السحر الاسود

بارت الثالث والاخيررر

#السحر_الاسود

#_الجزء_الثالث_والاخير

#بقلمي_سارة_المجيد

كمت ورحت يم الكومدي واخذت الورقة وفتحتها لكيت مكتوب بيها حروف كثيرة بصف بعض والحروف من جمعتها جان تكول (( انها المنشودة انها المنشودة انها المرجومة عليكم بها ان تنال لعنة بكل لعنات الارض وبكل لعنات السماء لاتتركوها )) وشفت كورة مال شعر مجعد بصرة ملفوف وصورة لشاب ومغروزه بدنابيس كوومه .. ماما دخلت لغرفتي وجانت امبين عليها دتبجي كتلها يمه هاي الورقة شجابها ع الكومدي يمي ..كلتلي ياورقة ..مديت ايدي دانطيها الورقة لكيت ايدي فارغة 😕 جان اكو ورقة بأيدي هسه والله العظيم جانت ورقة بيدي .. الورقة اختفت امي كالتلي بنتي دوري يمكن هنا لو هناك اخاف وكعت من ايدج ..
بهذا اليوم وبهاي الليل اني مرعوبة وخايفه اكثر من اي يوم .. لان حاسة اكو شي ديطاردني وفكرة انو اني اتلبست او اتلعنت مسيطرة ع كل تفكيري
رحت للكلية واني مثل الفاصلة عن الدنيا عده اليوم كله محاظرات لحد العصر رجعت للبيت هلكانه وتعبانه وردت انام واني ادري اكو كابوس جديد رقم مليون منتظرني نفس الحدث مال كل يوم ..
اني متجفنه وماكدر اتحرك وبس ايدي طالعه من الجفن وبغرفة ظلمة هندس ..
بس بكل مرة جان يصير اكثر صعوبة واكثر رعب والمصيبة علي اخوية جان بكل كوابيسي مقاسمني
وبهذا الكابوس بالذات شفت المرأة الي شفتها من قبل الي جانت مجفنه بالحمام واكفه بصف اخوية علي الي جان نايم بصفي وحطت ايدها ع راسه وظلت تضغط عليه وجان يرتعش ويتنفض من مكانه وجان يتلوه .. بعدين عافته واتقربت مني لكيت بيدها سجينة حطتها ع ايدي وجان اصرخ بكل قوتي ومن قوة الصرخه صحيت من النوم وشفت امي وكافه كدامي وهم شكلها منهاره ودتبجي ..وباوعت ع ايدي لكيت اثار السجينة ..
وهم صار الصبح ورحت للكلية واني ممركزة بأي شي ياهو اليشوفني يكولي انتي شبيج كاعد تضعفين وشكلج صاير مرعب وجوه عينج ليش هيج صاير اسود ...واني امشي مثل المخدرة ماحس بالي حواليه .. رجليه اخذتني للحمام مال الكلية واني ممركزه ..
غسلت وجهي بس باوعت بالمرآية شفت نور كاعد اتشررح بالجثث اتذكرت هيه مختفية صارلها مدة .. اتخبلت شصاير بيها ... وكامت الايام تمر اسوء من الي قبلها .
وبيوم فزيت من الكابوس سمعت امي اتكولي انتي صارلج 3 ايام نايمة 😱 كتلها شنوووو !!
كالت يابنتي انتي نايمة صارلج 3 ايام جنتي تكعدين تصرخين وتعيطين وجبنالج دكتور نطاج مهدئات واليوم الساعة 8 بالليل راح نروح بشغلة ..
وفعلا صارت ساعة 8 طلعنه اني وامي ظلينه نمشي من شارع لشارع ومن منطقه لمنطقه ..
لحد ما وصلنه لبيت اتحس انو مهجور مستحيل يكون بي بني آدام اول مادخلنه شفت وحدة مثل الي شلون دتنظم الناس حتى يدخلون لغرفة ..
طبعا مفهومه الشغلة سمعت امي تتوسل بهاي المرأة وتكولها الله عليج اريد ادخل بنتي للشيخ ..
كلتلها 500 الف هسه و500 الف بعد ما الله يشافيها ..
وكله بأمر مولانه وسيدنه ..
لميس .. من سمعت هيج اتهسترت كتلها لامي صدك تحجي يمه لهل درجة وصلت ..وجان تقاطعني وكلتلي اششش انجبي ولتفكين حلكج .
واجه سرانه ودخلت الغرفة ..
