"ခင်ဗျား ဘာပြောတယ်၊ ကိုကိုနဲ့ကျွန်တော်က အပျော်မဟုတ်ဘူး "
"အဟက် ..နင်က Joy အကြောင်း ဘယ်လောက်သိလို့လဲ၊ Joy ရဲ့ နာမည်ပြောင်ကိုက ပန်းစားဘီလူး၊ ပန်းမုဆိုးလေ၊ နင်လည်း အစားခံရပြီးပြီ မဟုတ်လား"
"ခင်ဗျား .."
"ဟား ဟား ဟုတ်နေတာပဲ၊ Joy က နင့်ကို အပျော်တွဲတာ သိပြီလား၊ ဘယ်လောက်စားစား ကလေးမှမထွက်တာ .. ဟားဟား"
"ခင်ဗျား ဘာတွေလာပြောနေတာလဲ၊ ကိုကိုက အဲ့လို လူစားမျိုးမဟုတ်ဘူး၊ ဘာလဲ .. ခင်ဗျားက အစားခံချင်တာ ကိုကိုက မစားလို့လား၊ ကိုကို အသန့်ကြိုက်တာ ခင်ဗျား မသိဘူးလား"
"နင် ...နင်.. ငါ့အကြောင်း သိမယ်၊ အေး .. Joy ကို ပြောလိုက်၊ ရေပြန်ဖြည့်ပေးလို့၊ ရေပြတ်လို့ကတော့ ပျော်ပျော်ကြီး ပုဂံဘုရားဖူးထွက်မယ်လို့ ပြောလိုက်"
"ခင်ဗျားဘာသာ ခင်ဗျား၊ ဘုရားဖူးပဲထွက်ထွက် တစ်ကျွန်းပဲထွက်ထွက်၊ ကိုကိုနဲ့ ဘာဆိုင်လို့လဲ"
"Joy က နင့်ကို လူရာမသွင်းလို့ ဘာမှမပြောပြတာပေါ့၊ နင်တို့ အေးအေးဆေးဆေး နေချင်ရင် ငါ့ကို ထိုင်ကန်တော့နေကြ"
"ဒီမှာ ခင်ဗျား ရှင်းရှင်းလင်းလင်း ပြောစမ်းပါ၊ ကိုကိုက ဘာကိစ္စနဲ့ ခင်ဗျားကို ...အာ ..ကျွန်တော်သိပြီ၊ ခင်ဗျား ကိုကို့ကို ငွေညှစ်နေတာလား၊ ကျွန်တော့် အိမ်လိပ်စာကို ကိုင်ထားပြီး ငွေညှစ်နေတာ မဟုတ်လား၊ ခင်ဗျား တော်တော် အောက်တန်းကျတာပဲ"
"အောက်တန်းကျတော့ အပေါ်တန်းကို တက်စရာမလိုဘူးပေါ့၊ နင်တို့နှစ်ယောက် အသက်က ငါ့လက်ထဲမှာ ရှိတာကို မမေ့နဲ့၊ အသက်ရှင်ချင်ရင် ငါ့ကို ရေသာ ဆက်သကြ"
"အဟက်..ခင်ဗျားအကြံ ဒါအကုန်ပဲလား၊ ခင်ဗျား ဒီနေ့ကစပြီး ရေငတ်ပြီး သေစေရမယ်"
"ငါရေငတ်တာ နောက်မှ၊ ငါ့ကိုရေဖြတ်ရင် နင်တို့က ကမ္ဘာနှစ်ခြမ်းကွဲမှာ အရင်"
"ကမ္ဘာနှစ်ခြမ်းကွဲတော့ ကိုကိုရှိတဲ့အခြမ်း ကျွန်တော် နေမှာပေါ့၊ ကိုကိုနဲ့ ကျွန်တော်က စွယ်တော်ရွက်လေ၊ သိတယ် မဟုတ်လား"
YOU ARE READING
ကိုယ့်ရဲ့ VIP [completed]
General Fiction[Unicode] Broken family က မွေးဖွားလာတဲ့ အချစ်ကို ရှာဖွေနေတဲ့ကောင်လေးတစ်ယောက်နှင့် ဘောင်တွေစည်း မျဉ်းတွေကြားမှာ မနေနိုင်လို့ မိဘအိမ်ကထွက်လာတဲ့ ကောင်လေးတစ်ယောက် ။ သူတို့နှစ်ယောက်ရဲ့ တွေ့ဆုံမှုမှာ ထားရှိခဲ့ကြတဲ့ ကတိသစ္စာတွေ ချစ်ခြင်းမေတ္တာတွေနဲ့ နှစ်ဦး...
Chapter 29 ( Unicode)
Start from the beginning