كرونيك بعنوان :مافيا💣💣 _القلوب💟💟💟

💓البارت 10💓

الحلقة العاشرة :

و 9الي لحقو منهم 5 بعد الفجر تفرجنا عليهم كيفاه تقتلو قدام عينينا و بعد 3 سوايع جابولنا ريسان 4 الي حاولو يهربو ...
و زادت عزيمتي أني نكون من 3 الي راح ينجحو ....
كنت موجد روحي لكل شيء الأسوء فالأسوء ... و كيما كان الحال كل يوم يموت واحد و كل يوم تدريبات قاسية و عذاب و تعذيب و تجويع و معارك تقتل فيها ولا تتقتل و كان خيار القتل و هو الأخير بين عينيا لحد الآن ما مسختش يديا بدم حتى واحد ...
و قدرت نوصل للمرحلة الأخيرة بعد 3 شهر من الإختبار ....بقينا 5 تعلقنا ببعضانا و ولينا صحاب و كل واحد فينا يخمم كيفاه راح يموت كل شيء متوقع ...
كان الإختبار الأخير كن أو لا تكن ....هزونا في 5 بالكوبتار موش عارفين وين رايحين لبسولنا لبسة تاع السباحة ...وصلنا لبلاصة بعيدة على الشط في نص البحر و شرحولنا واش لازم نديرو ...لبسولنا صاكادو توزن 50كيلو و قالولنا تخيلو روحكم طحتو في البحر و معاكم حبيبتكم و لازم تنقذها و تنقذ روحك و تعوم للشط و أنت هازها ....
طيشونا في الماء في عرض البحر و عاودت نفس رحلة الصراع من أجل البقاء الي وصلت بيها للطاليان و من بعد ما نوصل للشط نكون تكتبلي ثاني عمر جديد ...فات مسلسل حياتي موت بابا و تخلي يما علينا جثة جداتي و صورة مرام أختي دموع منى و ضحكة مريم و جثث 12 واحد الي حرڨت معاهم ...بعد هذا كل نموت ؟؟ لازم نعيش لازم نفرح ...لازم نعوض نفسي على العذاب الي عشتو ....لازم نوصل ...إستجمعت كامل القوة الي عندي و سبحت و سبحت و سبحت مانقدرش نريح خاتر الصاكودو تجبدني و تغرقني من بعد ما بدأ الأمل في الحياة يغيب و من بعد ما دموعي المالحة تخلطت بماء البحر شفت الشط رايح نغرق رايح نغيب على الوعي ...نستسلم ؟؟!! لاااا لازم نعيش ...
وصلت الشط مسيت الرمل بيديا حضنت الأرض الي تخليني نحس بقيمة الروح الي داخلة و خارجة ...المرة هذي نشوف في رجلين بيض كيما القطن النعومة و الصفاء بصح ماقدرتش نهز راسي ...هبطت عندي ...و قاتلي بصوت حنين ...الحمد لله على سلامتك ....نحاتلي الصاكودو الي كانت كاتمة النفس في صدري ...