တရစပ်စကားပြောနေပါတဲ့သာလိကာကောင်အမောင်မင်းစက်ကြောင့် လမ်းတလျှောက်စလုံး သူ၏နား၂ဖက်မှာ အနားမရစွာပူထူလို့နေသည်။
ဒီကောင် မင်းစက်နဲ့Canteen သွားဖို့ဆုံးဖြတ်လိုက်တဲ့သူ့ကိုယ်သူသာ နားရင်းပြန်အုပ်လိုက်ချင်စိတ်တို့ကတဖွားဖွား။"မင်းခန့် ငါတို့နှစ်တုန်းကတကယ်နာတယ်ကွာ Siliconရုပ်ကြီးတွေနဲ့ ပြန်စဉ်းစားမိတိုင်းကြက်သီးထတယ်" ဟု ရှုံ့မဲ့ကာဆို၍
စီနီယာကြီးမင်းစက်ဟာ သူ၏လက်မောင်း၂ဖက်ကိုအကြမ်းပတမ်းပွတ်သပ်လိုက်တော့သည်။မင်းခန့်ထည်က သူ့ဖိနပ်အောက်ကကျောက်စရစ်ခဲလေးကိုခပ်ဝေးဝေးရောက်တဲ့အထိကန်ထည့်လိုက်ရင်းမျက်ခုံးရိုးတို့ကိုတွန့်ကြုံ့ထားမိသည်။ထိုအချိန်၌ သူ့ရဲ့အတွေးအာရုံထဲမှာ ဘယ်လိုအရာတွေနဲ့သောင်းပြောင်းပြည့််နှက်နေခဲ့မှန်း သူကိုယ်တိုင်သာအသိဆုံးပင်။
"အရုပ်တွေနဲ့ကတော်သေးတယ် အခုဟာက ငါ့အထင်တော့မသင့်တော်ဘူးနော်"
မင်းစက်ကလက်ထဲရှိအနက်ရောင်ထီးရှည်ကိုဖွင့်ဆောင်းလိုက်ရင်းငြင်းဆန်လာခဲ့သည်။
"ဘာကို မသင့်တော်တာလဲ သူတို့အခုလိုလေ့ကျင့်ထားမှတော်ကာကျမှာ
တကယ်လို့အဲ့လိုအချိန်ရောက်လာရင်
မိန်းကလေးမို့လို့ ယောက်ျားလေးမို့လို့ဆိုပြီးရှက်နေရမှာလား အသက်မကယ်ဘဲနဲ့လေ""မင်းအတွေးအခေါ်နဲ့မင်းကတော့ဟုတ်နေတာပဲ မင်းဘာသာ နှာခေါင်းမီးတောက်ချင်ရင် မီးတောက်ချင်တယ်ပေါ့ သောက်ကြီးသောက်ကျယ်တွေပြောစရာမလိုဘူး ဟိတ်ကောင် "
မင်းခန့်ထည်ကပြောနေရင်းနဲ့ခဏရပ်လိုက်ကာစိတ်ပျက်စွာနှာတစ်ချက်မှုတ်ထုတ်လိုက်ပြီးနောက် မင်းစက်ရဲ့ကျောပြင်ကိုကျောပိုးအိတ်နဲ့ခပ်ပြင်းပြင်းတစ်ချက်ချထည့်လိုက်ရင်းဆက်ပြောလာသည်။
"ပြီးတော့ ဒီကိစ္စကမင်းအကြံပေးလို့အကောင်အထည်ပေါ်လာတယ်ဆိုတာလဲငါသိတယ် ကြည့်လုပ် တစ်နေ့ချောင်းရိုက်ခံရမှ ငါ့ကိုကူပါကယ်ပါလာမလုပ်နဲ့ ခွေးကောင်!"
ကောင်းကျိုးမပေးတဲ့သူငယ်ချင်းကြီးအားလက်တစ်ဖက်ကနေထီးမိုးပေးထားရတဲ့ငယ်ကျွန်ကြီးမင်းစက်ခမျာလွတ်နေတဲ့ကျန်တစ်ဖက်နဲ့ကျိန်းစပ်စပ်ဖြစ်သွားရတဲ့သူ၏ကျောဘက်တစ်နေရာကိုနောက်ပြန်ပွတ်သပ်လိုက်ရင်း သကောင့်သားအား မျက်စောင်းထိုးလာခဲ့သည်။
YOU ARE READING
HE=MY FIRST LOVE [ကိုယ့်အချစ်ဦး ](Completed)
Romanceသူဆိုတဲ့ကိုယ့်အချစ်ဦးလေးကကမ်းစပ်လေးဆီငြိမ်သက်စွာနဲ့ဝင်ရောက်တိုက်ခတ်လာပြီး အသိမပေးဘဲပြန်လည်ထွက်ခွာသွားတတ်တဲ့ရေလှိုင်းလေးနဲ့ဆင်တူတယ်။ရေလှိုင်းလေးတွေကပင်လယ်ပြင်ကြီးထဲကိုထွက်ခွာသွားပြီးဘယ်လောက်ထိကြာအောင်ကူးခတ်နေရပါစေ တစ်နေ့နေ့တော့ ကိုယ်ဆိုတဲ့ကမ်းစပ်လေးတ...
အခန်း(၇)-ပြိုလဲခြင်းအစ
Start from the beginning