دهاليز مظلمة

دهاليز مظلمة البارت ٩

# الكاتبة ت/ك#
نغم : اجاني يوسف وكالي اذا متريديني اني اتزوج...... هل تشوفين اني اركض وراج صارلي شكد وانتي مامهتمه..... كلت اوك هي زوجة ابن عمي ومتريد تخرب بيتها هسة زوجج الله يرحمه انتي ارمله ويحقلج تزوجين...... وهم ماقبلتي بيه.... 😢اني بعد ماانتظرج والله يوفقج..... من الكه بت الحلال اجي ادزج تخطبيها......
طلع.....
ااااوف اووووف شبيه اني ؟چافية نعمتي..... 😪ولد ويشتغل ورايدني بالحلال...... 🤔ليش مااوافق لو تعودت ع حياة الشوارع..... اوووف بس لا تطلع هاي الي هو يريد يزوجها تغار لو متريدني اول وتالي البنية تريد حياة مستقلة..... 😔اني وين اروح ذيج الساعه ؟؟؟ اوافق واسكت واضل عايشة بسد رجال وبيت وسكف يحميني ولا ارجع مشردة بالشوارع والله يستر من الوضع....... 😥.....
رجع يوسف من الشغل تغدة ونام وكعدت شرب جاي وسبح واني اريد اكله موافقة..... جان هو يكلي نغم باجر العصر اريدج ترحين لهذا العنوان تخطبيلي البنيه..... وطلع....
😳انصدمت..... فاجئني بهل السرعه.... ؟ معقولة
........ ضليت صافنه ومتبسمرة بمكاني..... خل اسكت احسن..... واروح اخطبله وخلص..... 😰كلشي نصيب ويوسف مو نصيبي 😔...... كملت شغلي...... اشلون يربي عاد كون تطلع خوش ادمية يارب.....  ماكدر بعد هاي السنين ارجع للشارع......... العصر لبست ورحت للعنوان...... بيت طابقين..... مو كلش جبير.... 🙁

......... نزلت من السيارة ماعرف ليش حسيت بغصة بكلبي اول مرة احس بيها..... دكيت الباب..... طلعت مرة لابسة برمودة وعمرها ب بالاربعينات........ شعرها مصبوغ برغندي ومكياج وحذاء كعب عالي وتعلج.....
تفضلي عيني..... ؟ منو حضرتج ؟...
نغم : اني جايتكم علمود بنتج....
اهاااا تفضلي شنو صديقتها.....؟
نغم : لا عيني لا مو صديقتها بس جاية بموضوع..... اوووف شبيها هاي تحقق وياي حتى ارتبكت ماعرف شكول 😒.....
دخلت كعدت قدمتلي كيك وعصير وحجيت وياها وشفت البنية.... اجتي لابسة برمودة وردي وحذاء رياضي وردي..... شعرها طويل شعرها ملون مكياج خفيف وسماعات باذنها.... عمرها ١٦ سنه.....

........ شفتها حسيتها مو راحه ودلوعه حيييل ضجت عرفت ايامي معدودات.... 😒 طلعت..... تلاكيني يوسف كتله البنية صغيرة عمرها ١٦ ودلوعه ومو راحه وانت بكيفك.... عفته ودخلت للغرفة..... حيل ضايجه ويوسف مافارك بالي يربي ليش افكر بي ؟؟؟؟ مو راح يزوج..... خلص.... بعد خسرت كلشي اني.... ومبين عاجبته البنية ضحك وسكت..... 😒ليش اعلق نفسي باامل..... 😔 كافي كااااافي ماريد شي بس ارتاح وسكف يسترني.....