كرونيك بعنوان :مافيا💣💣 _القلوب💟💟💟

💓البارت 32💓

الحلقة الثانية و الثلاثون :

هديل كنت قاعدة قدامو و دموعي تسيل خايفة الي خططتلو أنا ونوفل مايصراش خايفة عليه يحكموه و لا يفيقو انو ماماتش ...
حتى تدخل من الباب نسخة طبق الأصل على هديل مرأة نص عمر و شقراء زينها يبان من بعيد ..
هديل : هذي 7سنين ماشفتش أمي حاكمة أنا مرام في يدين بعض و دموعنا تسيل موقف مؤثر ...و امنا كيف كيف ...
رقية (أم هديل ) : حضنت نتاتها و الدموع تهبط من غير حساب تبوس فيهم و تطلب في سماح ...سمحوني يا نور عيوني سامحوني يا كبدتي و روحي و قلبي بالسيف عليا بعدوني عليكم ...
مسحت مرام دموعها و حكمت يد رقية و راحت معاها للدوش تاع لوتال ....
مرام : جوبيني انتي أمي صح ؟؟ رقية :واش قاعدة تقولي يا بنتي ؟
مرام: جاوبيتي الله يخليك جاوبين قوليلي الحقيقة قلبي محروق هيا قبل ما يجو
رقية : كيفاه عرفتي ؟
مرام : مايهمش ...قوليلي الله يخليك (تبكي )
رقية : موش امك ....
مرام خلاص هيا نخرجو ....
خرجو من الدوش يمسحو في الدموع يرسمو في ضحكة باردة من غير معنى ...للكميرات الي تصور
رقية :( في وذن هديل ) تحبيه جاوبي أمك ...
هديل : تضحك و عملت براسها لا لأمها ..
رقية : موش راح نخليه يبيعك كيما باعني قبلك ...
راحت رقية للطابلة الي قاعدين فيها البارونات الكبار الي هم بوعلام و والد شاكر .. سلمت عليهم ووشوشاتو في وذنو و راحت ...
كانو مقررين العقد آخر السهر حسب خطة نوفل بصح عملوه قبل العشاء
هديل : هازة الستيلو و نرجف دموعي تسيل وينك يا نوفل تخرجني مني ...يكون حكموه ؟؟ ولا ماقدرش يدخل ؟؟ سنييت على حياتي وليت زوجة شاكر رسمي و قدام الناس الكل ...
قبل العشاء و بينما الناس كل زاهية و تشطح بدأ سينيور بوعلام و والد شاكر يتوجعو طاحو في الأرض و مادة بيضاءخرجت من فامهم زاد طاح شاكر ...كانت الفوضى مالية الصالة الناس كل خايفة البكاء و الحزن مالي المكان ....
هديل : كنت حاطة راس بابا في حجري و مرام تعيط و تبكي
دخل نوفل الي كان لابس اللبسة تاع طباخ يسأل واش كاين؟
هديل : تخزر غي نوفل و هي حاقدة عليه ...و نظراتها كلهم كره ... نانا غابريال طاحت داخت... حيرة في المكان ...الإسعاف هزت بوعلام و شاكر و باباه و الشرطة طوقت لاصال و ماخلت حتى واحد يخرج ...
هديل و مرام يبكو و قرب نوفل يسكت فيها ...
هديل : شورتلو بصبعها ....أنت هو أنت الي قتلتيه ....انت هو ...
مرام : صح نوفل أنت ؟؟! علاااااه علااه تضرب فيه على صدرو و تبكي بالحرقة ...
رقية : أحبسي يا بنتي ماتعمليش هك ...