رواية لربما روايه ليبية😍

37

لحلقه 37
#لربما
~~~~~~~~~~~~~~~~~؟
كان الراجل ميت مزالة شوية ويمووت ومبتسم وبابا احلى منه وانا منصدمه مديتله قهوه وقعمزت جنبه وعيوني متوسعات خلاص مش قادره نتنفس وهوا وبابا يحكو وانا خشيت نجري للدار نبكي لعند مارقدت ثاني يوم نضت وطلعت القيت بابا وعبدالله
باتي:مبرووك نوران
انا :علي شن
باتي :الراجل اللي امس خطبك ويبي يحدد الفاتحه انا خشيت للدار نبكي وخليتهم برا في العصر خشت عليا ماما :نوران هاكي كولي
انا :مانبيش
ماما :ماينفعش هكي كولي حاجه
انا :مانبيش خطوني
حطت السفره ع الطاوله وحطت جنبي دبله وطلعت
انا نضت ونبحت في الدبله ونبكي ونذكر في محمد
~~~~~~~~~~~~~~~~~~
محمد راقد هوا ومروه يطق الباب:-
مروه :من ع الصبح
محمد :خليك البسي حاجه استري روحك ومديلي تيشيرت ولبس التيشرت وطلع فتح لقاها اروى
اروى :صباحووو
محمد :شن تبي
اروى:قالك جدي هيا شويه ويأذن المغرب
ومروه سمعت خافت طلعت تجري
مروه :لالالالالا
اروى ومحمد:؟؟
مروه :قصدي تعال نبيك محمد
محمد :قوليله شويه يلبس ويجي
اروى:باهي وعدت
مروه :حبيبي من جدك تبي تعدي
محمد :اها ياعمري ضروري
مروه :لالا اقعد
محمد :تؤ ضروري نمشي والله جدي حيزعل
مروه باهي براحتك
محمد عدا يلبس ومروه عدت صبت عصير وحطت فيه منوم
مروه :امسك حبيبي
محمد :نبيش
مروه بدلع ؛حبي ماتطلعش هكي
محمد :باهي خضا منها وشرب وداخ رقد ع السرير
ومروه نزلت
مروه :جدي محمد مايبيش يمشي
جده:كيف له وااااجد مامشى معانا من يوم ما الزوج
نادر :مش صلاه الجمعه بس جميع الصلاوات
مروه :بالعكس محمد ديما يصلي والصلاه في اوقاتها
جده:توا نركب اندق عليه
مروه:لالا خش يدوش
جده :اففففف حولي من قدامي
مروه عرفت ان نهايتها خلاص وخافت وترعش وتتنفس بالقوه وتدعي
اما جده ركب تما يخبط بالقوه ع الباب لين محمد وعا
طلع نعسان ودايخ
محمد :كنك
جده :انت اللي كنك هيا الصلاه
محمد :كنت نلبس بس مش عارف شن صار
جده :محمد انت كويس ياوليدي
محمد :اها تمام هيا هيا
ومشو للجامع واقامو الصلاه وبدا يقرا ومحمد يقول في كلام مش مفهوم زي الشعوذه وصوته عالي شويه يعني اللي جنبه يسمعو تمو كلهم خايفين وصلو وعدا اللي جنب محمد للشيخ وكان اسمه مروان
مروان:السلام عليكم
الشيخ :وعليكم السلام
مروان :انا كنت نصلي بجنب الشاب هضا ومش عارف حسيته فيه حاجه يقدم ويوخر ويقول في كلام في الاول نحسابه يقرا بس بعدها كلام اجنبي تركي مش عارف مفرزتش
الشيخ :محمد ؟؟
مروان :مانعرفش
الشيخ :محمد يا محمد
محمد التفتله :نعم ومشاله
وجو وراه جده وخوته وباته
الشيخ :تعالو وخششه للدار وقفلها
كلهم :؟؟
وكانت الدار فيها كراسي وصغيره وحمام وسرير كانت غرفه لغفير المسجد يقعد فيها بس توا مسيبها المهم
محمد :كنك ياشيخ في حاجه
الشيخ :لا شي بس شويه نبي نتاكد من حاجه
الشيخ :الله اكبر اللــه اكبر الــله اكبر اللـته اكبــر
محمد بدا يقول في الشعوذه ويقول في كلام
الشيخ وقف وعرف ان ملبوس التفت
الشيخ :اللي مش متحمل يطلع
جده :ليش شن صاير فهمني
الشيخ :محمد ملبوس
كلهم منصدمين
باته :تي لالا مستحيل هيا مغير هيا تاخرنا
الشيخ :هنا خمس دقايق اللي مش متحمل يشوفه يطلع
باته :ولدي مافيه شي شن تحكي انت
الشيخ :بنبدا نقرا اللي مش متحمل يطلع
كلهم قعدو
الشيخ جاب سطل قدام محمد وتما يقرا ويعلي في صوته ومحمد يعلي في صوته ويحكي بصوت عالي والشيخ يقوي ومحمد يعلى صوته ويرجع في حاجه برتقاليه لعند ماداخ رقد
