملكيتلي حل اروح اكسر البيت على روسهم واجيبهه لو اشتكي على اخوهه
علي: كيان اهدء شبيك تخبلت كتلك اني احلهه اروح العمي اخذهه وراروحلهم وانشالله اجيبهه وااجي رحت العمري ورحنه لمحمد ابد ليحترم ولا يقدر وعمي هواي حجه ويا بعدين كله عندي شرط اذا ترجع ويا لازم يشتريلهه بيت يمهه وباسمهه شكد حاولت اقنعه بس هوه انسان حقير
محمد: والله هذا شروطنه واذا ميكدر عليهه خليطلك بعد امك والحجته والسوته زين واستقبلكم بيتي عندك مهله اسبوع لو طلك لو تشتري بيت خلي يحلهه بسرعه لان اريد اخذهم واسافر عندي شغل ومناك اروح اشوف ابويه هذا اخر كلام عندي
علي: بس ياخي شروطتك تعجيزيه بيت يمكم هواي عليه وهوه مكانيته متسمحله ياجر هنا هم صعبه تعرف منطقتكم غاليه
محمد: والله هذا العندي اخوك هواي باوع للاعلى منه فنكسرت ركبته كلمن يباوع على مستواه
عم علي: لا يبوك هذا مو عشمنه بيكم اتهينونه واحنه بيتكم ربنه كلنه خلقنه من طين حرم التسوي يوليدي
محمد: هذا اخر حجي عندي اني اريد اروح عندي اجتماع
علي: شنوووو تطردنه
محمد: الي يعجبك تفسره فسره
علي: رجعنه للبيت وعمي ضل يحجي على امي وهيه ابد متتنازل ماعرف شكل الكيان هذا يتخبل ياربي حلهه من عندك. الووو كيان تعال عمي يريدك رجعنه للبيت
كيان: السلام عليكم شلونك عمي
عم علي: هلا وليدي اسمعني للاخير ولتقاطعني بويه هذا اخوهه من الاخير مايريد ترجع البنيه رايد طلاك ايريد الطلتك لان شروطه تعجيزيه لو تشتري بيت يمهم وباسمهه لو طلكك وماعده سلوب يبعد ابوك ومايحترم الجبير ويكول ابوي كايلي انته صرف بمكاني ومن رجنه اخوك خابر اخوهه الصغير وكله مابيدي شي الضاهر محمد لاعبهه صح واني هم ماكدر اكول همه الغلط كله منهم امك الله يسلمهه ما مقصره شاهرتهم ولاعبه لعب عندي حلين اما تنتضر ابوهه يرجه او طلك هوه اخوهه انطاك سبوع مهله يكول يريد ياخذهه ويسافر ياخذهه لابوهه
كيان: اني طلاك ماطلك مو بكيفه اروح واخذهه من نص بيهم وخلي رجال يطلعلي اليوم لو كاتل لو مكتول ما اكدر شنو هل ضلم كلهه ضدنه عبالك جانو منتظرين الفرصه علينه شنو اسبوع هوه بكيفه ياخذهه ةين ويسافر وهيه مرتي بكيفه والله اكتله خلاص
عم علي:اييي عفيه عليك كيان تريد تشعلهه دير بالك اسمع واصل البيتهم ذيج الساعه اني اوكف بوجهك اصبر وليدي اني اخذ ناس وشيوخ واروح مره لاخ مو عبالك هيه لعبه مابينه حيل خلي نفكر بحل والله كريم اني هسه رايح واشوف شلون احلهه بعد عمك صير عاقل
علي: كيان هذا اخوهه ميحترم لو شوف شلون حجه وياي ويه عمي اخويه اصبر هوه يريد طلك لاتنطي لزمه على نفسك
كيان: اكلك خلي اروح اني احجي ويا والله ماسوي شي بس اكله اني شكد احبهه والكه حل ماكدر انتظر صبري بعد خلص واني كاعد
محمد: شهد تعاي باعي وسمعي الحجي زين الراح احجي رجلج المهتلف كليوم دازلي واحد باعي اني ارجعج اله بعد حلمي خلي يطلك بهدوء لان والله ثم والله ياشهد تعرفين شسوي بي لا عبالج ساكت لا بس بعد اخليج متشوفينه طول عمرج خلي يطلك ويعيش حياته احسن من ما انفي من الوجود يعني مثل اوديله واحد بماطور شايله كاتم يضربه طلقه والقضيه ضد مجهول اول الفقله بلوه او جزيمه هواي سوالف عندي خلي يصير حباب ويطلك اذا اضوج رععرفيني شسوي ها حته يكون بعلمج حته ابوج قنعته يعني محد يوكف وياج حبابه كليله طلكني وشوف حياتك واني هم اريد اشوف حياتي بواحد من مستواي حبابه فكري وهذا مبايلج خابري ورديلي خبر علمود اعرف شلون اصرف شر لو خير
شهد: بعد حجي محمد بجيت هواي بس اعرفه لخويه وخفت على كيان ليئذي لازم احجي علمود يعوفني ولازم اجرحه شويه بلحجي بس اريد سلامته كلشي ماريد اهم شي هوه عايش ماعرف شكول عليح عمتي الله ياخذ حقي منج لان مماذيتج ونتي سبب طلاكي راح صيرين
كيان: شنو هذا الكاعد اشوفه صدك رقم شهد الحب يدك اخخخ شهد هذا صوتج ما اصدك هذا انتي حبيبتي لتخافين ماعوفج حبي روحي الهوا مالي حبيبتي ميت اني بلاياج شهوده حبي لتبجين مشتاق الصوتج لتخافين من محمد وحجيه اني احلهه حبي شهوده محد يفرقنه
شهد: كيان لازم تسمعني زين اني هواي فكرت يله خابرتك اني وياك لازم نطلق وحجي محمد كله صح واني غلطانه مجان لازم اقبل بيك اني وين ونته وين فرجائن لصعبهه وطلك عوفني اشوف حياتي بواحد من مستواي يكدر يوفرلي الراحه واني خلصتهه وياك
كيان:اوكفي هاي منو التحجي وياي لا انتي مو شهد شهد لو شنو تحجين اني اعرفج مجبوره واني طلاك ماطلك وهذا اخوج السكط اني اله اليوم لو اني لو هوه كليله جايه اني ماخاف بس من الخلقني
شهد: كيان كيااااااان ......
يتبع ......
YOU ARE READING
مطلقات ولكن
General Fictionالسلام عليكم قصتي تتحدث عن ظاهرهه الطلاق التي صارت ظاهرهه منتشرهه في مجتمعنى في الفتره الاخيره وذلكك لعده اسباب منها التواصل الاجتماعي التدخل الاسري الزواج المبكر واسباب اخرا راح نتحدث عن ثلاث فتيات مطلقات وشنو المرن بي بضروف مجتمعني اتمنى ان تنال ا...
