اوقعتنى فى حبها

الفصل 17

الفصل 17
جه تانى يوم
عشق صحيت ولبست ونزلت راحت المستشفى اول ما وصلت شافت ادم فى وشها بس ادم بصلها بصه حزن وجع كبير ومشي عشق فضلت واقفه مش فاهمه هو بيعمل معاها كدة ليه
دخلت عشق المكتب وكانت زعلانه علشانه هى بتحب ادم كاخ مش اكتر قطع تفكيرها التليفون وكان مراد
عشق بحزن ..الو يا مراد
مراد ..الحمد لله مالك يا عشق صوتك مش عجبنى
عشق ..مفيش بس فى شويه مشاكل فى الشغل
مراد ..ربنا معاكى يا حبيبتى
عشق ..يارب
مراد ..طب انا هقفل ورايا شغل وكمان اسيبك تشتغلى اكيد مشغولة يلا سلام
عشق ..سلام
قامت عشق وراحت لادم لازم تعرف ماله
عشق ..ايه يا برنس مالك
ادم بجديه مصتنعه ..مفيش وبعدين ايه برنس ديه
عشق ..في ايه بس انا كنت بهزر
ادم بحدة ..لا متهزريش يا دكتورة عشق
عشق ..هى وصلت لدكتورة
ادم بحدة ..المفروض كل واحد يلتزم حدودة صح يا دكتورة
عشق وهى ابتدت تدمع ..عندك حق انا اسفه وسابته وطلعت تجرى
ادم بحزن ..لازم كنت اعمل كدة يا حبيبتى علشان متعلقش بيكى اكتر
عند مراد
دخل ادهم على مراد
ادهم ..ايه يسطا عامل ايه
مراد ..يسطا هموت واعرف مين الاحول اللى دخلك شرطة انت اخرك سواق اتوبيس
ادهم ..افضل اتريق عليا انا عارف انك غيران منى
مراد ..هغير منك علي ايه يا منيل
ادهم ..علشان قمور ورياضي وكل البنات هتموت عليا
مراد ..انت
ادهم ..اة انا بس مش اوى
مراد .....قطعهم دخول حارس مراد
الحارس ..حضرتك فى واحدة عايزة حضرتك برا
مراد ..طب دخلها
دخلت شهناز او شاهى
شاهى ..مراد حبيبي ازيك واحشنى
مراد بنرفزة ..انتى ايه اللى جابك هنا
شاهى وهى بتقرب من مراد ..ليه كدة يا حبيبي موحشتكش ولا ايه
مراد ..لا موحشتنيش ومش عايز اشوف وشك تانى انا خطبت يا شاهى ومش هعمل حاجه غلط تانى
شاهى بغضب ..اذا تخطب غيري مش كان انا احسن
مراد ..روحى شوفى نفسك فى المرايا انتى اخرك يوم ولا اتنين لكن اكتر من كدة ابقا اديتك اكتر من حجمك
ادهم ..خلاص يا مراد كفاية تعالى معايا يا شاهى
وراحت شاهى مع ادهم المكتب
ادهم ..بصي يا شاهى مراد خلاص خطب وبيحب خطبته وكل إللى كان بيعمله دة كان غلطه وهو فاق منها انتى لازم تبعدى عنه
شاهى بغضب ..عمرى مهبعد عنه وهتشوف
ادهم ..لا يا حلوة اتعدلى وانتى بتكلمينى وصوتك ميعلاش عليا
شاهى بسخرية ..انت ملكش حكم عليا ومراد هيشوف انا هعمل في ايه
ادهم قام ومسكها من شعرها ..مش هتقدرى واعلى مافخيلك اعميليه
شاهى بعد ما بعدت عن ادهم ..والله لهسود عشتك يا ادهم انت ومراد وسابته ومشيت
ادهم بقرف ..قذرة
عند منه فى الجامعة
كانت منه قاعدة هى وصحبتها رنا
رنا ..احكيلى ايه اللى حصل فى قرايت الفتحه
