مطلقات ولكن

7

البارت السابع

مطلقات ولكن

دنيا خيوت

نختم قصه احمد ولجين ونودعهم

لجين: ماعرف شلون تاليها وي احمد وسلوبه
وشوكت يلتفت البيته والجهاله ولو ادري ماكو
فايده وغاسله اديه منه

ام احمد: عمه لجين تعالي كعدي يمي اريد اسالج
اكلج عمه احمد هلايام كثرت بيتاته بره البيت
ومبدل سيارته جا هو مو ماعده فلوس يشكي
وبو انطاه ذاك اليوم وعمج يسال متعرفيني
منيله هذي الفلوس وين يروح يبات كمنه حتى منشوفه

لجين:عمه احمد مايرضه. احد يسأله متعرفين
طبعه وعده عيب المره تساله منين جاي ومنين
رايح بس اسمع يخابر جماعته يخبرهم ويطلع
وسمعته يكول لاسد بابا من اروح للزياره شتريد
ااجيبلك بعد علمي علمج عمه

ام احمد: خوش ابنيتي الله يهدي ادري بيج فقيره
ومعذبج وطبعه ماينحمل بس هم الزلم اطباعهم
تختلف مو مثل المره كلوبهم قاسيه عمج يريده
من يجي كليله ابوك يريدك خاف انه ما شوفه
اريد اروح الام جمال اختي مريضه وحتمال ابات يمهم

لجين:اي عمه خل اشوفه بلاول ونوب اكله اوف
احمد بسلا مشكله. جديده من مشاكلك ما تكبر
تبقه على حطتك شالع كلبي وكلب اهلك

اخو احمد رياض:اكلك بويه هذا ابنك ملتم على
شله موزينه يسهرون ويشربون وحتى اقمار
يلعبون وهسه سالت وسام صديقه ويكول
اني حذرته وكتله هذا الدرب مو زين وهو ماقبل
وتالي وسام كايله جا دربنه بعد يفترق الانته صاحبي
ولاعرفه

ابو احمد: جا هيج صارت عايفي يسرح ويمرح
اريدك تسال زين وتعرف اخوك شمصخم وتجيبه وتجي

لجين: جنت نازله اجيب مي واسمع رياض يحجي
وي عمي يمه يمه ضليت الطم على خدي بسكته
لااحد يدر سمعت.الحجي  يمه عزا العزاك احمد. دور شرب وقمار. تعصي ربك وتخل الحرام عليه اني وجهالك صعدت فوك وسديت باب غرفتي قبل لا احد يشوفني مابيه حيل الرزايل. وشبعت بجي على عمري الي ما فتهمت منه شي واني شيبت والله محد يصدك جا هوه الشيب اله يطلع بلراس لا بلقلب. وهاي فاتت يومين واحمد لا حس ولا خبر وعمي كالب لدنيه ماعرف احس اكو مصيبه على راسنه. كلبي ما مرتاح

رياض: بويه الحك مصيبه وطاحت على راسنه

ابو احمد: خير وكعت كلبي شكو ولك احجي

رياض: ابنك احمد ماخذته الشرطه ضاربله واحد والولد بلمستشفى خسران بلقمار ومتعارك وهسه الولد بلمستشفى واهله سجنوا احمد بويه ابنك لاعب لعب حمزه صديقه الجان ويا يكول هواي مداين ومزوج گح......... ومورطته بفلوس وسوالف سوالف وغاط بلخيسه لراسه

ابو احمد:طاح حضه هذا السگط اتبره منه ولا ابني ولا عرفه خلي يولي لحد يسئل علي خلي يخيس بلسجن يطبه مرض

رياض:بويه هيه السوده ووكعت على راسنه والناس ما تعوفنه بحالنه خل نطمطمها قبل لا كلها تدري بس من اشوفه اله اربي من جديد

الاب:بعديش ما طيح حظنه

لجين: بعد ذاك اليوم وعمي دره باحمد صار هوسه البيت وعمتي خطيه سكرها رتفع وتخربطت واجو اهل الولد هدو علينه و اخذو عطوه وسوو كعده. احمد داج الولد بيده وضاربه براسه بس ما ميت حددو الفصل وفصلنه وطلع احمد وتعاركو رياض وخووانه ويا ونوب هوه ابو الراهي وبكل عين صلفه ولا عبالك مسوي شي بس ما اعرف مزوج دريت بلهوسه عزا صخام ليش بشنو قصرت وياك هذا جزاتي تزوج علي ابوي كلع لو طلك ل كح.........لو بعد لجين وجهالك ما تشوفهم و هوه مايقبل احد يحجي عليها يكول مرتي اشرف من بتكم وهنا اخويه وابويه تخبلو ضربو وتعاركو وصارت هوسه ابوي كالي لمي هدومج بعد مالج عيشه يمه

ابو احمد:لا يخويه مع الاسف عليك لجين هذا بيتها وضل بي وهو بعد ماله مكان بيتي هذا الناقص

ابو لجين: لا يا خويه ما ارضه بعد بتي تبقه بعصمه واحد .................... هذا ابنك اغم فضل بنات اليل على بت عمه ونوب يحجي على شرفها

احمد:وهسه بتك عليها الوسفه بعد احسن تخلصوني منها اشفت اني بس التبجبج ودشداشتها وتخطخط

ابو لجين جا خوش يا احمد تحلم تشوف جالك ولا طالب بيهم والمحاكم بيناتنه

احمد ههههههههههههه والله ضحكتني شوكت ما تريد اطلك بس خابر وخلصوني منها

رياض:يا ناقص تحجي ويه عمك هيجي امشي اطلع بره بعد انته احنه اهلك وراح اخلي ابوي يطردك من العشيره

لجين هههههههههههههههههههههه كلها تحجي اني وين زوجوني وطلكوني تعاي منا وروحي هنا جهالي مستقبلهم وين انيي من هذا اخذني ابويه ورجعت لبيت اهلي واحمد شهر وطلكني وهوه حتى الغايب مليونين غير بت عمه كل 3شهور يوديلي100 محد اكلها غيري اني وجهالي عود اخواني من ينقهرون عليه ينطوني وابويه مسويلي شهريه100 واحنه 4 وحياتي ضيم وخدمه والجناين ما يعوفني بحالي جهالج وجهالج عمتي تودي عليهم يشوفوها واني كلت لمي خليني اخيط واعيش جهالي ماخلوني. يكولون ما تدخل علينه نسوان للبيت وهسه اني عايشه على الحسنات اني وجهالي اريد اكلكم شي اني لجين عمري 14 وتزوجت ابن عمي يجوز بحكم عمري غرتني البدله و فرحت بسوالفه بس بسرعه كعدت من الحلم ودخلت بلواقع الصعب كبرت قل اواني وشيبت و صرت عجوز ونمنعت من كل شي احبه كلمن بكيفه يوجهني من اطلكت صار كلشي صعب عليه على ابو مطلقه مرات يحسسوني اني عار من يباعون ويكولو مطلقه مو نتو طلكتوني وزوجتوني وهسه جاييني بسالفه جديده زوجي لا تضلين هيجي ونتي صغيره بس اني ماريد اعوف جهالي اريد اربيهمم وكلمن يضغط بصفحه واني وين من هذا الحجي اكو هواي مثلي بس قصصنه تختلف

انتمى من كل اب وام ويفكر بحيات اولاده ومستقبلهم ويفكر ميت مره بلزواج المبكر

يتبع......