الغرفه جانت ريحتها مقززة وقذرة جدا لعبت نفسي مكان جان قديم وشكلة ابد ميتنظف ..
جان الشيخ يأشر بيده ع القنفه كلنه اكعدوا لتخافون مو انتي التعبانه هسه تصيرين زينه ..
فتح كتاب قديم كدامي ..
وجان يقرأة بهمس بس المصيبة اني داسمعه بوضوح وصوته بأذني يتردد بصدى اصوات كثيرة بيهمس لاكن اني سامعته ياربي شديصير بيه 😭
(( بحق الجن السفلي بحق الطلسم الخفي احظروا يامن عليها احظروا يامن استطعتم شق الجبال العلويه ومن شققتم الاراضين السبع .. راااااااسسسسيييييل احظر )) وبديت احس بجسمي اكو شي بيكطع بي وكمت اصرخ واصرخ وهوه جان يردد نفس الجملة ويعيد بيها واني جسمي ديتكطع وبلاعيمي اتجرحت من الصريخ ..
وجان اسمعه يحجي ويه امي واني دايخه كلها بنتج عليها واحد من ملوك الجن بنتج عملت شغلة اتسببت بأن ملوك الجن مراح يعوفها ..
اله يتملك منها
الام .. يعني شنو يتملك منها
الشيخ .. يتملك منها يعني يتزوجها .
لو برضاتها لو غصب عنها
صحيت وباوعت عليه وضحكت وكتله لا والله صدك تحجي ..وملك الجن هذا مالك الاحمر والاخضر ليش هيج يسوي ...جان يكولي اي اضحكي اضحكي مو تعرفين كولش زين ليش هيج يسوي .. لو متعرفين 😉
انتي العمل الي معمولج هوه الي جابه ..وبقيت اقلد عليه واضحك وجان يكوم ويصيح وكال اطلعوا بره بره يله
الام .. لافدوة شيخ اني اسفه وسامحها انت دتكول عليها جن اكيد هوه ديحجيها وديستفزك ..
الشيخ .. ههههه هيه من راح تخلص وتفلس هيه راح تجي تبوس رجلي .
رجعنه للبيت واني نفسيتي متكسرة .. وره يومين جهزت جنطتي حتى اروح لبيت عمتي بفترة الامتحانات اكضيها يمها ..بيتهم صح بعيد عن كليتي بس اني ردت اغير مكاني ..
اني وداطلع من البيت الصبح شفت الناس دتركض ناحية المقابر شنو السالفه شصاير .. اصخام الصخمني اكيد اكتشفوا الجثث المفقودة يبوووووو 😱.
لزمت واحد كتله هوه شكو شصاير اني سمعت اكو جثث مسروقة هوه صحيح هل خبر ..
الرجل .. جثث مسروقه شنو يابنتي كتله لعد شنوو ..جان يكولي حجي جابر انقتل 😱
لميس وبصوت يرجف وكوه تطلع الكلمات من حلكها .. انقتل !! ششلوون اااانننقتل
جان يكولي مادري هسه رايح اشوف ومشيت ويا ومرينه بقبر مفتوح وشفنه عم جابر مشمور بي ..وعينه جانت مفتوحه ع الاخر وحلكة هم مفتوح ع الاخر وجان نازل من حلكة شي اسود انهاريت كمت اعيط واصيح وحدة من الواكفين كالتلي انتي جنتي من اقاربه ..كتلها لالا مو اقاربه مو اقاربة مشيت واني مصدومه وفاصلة عن الدنيا حسيت اني السبب بالي جراله لعم جابر وحسيت بشي ثاني الدور هل مرة عليه لان احنه نبشنه القبور وجانت هاي النتيجة ..
مشيت ورحت لبيت عمتي .. الصراحة مصار شي جديد لان الكوابيس اني اتعودت عليها ..يعني مصار شي كبير حتى احجيلكم عنه .. فقررت ارجع للبيت اول شي سويته من رجعت لبيتنه .. اخذت 500 الف من الفلوس العندي ورحت لزوجة عم جابر يعني عود داكفر ع غلطتي وكتلها اعتبريني مثل بنتج ..
