كرونيك بعنوان :مافيا💣💣 _القلوب💟💟💟

💓البارت 24💓

هديل : قتلتيه ؟؟ نوفل: تحبيني نقتلو ؟؟ تنطرت وقفت و هزيت سلاحي و حطيتو بين عينيه ....
شاكر : لا لا لااااا ربي يخليك لا توبة والله
هديل : ماتمسخش يدك بيه ...
كانت في حالة كبيرة بالسيف تمشي هزيت مفاتح طوموبيل شاكر و هزيتها و خرجت .
هديل : كنت نخزر مع نوفل و العرق يصب منو و خزرة عينيه كلها غش و حواجبو مڨرونين.حطني في الطموبيل كي الطفلة الصغيرة و بكل حنان ...

الحلقة الرابعة و العشرون :

ركب نوفل و بدأ يخبط في الفولون ...وعلاه رحتي عندو وحدك كي عاد رخيس ....نهبط نقتل ر*** و نجي الكلب الموسخ ...
هديل حتى والدي كان حظر ماتكونش ردة فعلو كي نوفل حسيت بالأمان و أول مرة نحس في كتافي راجل ...
نوفل : تعرفي لكن نزيد نشوفو خزر فيك و لا جاب جيهتك نقسم بالله العظيم نذبحو و نشرب من دمو قدام عينيك ...
كنت مازالني في الكوفيرة و الدم من فمي سايح ....و يدي مجروحة ..
نوفل : تحبي تروحي للطبيب ؟؟ هديل : ماكان لاه وصلتي في الوقت المناسب ...ماتروحش للدار قادر يبعث رجالو كشما يعملو روح للدار تاع البحر ....
مشينا ساعتين رقدت هديل و هي حاكمة الكوفيرة بيديها بالقوة مسكينة ...
وصلنا للدار و كانت راح توقف تمشي بصح ...ماخليتهاش و هزيتها ...
هديل : تمنيت نبقى بين يديه محضناتو و نشم في ريحتو ....
دخلني لاشومبر تاعي ...قالي ألبسي حاجة نطيبلك نعناع و نجيبهولك ....
نوفل ..
ماعرفتش علاه إنفعلت للدرجة هذيك ممكن خاتر عندي خواتاتي بنات و تخيلتها وحدة منهم و لا تكون حاجة أخرى و أنا ماعلاباليش ....لا لا لا لا منى أنا نحب منى و عملت الشيء هذا كل على خاترها ...( ماأقنعتنيش الفكرة ...و حسيت روحي نكذب على روحي )
طيبت النعناع و طلعتو لهديل الي عملت دوش و لبست روب مني تاع قطن مرسوم فيها ساندريلا ...كان شعرها مبلول و هابط وعينيها كيف كيف باين من الدموع ووخشمها و خدودها حمر كيما أرنوبة تاع ثلج بيضاء و صغيرة ...
قعدت قدامها على حاشية السرير ....راكي مليحة ..؟ هزت راسها معايا و تعباو عينيها دموع و هبطو و أنا قلبي تفتت و طاح كل طرف وحدو ....من غير ما نحس جبدتلها راسها عندي و حضنتها ...ماتخافيش هديل راني معاك و تعرفي أني نموت و منخليهمش يقربو منك ..
خايفة خايفة من الي راهو جاي شاكر موش راح يسكت و راح يقلب علينا الدنيا ....
نوفل : ماتخمميش درك أشربي النعناع و أرقدي ترتاحي غدوة يديرلها ربي حل ..
جيت راح نوقف حكمتني ....ماتروحش نوفل ...نخاف يجيو في الليل لاشومبر تاعك بعيدة ...
نوفل : درك نرقد في الصالون أصلا مانرقدش ماتخافيش ....ماتخافيش ...
لا لا أبقى معايا هنا ربي يخليك ...حكمتلي يدي و قعدتني قدامها ....
هي رقدت و دارت للحيط و أنا بقيت قاعد على طرف السرير و موش عارف واش راح ندير ...فاتت ساعة و تعبت من الڨعاد حبيت نروح للفوتاي الي مقابل السرير و نتكا بصح .. هي قاتلي
ماتروحش نوفل مازال مارقدتش ...
نوفل : موش رايح نخرج نتكأ في الفوتاي برك...
أرقد قدامي ...
هي قالتلي هك و أنا حرقة حكمتتي في صدري نرقد قدامها ؟؟ أووووف مانقدرش .
ربي يخليك ماتبعدش عليا ...( غارقة في دموعها )
ظهرت هديل ممثلة فاشلة و كل ادوار سيدة الأعمال القوية والمتسلطة كذب في كذب ..ظهرت مجرد طفلة صغيرة ناقصة حنان ...ظروفها خلاتها تمثل دور المرأة الناضجة ...
رقدت قدامها في سريرها و كل واحد فينا عاطي ظهرو للوخر ...بصح حاجة تجذب فيا ليها ...عزت في قلبي حبيت نحضنها عندي و في قلبي نخبيها ...مشاعر غريبة موش باغي نخون منى بصح هذي. حالة طارئة ...