السحر الاسود

بارت الثاني

#السحر_الاسود_الجزء_الثاني

#القصة_للكاتبة_سارة_المجيد

.. واني دامشي بجانب الحمام سمعت نفس الهمس مرة ثاني
.. يعني اني مجنت احلم
اريد افتح باب الحمام حطيت ايدي ع اليدة مال الباب وجسمي يرجف من الرعب فتحت الباب وجان اشوف 😨
وحدة مراة مجفنه و واكفه بالحمام گبال المرآيه والجفن مالها مگطع اتگطع وجان تلتفت عليه 😨
وبده الضوه ينطفي ويعتلك ويرمش واخر مرة انطفه ومن رجع الضوه لكيتها كدامي بوجهي 😭
جان اتمد ايدها وتلزم كتفي وجان تكلي انتي اتلعنتي انتي انصبت عليج لعنه ... طلعت من الحمام اركض مثل المخبلة وطبيت لغرفتي وقفلت الباب ودخلت بالفراش وغطيت وجهي .. وعدت هل ليلة السودة بالعملة السودة الي سويتها ..وره يومين دكت عليه نور كالت لميس فدوة اريد جثه ثانية ضروري 😨
لميس .. انتي شنو الخاطر الكعبة كاعدة اتاجرين بيهم فهميني .. اني من يوم الي طلعتلج الجثه الاولى واني حالتي مصخمه ومثل الزفت ابعديني عن هذا الكلام اني مناقصة تره ..
نور ... بأستغراب . ليش شصار وياج
لميس .. مو مهم شصار اني راح افقد عقلي والي ديجرالي فوق استيعاب اي بني آدم ..
نور ... ماشي ماشي . زين ممكن اتوصليني للرجال الي جابلي الجثه ..
لميس .. عطت بيها كتلها لا ماوصلج بأي احد وهوه هم اصلا مراح يرضه ..
نور .. لا راح يرضه من اكوله راح انطيك هل مرة 12 مليون راح يرضه
لميس .. انتي شبيج مخبلة كاعده اتلفسين بالفلوس لعلمج كوه وافق ذيج المره من نطيته الفلوس
نور .. ليش قابل بس اني الي دادفع احنه كلنه دندفع مو احنه مجموعة طلبة مع بعض
لميس .. امممممم ماشي ماشي اني راح اكوله
نور .. طيب كوليله 12 مليون وشوفي شيكول بس لميس فدوة بأسرع وقت ..
لميس .. زين الجثه الاولى مجانت كفاية مو اني مافتهم بدراستكم ..
نور .. لا الجثه الاولى جانت مبهذلة ع الاخر احنه نريد جثه سليمة
لميس .. واستسلمت كالعادة لطلبها المرعب بسبب المادة والحاجة الملحة الها ..رحت لعم جابر وشفته سلمت عليه ..وكتله ها صرفت 3 ملايين لو بعدك هههه
جابر ... هه مثل البك طاروا لان فلوس الحرام ابد الله ميبارك بيهن ..
لميس .. فلوس حرام شنو ياعم جابر هذولي ميتين
جابر .. اني عمري ماعملت هل عملة السودة لولا العوزة ااااخ
لميس .. زين شنو رأيك بجثه ثانية وهل مرة ب5 ملايين
جابر .. مصدوم .. 5 ملايين صدووك
لميس .. اي والله حننطيك 5 كاش 😉
جابر .. زين شنو انتوا بتاجروا بالاعضاء يابنتي
لميس .. ياعضاء عمو ذولي مياته شنتاجر بعضاء اموات شنستفاد منهم بله برأيك 🤔
المهم عمو جابر راح تجيبلنه لو نشوف غيرك 🙄
جابر .. اي نجيب ليش مانجيب اشو المياته مكومة وحتى اكثر من الاحياء صاروا
لميس .. وطلعنه الجثه الثانية واجتي نور بسيارتها استلمتها ودفعتلنه المبلغ ونطيت حصة عم جابر ورجعت للبيت .. مافكرت بالعواقب اني عندي الفلوس اهم شي .. ونمت ولكن من صحيت حسيت كل جسمي متجتف مجنت اعرف متجفنه مربوطه مشلوله ماعرف لان مجان يتحرك شي بيه بس راسي ردت افك نفسي من الشي المربطني بس حسيته مستحيل .. بس انتبهت اني جنت نايمة ع الگاع 😕..
