|| الحلقة 1 ||
شكون فينا ما يحبش لمات العايلة خاصة كي تكون كبيرة و نسمة اليوم هابطة للبلاد ول نقول الريف احسن باه يحضروا لعرس بنت عمتها ريم.
نسمة من النوع لي يتصرف بعفوية جمالها مش خارق كيف كل حكاية من الحكايات الخيالية أما كانت جذابة بشكل آخر كأنك ترتاح كي تشوفها و القلوب الطيبة تعرف بعضاها هي من عائلة ميسورة الحال بسبب الورث تع جدها العايلة تاعها مش مثالية أما عيوبهم مثالية ههههه تناقض مش هكا.. بإختصار ان مشاكلهم بسيطة و طبيعية و اكثر صفة تميزها أنها تخمم بزاف حتى في أبسط الأشياء كانت تتسائل مثلا على شعور أمها كي عرفت انها حامل بيها ول الدافع لي مخلي بوها يتعب على العايلة بلا ما يسال على مصلحته كانت تتأمل فقوة الطبيعة و الإنسان تتخيلهم فحلبة مصارعة 😂 مش دايما افكارها عميقة المهم أنها تبقى تخمم و سها الشيفور تع الكار حتى لقات روحها في وسط ليبومبي و الشرطة زادا..تشوف فأمها كي طيحت التليفون من يدها و تغاشات كي سمعت بالخبر و بوها لي يحاول يتماسك و هو يقرى عليها فالفاتحة... قاطعت تفكيرها فاطمة :"تي وين رحتي!" هههه قلتلكم تحب تخمم و تتخيل بالمناسبة ما عرفتكمش على فاطمة جارتها و صحبتها تي أختها الثانية تعرفت عليها كي سكنوا جدد و هي تطل تقرعج من التاقة تلاقت عينيهم و فاطمة تسقي فالورود تبسموا لبعض و مع الوقت صارت نسمة كأنها من عايلة فاطمة و العكس على هذا راحت معاها لأن ريم اصرت تحضر عرسها... وصلوا أخيرا و بداو يمنشروا و يعلقوا على الدوار تاعهم فاطمة تقول :"ضرك تغابرك كاش وحدة فعرس رمرومة و تخلاص عليك تحلبي فالبقرات هنا 😂"
و نسمة تقول :"على الأقل أنا عندي بقرة ب80 مليون ولا أكثر نبيعها و الفيزا 😎... شوفي نتي لي تبوري و واحد ما يقبل بيك يا مهبولة حتى تع الدوار هذا 😏"
طريق كامل و هوما يضحكوا حتان تلاقاو بعم نسمة الوافي وقفوا في ثلاثة يتمعنوا فبعض...
حتى نطق الوافي :"😠 راكم وحدكم؟ معندناش نساء يخرجوا وحدهم ايا اطلعوا لتراكتور نوصلكم "
نسمة و فاطمة :" 😶😶 .................... "
طلعوا مقضينها هذي تقلد 😲 و الاخرى تتقلب و تزعبط من الضحك 😂 وصلوا للدار و الكل يمرحبوا بيهم حقيقة فرحوا بفاطمة أكثر و صارت نسمة تتكعبر و هوما يسلموا و يراضيو فيها و فاطمة شايخة عليها ضحك حطوا لغدا و ذاك الكسكسي العزيز و اللحم الغنمي الوافر و في رمشة عين ظهروا لولاد الكل كي شموا الريحة مرت العم الجمعي تحارب فيهم و هوما يدرغوا عند العمة نجية و فالأخير خسروا الحرب بعد ما هددتهم بالورقة الرابحة العم الجمعي 😨... و أخيرا لحظة النصر و هوما تلموا على الطاولة حتان يسمعوا فالعياط...
أنت تقرأ
كرونيك:💠 احبني _في_انتقامه_💠«باللهجة الجزائرية »
Fanfictionباللهجة الجزائرية 🇩🇿🇩🇿🇩🇿🇩🇿🇩🇿 منقوووووووولة### || الحلقة 1 || شكون فينا ما يحبش لمات العايلة خاصة كي تكون كبيرة و نسمة اليوم هابطة للبلاد ول نقول الريف احسن باه يحضروا لعرس بنت عمتها ريم. نسمة من النوع لي يتصرف بعفوية جمالها مش خارق كيف كل...
