كرونيك:💠 احبني _في_انتقامه_💠«باللهجة الجزائرية »

💠الجزء الثاني والعشرون💠

 22 ||
يومين و الدار مهولة لأنهم دارو عرس واحد (شح فالتقاليد 🐸) في دار العايلة لأنها كبيرة و ما حبش ايهاب يخرجها من لاصال ولا هي و وصل اليوم الموعود (اوجوغ دوي سي لو جوغ جي...تنانانا... سي موا كي موماغي) و المفاجأة لي معلابالكمش بيها انه عرس اليوم تع زوج عرايس لالا مش نسمة و فاطمة (جواد مخطط يخطبها بعد العرس) هوما نسمة و ريم لأنه اصر ايهاب يعاودلهم العرس مع ان ريم حامل (البيبي تع ريم هو الوحيد لي حضر عرس مو و باباه فلحلال 😂) و هام رايحين جواد و ام ريم و نسمة و محسن يجيبوهم من عند الحفافة (هذ المرة راحولها باش ماتتودرش 😂) خرجوا بلاغوب بلونش تحفة مع الماكياج الخفيف غير الروج قاتم دخلوا للدار والكل يقراو عليهم فالقرآن (خايفين عليهم من لحسد 😶) حكموا بلايصهم و العرس قايم ضحكوا شطحوا صوروا
(مش كيما لعرايس لي قاعدين كي الصنم 💂) و وصلوا اهل العريس في طونوبيلات كلهم نواغ و هو يسوق فهامر لونها كلي اوغونج اما غامق (للأسف منعرفش ليكورار) و مكتوب وراها"just married" هبطوا لباردية هولوا الطريق و النساء يزغرتوا هذي تكمل لوخرا تبدأ دارو الرجال ساركل كبير في نصهم الزرناجة و كل مرة يدخلوا يشطحوا مع ايهاب مع الفيميجان... دار رايو 
و هاو كمل العرس و العرسان "نسمة، ايهاب" قلعوا لدارو طول الطريق و هي متوترة حتى الخزرة فعينيه ما خزرتش فاقلها و ما حبش يضغط عليها جوست يضحكها ساعة ساعة على الجمعي لي هول العرس بالشطيح ول الوافي لي دار على ولادو يقلهم :"هاا لقاو مرا و فرحوني كيما وليد عمتكم"