  ومجفنه وجان داير مدايري كائنات قصيرة يشبهون الاقزام الي بالافلام جسمهم مليان شعر وعدهم قرون براسهم صغيرة واصواتهم جانت مفزعه ومرعبه وجانوا هوايه عشرة يمكن 20 او اكثر هم .. عينهم من جوه كلها سودة مو مثلنه يعني ...لان الاضائة جانت خافته بالغرفة وكدرت اشوف كل هذا .. وجان اعيط واصرخ واصيح ع اهلي لاكن صوتي مو راضي يطلع بس كدرت اطلعه كوه لصريخي ومن طلع صوتي كوولشي اختفه من الغرفة وسمعت صوت بيناديني لميس لميس يا لميس .. جانت أمي دتكعد بيه واني بالگاع نايمة المفروض اني كنت نايمه ..جان امي تكولي شنو هل جرح الي بيدج هذا ..
الجرح جان من الكائنات الصغيرة الي جانت حوالية .. بس شراح اكوللها ..كتلها مادري ماما بس يمكن من الوكعه مال اليوم لان انجبحت بالكلية وعدت الليلة ... ثاني يوم الصبح رحت للكلية ودورت ع نور جانت كاعده بالكافتريا مال الكلية .. شافتني كلتلي شبيج ليش هيج وجهج شصاير
لميس .. ها مابيه شي مابيه شي زينه اني .. متريدين جثث بعد
نور .. 😅 انتي دتحجين صدووك لو كاعد تتشاقين
لميس .. لا داحجي صدوك
نور .. ههههههه لا ماريد ع اقل مو هسه خليها لغير وكت 😉
لميس .. زين اكولج انتي اكو شغلات دتظهرلج هل ايام 😣
نور .. لميس شغلات شنو الي دتظهرلي
لميس .. اتعصبت بوجها كتلها يعني دتشوفين جنون ديطلعلج ميتين كائنات غريبة
نور .. لا مداشوف اي شي ليش شبيج انتي ..
اجاها اتصال وكالت مضطرة اروح هسه ونتقابل بغير يوم ونتناقش مسئلة الجنون والكائنات واذا جانت الجثث هيه السبب ان شاءالله بعد منحتاج ومنطلب منج بعد ..ومن انتي مو كد هل شغلات قبلتي ليش
لميس .. اهااا هسه صرت مو كد هل شغلات والله حقج اني الغلطانه وصوجي مو صوجج
نور .. ههههههه لا مو غلطانه بس انتي اجيتيني بحيل صدر وتحجين وتكولين متريدين بعد جثث .. حسستيني مثل المدمن الي يطلب حقن مخدرات ..
لميس .. عفتها ورحت لمحاظراتي وكملت الدوام ورجعت للبيت وكمت اخاف انام وارتعب من الاحلام وحياتي صارت جحيم بسبب الطمع ..
ومن نمت حلمت حلم اني بغرفة صغيرة وظلمة يادوب بيها خيط خفيف ضوه داخل للغرفة ..الغرفة هاي جانت عبارة عن قبررر واني بخوف وبرعب اكول اني داحلم داحلم داحلم وهسه راح اكعد ..لا مكاعد تحلمين ..سمعت هل صوت بصفي ويكولي لا مكاعد تحلمين 😨هل صوت اني اعرفة زين اي هذا صوت علي اخوية 😱..
نايم بصفي بالقبر ومرعوب مثلي ظليت احجي ويا مره ومرتين وصيحت عليه ..بس اخوية اتخرس وبعدين غمض عينه ونام لكن جان اكو ع وجهه كمية نمل كثيرة بقيت اصرخ واعيط اريد انقذه بس مكدرت لان اني نفسي مجتفه لحد ما الگاع انشگت وبلعت علي اخوية 😭
فزيت من النوم خايفه ومروعبة وارجف حمدت الله وشكرته انو جان حلم ...لفت انتباهي ع الكومدي اكو ورقة بس مو مالتي مادري ورقة شنو هاي ... ومادري ليش لفتت نظري اصلا .. كمت ورحت يم الكومدي واخذتها وفتحتها لكيت مكتوب بيها ...

#يتبع....