كلتلي اشكرج بنتي احنه مستورين والحمدلله كلنه نشتغل ..كتلها اخذيهن الخاطري .. عكدت حاجبها وكلتلي كلتلج مستورة ممحتاجين وجان تباوع عليه ورفعت تك حاجبها وكلتلي .. هوه مو انتي الي جنتي تجي بالليل
لميس .. جمدت بمكاني من الصدمة كتلها شنو شدتحجين انتي لا مو اني شتقصدين بكلامج .. كلتلي يمعودة واذا اقصد ياما مروا علينه ناس مثلج .. الله يرحمه.. يابنتي الي شافه عمج جابر اذا الج دخل بي صدكي انتي هم راح اتشوفي ..سمعت هل كلمتين وطلعت جنت ماشية اكلم نفسي .. جنه تقريبا بوقت المغرب كل الي ابالي هيه تعرف شنو وشتقصد بالي صارله راح يصيرلي زين هيه يمكن تنقذني او يمكن تساعدني ...صحيت ع نفسي لكيت نفسي دافتر بالمقبرة وشفت عم جابر كدامي 😱 لا يالله مستحيل اتسمرت بمكاني ولساني انشل مكدرت انطق بحرف واحد .. منظرة جان مرعب وجهه جان جلد ع عظم وعينه بيضه ونفس السائل الاسود جان ينگط من حلكة المكان جان اظلم بس بي نور خافت مال غروب الشمس .. بقيت احجي واهذي واكوله ياعععممم ججااابببررر اني تررره مممسوويتلك ششي .. جان واكف ميسوي اي شي .. وراها كام يطلع منه صوت مفزع ومرعب حسيت روحي طلعت من جسمي من الخوف عفته وركمت اركض اركض .. ساعة بل9 بالليل اني بالبيت جان تنطفي الكهرباء ..وجان يجي علي اخوية كلي لميس اني اخاف ادخل للحمام لوحدي ..
ممكن توكفيلي ع باب الحمام ..
لميس .. ماشي حبيبي حاظر تعال
علي .. لميس اني خايف منهم
لميس .. بأستغراب .. همه منو ؟؟!!
علي .. اخاف من ناس هواي ديظهرون بالبيت ..
واخاف من مرأة تظهر وتوكف بالصالة ملفوفه بقماش قديم ومكطع وجان ينزل منها دم ..
لميس .. وظهرتلك كثير يعني
علي .. اي وانتي لو تشوفيها راح تخافين ..
لميس .. اشوفها وين يعني
علي .. وراج اذا درتي وجهج راح اتشوفيها واكفه وراج
لميس .. راد يوكف گلبي جسمي كام يرجف كتله ورايه وين
علي .. داكولج واكفه وراج 😭
لميس .. اريد التفت بس خايفه وجان التفت ومالكيت شي وراية .. كتله حبيبي شفت ماكو شي ورايه
علي .. ماشي خلاص ماكو شي يله هاج الكشاف وضويلي حتى ادخل للحمام .. ورحنه للحمام ضويتله المكان دخل علي ..
سمعته داخل الحمام يحجي كلام هيج اي شي حتى ليخاف وبعدين سكت .. دكيت الباب عليه كتله علي خلصت وبقيت ادكدك بالباب واحجي ويا .. علي احجي خلصت علي علي فتحت الباب مالكيته 😨
وجان اشوف علي طالع من الغرفة مالته الي بصف الحمام وصيح عليه كلي شبيج ليش اتصيحين كعدتيني من نومي خبلتيني جنت نايم ..
متحملت الصدمة وكعت من طولي بالكاع ..
فقت وصحيت ع روحي وشفت نفسي بغرفتي امدده ع السرير وماما بصفي كلتلي شبيج بنتي احجيلي .. ليش ما اخذج وانروح للشيخ مرة ثانية ..
لميس .. ماما رجاءاً اني ماروح لاي احد اكو شي بالبيت مو بس اني داشوفه حتى علي ديشوفه ..صيحي لعلي وسئلي لو اني جذابة راح يكولج
الام .. علي مات يالميس
لميس مصدومه .. شنوووووو 😳
الام .. اخوج مااااات .. بيوم طلع من ورانه ساعة 12 بالليل واكتشفنه بعدها بساعة الناس لاكي واكع يم قبر و وجها مرعوب .. ومات
لميس .. من سمعت الخبر مثل الصاعقة ضربتني ع راسي كعدت ع الجرباية مفجوعه من الصدمة .. كمت اصيح واعيط .. كتلها مات شنو يمعود شنو مات واني ليش محد كلي ...
الام .. يابنتي انتي عارفه بكوولشي
والدكتور كال انتي تحاولين تهربين من الحقيقة
لميس .. لالالا مستحيل .... وبيومها كمت اشوف الجثث بكل مكان بالبيت وبالشارع وبالكلية وحتى بالمواصلات حتى علي جنت اشوفه هواي ...