منه ..يالههههوى دة حصل بلاوى عارفة شوفت مين
رنا بفضول ..مين
منه ..الظابط اللى كان بيدافع عنى ضدد الواد اللى كان بيعكسنى
رنا ..ايه ادهم يالهههوى دة مززز يا بختك يارتنى كنت معاكى
منه وهى بتضربها ..اتلمى يا بت ملكيش دعوه بيه
رنا ..ايه هو احنا بنغير ولا ايه
منه ..لا طبعا
رنا ..طب احكيلى
منه ..حاضر .....وحكتلها كل حاجه
رنا ..يخربيتك دة انتى كسفتي الواد اووى ابقى قبلينى لو بصلك تانى
منه ..انا اصلا مش عايزه يبصلى ،بس هو فعلا مش هيبصلى تانى
رنا ..ههههههههههه وتبصلها وتبص وراها وتضحك
منه.. في ايه يابت بتضحكى على ايه وبتبص وراها لقت ادهم وقاف وراها على طول
ادهم ..مش هقدر مبصلكيش تانى يا ام لسان ونص
منه ..وانت مالك انا مش عارفة ايه اللى جابك هنا
ادهم ..حد قالك انى جيلك يا مقاشفة هانم
منه ..انا مقاشفة يا تلم يا جربان
ادهم ..انا جربان ياللى مابتستحميش
منه ..انا
رنا ..ببببسس انا اللى مابستحماش اهدوا بقا
منه وادهم كانوا ميتين من الضحك وفجأة الاتنين بصة لبعض
رنا ..مش يلا يا منه علشان المحاضرة
منه ..اة يلا
وسابته ومشيت
ادهم ..مش عارف هتعملى ايه فيا يا منه ربنا يستر عند عشق وهى خارجه من المكتب شافت ادم
عشق كانت مش عارفة هو بيعاملها ليه كدة وشويه وادم زعق
ادم بزعيق لالممرضة ..مين الغبية اللى كتبت الدوا دة للمريضة اللى جوا
الممرضة ..ديه الدكتورة عش
قطعتها عشق ..انا اللى كتبت الدوا
ادم ..ومين سامحلك
عشق ..محدش بس لقيتها تعبانه ودوا اللى حضرتك ادتهولها تعبها اكتر
ادم ..انتى ملكيش دعوه بحاجه ومتخديش قرار تانى من دماغك مفهوم وبعدين المريضه ديه تابعى مش تبع شغلك
عشق..لا مش مفهوم يا دكتور ادم مش انت اللى تومر وتنهى هنا
ادم ..اومال مين
عشق ..مراد ليه نص المستشفى
ادم بحزن ..هى بقت كده يا عشق
عشق ..اة
ادم ..فعلا يا دكتورة خلاص مابقاش ليا راى اعملى اللى انتى عايزه يا دكتورة عشق
وسابها ومشي
عشق راحت خدت شنطتها ومشيت على البيت وهى خارجه قبلت مراد
مراد ..مالك يا عشق وايه اللى مزعلك
عشق ..مفيش يا مراد
مراد ..اذا مفيش اومال الدموع ديه مين اللى خالها تنزل
عشق بحزن ..مفيش يا مراد ممكن توصلنى
مراد ..مش هسيبك غير لما اعرف
عشق ..خلاص فى العربية
مراد ..ماشي يلا
عند ادم كان قاعد فى مكتبه وبيكسر اى حاجه تيجى قدامه
ادم ..انا غبى غبى ضيعت كل حاجه ضيعتها. حتى انها تكون صديقة ليا بس اذا انا عمرى ماكنت هشوفك صديقه يا عشق انتى حبيبتى وبس بس خلاص يا عشق لازم انساكى لازم ابعد لازم
عند مراد وعشق فى العربية
مراد..ها احكى يا حبيبتى
عشق ..حكتله كل حاجه
مراد..مش عارفة ليه يا عشق ادم بيعملك كدة
عشق ..لا مش عارفة
