الحلقة الثانية عشر :
هديل : أنا شفتو هابط من الدروج صدرو عريان و لابس غير الشورت و يمسح في شعرو بالمنشفة و أنا قلبي رجف و توترت و دخلت بعضي .... حط و روح .. نوفل : حطيت الأوراق فوق البيرو و جيت رايح ..." كنتو قادرين تڨلبوه أبشع من هك "
طيشت الستيلو الي في يدي و وقفت ....أحبس ...
نوفل : نعم مدام ...
هديل : قدمت عندو ووقفت في وجهو ...ماتلعبهاش فايق و ماتخافش ...خاتر أنا بنت سينيور بوعلام و ما تتوقعش نكون خير منو سمعت ؟ ( أول مرة نحس روحي خايفة ...هذوك العينين ..هذاك الغضب و الحقد المدفون فيهم ...يخلي أشد الرجال يهاب مابالكم أنا .. نظرتو الجامدة خلاتني ننساحب قبل ما نسمع جواب ) تقدر تروح ...
هو مشى و خلاني بكل برود و أنا بقيت نرجف .. يا ربي واش هذا واش صرالي من أول نهار ....
من أول أيام التدريب راهنت عليه يربح و تابعت كل تحركاتو و أنا الي طلبت يكون حارسي الخاص بصح الشيء هذا ما حسبتلوش حساب ...
فاتو نهارين إسترجعت فيهم لياقتي كليت مليح و رقدت و حسيت روحي عبد طبيعي ...عطاتني مدام هديل قائمة بالأمور الي لازم نعملهم النهار الي نرجعو لميلانو وين تسكن هي و تخدم ...كامل الروتينات اليومية من الصبح لليل ...و حفظتها عن ظهر قبل ...
صباح اليوم الثالث جاتنا طوموبيل رباعية الدفع فخمة يسوق فيها شوفار ركبت هي من اللور و أنا قدام الشوفار ...
مشينا مدة قليلة وصلنا لمدينا كبيرة أقل حاجة نقولها عليها روعة قاعد غير نشوف بعينيا و أنا حاير وصلت للطاليان عندي 3شهور و نص بصح هذي المرة الأولى الي نشوف فيها بلاصة ساكتين فيها البشر ....
هديل : أحبس هنا ...
حبسنا قدام مركز تجاري كبير ...دخلنا أنا غير نتبع رحنا لطابق مخصص للبسة الرجال ...بالتحديد الكلاسيك ...
هديل : قداه لاطاي تاعك ....
نوفل : 42 ..
جات الطفلة الي تخدم ثم بدات تهدر معاها المدام جابلتها بزاف قش بليكولار كوستيمات يبانو غير لامارك و الڨريفا ...
الفونداز الي ثم وصلتني لاصال دوسياج و لبست الأول و جيت فيه كعبة وحدة موش نشكر في روحي بصح غير خرجت هذيك البائعة الي ثم بقات تشوف و فمها مفتوح ...
هديل : دخل يقيس الكوستيم الأول حتى ندور نشوف الvونداز واقفة و القلوب خارجة من عينيها و هو خرج لابسو و يشوف معاها أنا هبلت من أول نهار راح يبدأ يتمعشق و هي تعملو في اللقطات بيدها أنو جاه يقتل 👍👍
رحت وقفت قدامها و قلتلها تقدري تروحي..
نوفل : نقيسهم كل ؟؟ هديل : خلاص أديهم للدار و قيسهم ...( كنت نشوف مع الطفلة دوبل )
نوفل : نديهم في 7 ؟؟؟ هديل : قتلك هيه ...و ماتنحيش هذا و طيش الشرامق الي كنتي لابسهم ...
جام للحلقات
أنت تقرأ
كرونيك بعنوان :مافيا💣💣 _القلوب💟💟💟
Fanfiction## منقوووولة بالللهجة الجزائرية🇩🇿🇩🇿🇩🇿 #مافيا_القلوب اقتربي ...😍😍😍🔞⛔🔞⛔🔞🔞 ففي عينيك بريق أفهمه وفي شفتيك نخبي وفي جسدك دواءي ومطلبي لا تترددي واقتربي فأنا أجيد القراه والفن على جسدك #تشويق #إثارة #مغامرات جام أقل 30 نلقى تفاعل كبير نكم...