ومرة من ظهرلي علي گلي اليوم الي اني متت بي بالقبر وانتي جنتي يمي مجان حلم .. انتي السبب انتي السبب يالميس ...
نور هيه هم يمكن ماتت اي لان مختفيه ومداكدر اوصللها اكيد ماتت 😭
بس اني مشايلة ذنبها هيه الي شايله ذنبي وذنب اخوبة هم ..
وقررت اروحلها للبيت كمت حظرت نفسي وطلعت ورحتلها للبيت وصلت دكيت الباب محد يرد البيت اظلم مثل ميكون شايلين من البيت لان سنطه ومحد بي مية سيناريو ببالي .. يمكن ماتت واهلها هجوا من البيت لو كلهم ميتين جوه ..
لكيت شباك مفتوح طبيت منه .. اشتميت ريحة مطيبة ومقززة .. جانت ريحة ميتين ياربي سترك لاحول ولا قوة الا بالله ..
بقيت امشي بالبيت مرعوبة وارجف .. شفت نور مشمورة ع الگاع بس مميته وجها اصفر حييل وشاحبة اكيد شافت شي وهيج اتغيرت معالم وجها ..
رحت عليها بقيت افوق بيها بس ماكو فايدة ..
سمعت صوت دك جاي من جوه رحت ع مصدر الصوت وجان اشوف لشات مكطعه من الجثث نفس الجثث الي طلعناهن جانت متشرحه وغركانه دم ..
لازم الحكها ركضت طلعت شفت نور واكفه جان تكولي .. اكولج لميس انتي صدك صدكتي اني محتاجه الجثث علمود التشريح والدراسة هههههه والله انتي مطفية وفطيرة وعبالج مادري انتي الي اخذتي الفلوس ثمن الجثث ...
لميس .. يعني شنو يانور
نور .. اني استغليتج ..خطيبي او الي جان خطيبي جنت اسويله سحر اسود علمود يرجعلي ..
او يركض وراية بعد ماعافني وهسه ههههه ديركض وراية بالشوارع واني الي ماريده هسه خلي يشبع يستاهل هه😏
لميس .. كمت اصيح عليها وكتلها زين اني شنو ذنبي فهميني شنو ذنبي ..
نور .. هه تعرفين شنو ذنبج يا استاذة .. ذنبج انو من شافج انعجب بيج ومن هاي عافني .. خطيبي عافني بسببج لان حبج الج ....
شفتي شلون انتي جنتي راح تتسببين انو يزوجج ابدالي ..
ف جنت لازم انتقم منكم اثنينكم .. وبمساعدتج بدون متدرين كدرت انفذ انتقامي 😅
لميس .. انتي شيطان انتي شيطان شيطان
نور .. ههههه اهدي بس اهدي اثگلي .. اسمعي شوفي شراح اكولج هسه .. شايفه هذا الكتاب .. هذا الكتاب يمكن تكونين سمعتي عنه اسمه خمس المعارف .. والورقة هاي بالذات المطبكه مكتوبه الج مخصوص تعالي هسه نفتحها شايفه العروسه المرسومة هاي ..انتي !!
نقراء الكلام الي جواها(( بحق الابواب الستة والمخلوقات الستة والاكوان الستة بحق هاروت وماروت صماً بكماً عمياً صب علينا وعلى كل من خالف العهود صماء بكماء عمياء)) ومن هاي بعثتلج الرسالة عن طريق الجن وحطها الج ع الكومدي والي مافهمتيها ولاعرفتي تقريها ..لان مكمت اعرف اكتب ولا اكدر اسمع ولا اشوف .. لميس وكعت من طولها وماتت ..
يعني اذا معرفتوا تقرون الرسالة جيبوا مترجم يترجمها الكم واذا كدرتوا تقروها دزولي الرد لان اريد اعرف ليش هيج صار بيه ... اني هسه لا اكدر احجي ولا اشوف ولا اسمع واتحطم مستقبلي كله بسبب انتقامي الاسود
#العبرة
هذا نهاية طريق الشر والعمل الاسود الي نمشي بي يكون مردودة علينه... ولابد بيوم ينقلب السحر ع الساحر ..ويكون اخر هل افعال الندامة
#النهاية
اتمنى القصة نالت اعجابكم انتظروني بقصة جديدة ان شاءالله 😘😘

#سارة_المجيد🎀