الشيخ :تقدرو تروحو توا وخلوه ينوض يصحصح توا نقرا عليه اخرى لعند ما يفرغ السحر
نادر :باهي مش عارف شن سبب يعني بشنو مسحور الشيخ:مسحور بحاجه سائله ممكن ميه عصير شاهي قهوه ولما شربها قعدت في بطنه ومانزلتش والشي هضا يديرو فيه المحترفين يعني مش اي حد يديره في وحدين متخصصين في الشعوذه والحاجات هذين
جده :باهي خلاص قعدتنا هنا مفيش منها فايده نروحو وبعدين يجي واحد يقعد معاه
كلهم :تمام
روحو وحكو للي في الحوش
جميله :حسبي الله ونعم الوكيل في اللي دار في وليدي هكي
جده :من اللي دار هكي بس اخخخخخخخ لو نعرف
اسامه :هههههههههههه ههه ههههههه انتو مش عارفين والله معندكمش نيه تعرفو
كلهم بحتو فيه
اسامه :باينه مروه
كلهم:😳😳😳
جده:وشن مصلحتها
ناصر:هههههه طبيعي تبي محمد تذكرو شن دارت عشان تخرب بين محمد ونوران عطتها حبوب ودزتلها شاب هضا كله شن مصلحتها
جده :وينها
اسامه :فوق اكيد عرفت ان نهايتها تمت
ناصر :نمشي نشوف محمد
اسامه :ماشي معاك
~~~~~~~~~~~~~~~~~
عند محمد:-
كانو يصلو وانا نقول في كلام نحاول نوقف مانقدرش فمي يتحرك بروحه شويه وكملت الصلاه عيطلي الشيخ وخشينا للدار وبدا يقرا وانا نصرخ لعند رقبتي تجرحت ونستفرغ لعند ما رقدت نضت وكأني نايض من غيبوبه
انا بصوت مبحوح :نوران
وشفت القيت اسامه وناصر اسامه طلع يكلم في جدي يبي يقوللهم اني نضت وناصر جنبي
انا :ناصر عطيني ميه
مدلي اميه وشربت
انا :شن صاير ياناصر ووين نا شن اندير هنا
ناصر :قصه طويله
شويه وخشو اسامه وجدي وباتي وخوتي كلهم والشيخ قرا عليا شويه وانا مستغرب ومنسته
الشيخ :تعال يا محمد برا وصلي ركعتين
محمد :عليش
الشيخ :انت صلي بس
محمد :ليش نصلي ركعتين وانا توا دوبني صليت الظهر
الشيخ :كذا احكيلي اليوم شن درت من الصبح
محمد :نوضتني مراتي ودارتلي فطور وفطرنا نا وياها وخضيتها لهلي وسقدتني للجامع وجيت مع جدي وباتي والشباب
جدي :مراتك من
محمد :ههههه كنكم انتو (وبحت الساعه)حي عليا نا
باته :كنك
محمد :تأخرت علي نوران اكيد منشغله مدلي تليفوني نكلمها
جدي :شن نوران انت مطلق نوران
محمد :جدي هيا هيا توا نمشي نحايل عليها اكيد زعلانه عشان متأخر بعدك هيا ماتاكلش لين نجي هيا هيا بسرعه كنكم تبحتو امشو
جدي :هيا هيا نروحو كلنا
مشينا للحوش اول ماخشيت
محمد :نوران نوران
جن امي وحني يضبطن فيا واروى ورانيا يبكن
انا :كنكن اروى امشي كلمي نوران اكيد زعلانه عشان تاخرت صح
اروى :زادت تبكي
محمد :كنكم نوران فيها شي عمر في شي كنكم تبكو
جدي مسكني من يدي وعيط لبوي ولحقوني الشباب وخشينا للمربوعه وسكر الباب
جدي :محمد انت كنت مسحور في حد ساحرك
محمد :عههههههههههه كيف ههههههههه هههههههه
جدي :اسمعنا للنهايه
محمد :باهي نبي نسمع شن تفضل
جدي :انت اليوم اللي الذكرته مش اليوم اليوم هضا قبل سنه وفي السنه هذي طلقت نوران واجوزت مروه وكان تشوف عمر رايح كبير ويحكي ولما مشينا للبحر انت ماعرفتش لا هوا ولا امه
محمد :خلاص تميتو الفلم الهندي
جده طلع ورقه :اهيا نسخه من ورقه طلاقك
محمد اول ماشاف الورقه انصدم
محمد :نا مستحيل نزوج بعد نوران نوران وبس فاهمين
وطلع وركب فوق اول مافتح الجناح جاته مروه
مروه :حبيبي شن مش مرايف عليا شكلك
محمد عطاها كف ومسك شعرها ويضرب فيها:انتي طالق طالق طالق
لعند ما داخت خضا مفاتيح سيارته ومشا للبحر ويفكر
~~~~~~~~~~~~~~~~~~
عندي انا :-
باتي كان جاي من الجامع ويحكي بالفون ويقطع في طريق وووووووو
~~~~~~~~~~''''~~~~~~~~~~