مراد ..اذا عمرك مشوفتى فى عين ادم الحب اللى بيحبهولك عمرك ماشوفتى نظرتة ليكى وانتى معايا
عشق ..ايه ادم بيحبنى انا
مراد ..اة يا عشق بيحبك هو مقالش بس عنيه فضحاه بيحبك اووى كمان ولما انا جيت اتقدمتلك ادم اكسر وعلشان كدة عايز يبعدك عنه علشان يبطل يفكر فيكى
عشق بحزن ..يعنى انا جرحته
مراد.. عشق اوعى تندمى هو اللى حبك مش ذنبك انك محبتهوش بكرا ادم ينسي ويعرف انه محبكيش
عشق بحزن ..روحنى يا مراد انا مش قادرة اكلم
مراد ..حاضر
وروحت عشق وهى منهارة حاسه بذنب اتجه ادم
عند ادم روح البيت بس كانت حالته تصعب على الكافر
غادة ..مالك يا حبيبي
ادم ..مفيش يا ماما
غادة ..لا فيك يا ادم
ادم بحزن وزعيق ..عايزة تعرفى ايه يا ماما عايزة تعرفى انى بشوفها كل يوم وانا قلبي بيتقطع عايزة تعرفى انى كل يوم بموت وانا شايفها مع اخويا وصاحبي بس انا عارف ان مراد هيجرح عشق جامد يا ماما مراد انانى وعلى قد حبه لعشق هو بيحب نفسه اكتر انا حبتها يا ماما ودلوقتى بجرحها وببعدها عنى بس انا اللى بتعذب اووى يا ماما
غادة ..لازم تبعد يا ادم سافر يا حبيبي سافر
ادم ..مش هقدر مشوفهاش تانى
غادة ..لو شوفتها هتتعذب
ادم ..خلاص يا ماما هحضر الفرح وهسافر
غادة ..مش هتقدر يا ادم
ادم ..لازم يا ماما احضر علشان مراد ميزعلش منى دة اخويا بردو يا ماما
غادة ..ربنا يريحك يا حبيبي
ادم ..يارب انا هطلع على اوضتى يا ماما
ام عند منه (مجنونت الرواية )
جالها تليفون
منه برقة ..الو
الشخص ..احلى الو سمعتها
منه..انت مين يا حيوان
الشخص ..لحقتى تنسينى
منه ..عارف لو مقولتش انت مين هقفل فى وشك
الشخص ..كدة هتقفلى فى وش جوزك المستقبلي
منه قفلت فى وشه وكانت بطلع نار
شويه وتليفون رن تانى بنفس الرقم
منه بزعيق ..مش هتبطل
الشخص ..خلاص هريحك وقولك انا مين علشان عارف ان دماغك دلوقتى بتلف وبدور ومش عارفه مين انا ادهم
منه بدون وعى ..المزززز
ادهم كان ميت من الضحك..مكنتش اعرف انى قمور اووى لدرجاتى
منه ..لا طبعا انت معفن وتلم وشبه القرد
ادهم ..حرام عليكى هو فى قرد قمور كدة
منه ..مين قالك انك قمور
ادهم بغرور..كتير
منه ..بيجملوك
ادهم ..انتى طولى اصلا انى اكلمك
منه...اة يا بابا اطول واووى كمان
ادهم ..مش هرد
منه ..طب اقفل بقا علشان مودى حبيبي بيتصل
ادهم بغيرة ..مين يا ختى اللى بيتصل
منه وهى بتكتم ضحكتها ..مودى سلام بقا يا قرد
ادهم ..والله لوريكى يا منه وقام لبس ونزل
استنو الفصل اللى جاى علشان نعرف يا ترى ايه اللى هي حصل بين عشق وادم وادهم هيعمل ايه فى منه
استنو رواية اوقعتنى فى حبها
للكاتبه /esraa mahmoud
اسفه للتاخير بس انا قولت الفصل هينزل يوم السبت والتلات عايزة تفاعل بقا يا جماعه