رواية لربما روايه ليبية😍

17

الحلقه 17
لربما
~~~~~~~~~🔚🔛🔜~~~~~~~~~
لبس جلابيه وكانت من فوق ضابطه شويه وكانن عضلاته باينات جيت وقفت قدامه
محمد :هههههه طشه
انا :ههههه اها قدامك شي
محمد :هههه احسن طشتي نا بس
انا :بس عارف انت خطير يعني تخيل انتعاركو تي كف واحد تقتلني
محمد :هههههههه تؤتؤتؤتؤ انا نهزب ونحرم ونحبس بس مانضربش
انا بسته ع خده نحبك بيبي
محمد :نموت فيك هيا ننزلو
انا :هيا
ونزلنا لوطا ومحمد طلع وانا خشيت معاهن للمطبخ نديرو في الغداء طبعا نزلت في الاخير ونهدرزو ونضحكو وجونا يجنن وامه كل ما تحش تعزقلي كلمه وانا ندير في الحوله بس عشان محمد شويه وجو اللي في الجامع
انا :خير ياجدي شخبارك( وحبيت علي راسه ويده )
جده :اهلين يابنتي الحمد الله شخبارك انتي
انا :تمام الحمدالله وسلمت علي باته حتى هوا يده وراسه (طبعا جده انقوله ياجدي وباته انقوله ياعمي وحنه انقوللها ياحني وامه عمتي)
انا :اهلين شباب
الشباب:اهلا شجو
انا:بيك احلو
اسامه :محمد طلع راه قال عندي مشوار هنا توا انجي علي ما عصرنا ياراجل قول وين ماشي مابش يقول
انا :اكيد ماشي لواحد من اصحابه
ناصر:قاللكم حطو وابدو كولو راه مش مطول
انا غريبه وطلعت تليفوني وانرن عليه بس مايردش
شويه ودزلي رساله مكتوب فيها👇
«حطو وكولي ياحبي شويه وانجي»
انا دزيتله👇
«ليش شن صاير »
محمد👇
«بعدين تفهمي😉»
~~~~~~~~
عند محمد :-قهرتني امي في الصبح لما هزبتها هيا دوبها خاشه حوشها يعني المفروض تعاملها كويس قررت اني انديرلها حاجه تفرح بيها ونحرق دم مروه اللي توسوس لامي
~~~~~~~~~~~~~~~
شويه وتمو يحطو شباب وبنات مع بعضنا طبعا طاوله طويله وحطينا وقعمزنا
جميله:نوران مش عارفه راجلك وين
انا :لا
جميله :رنيتي عليه
انا :قتله وينك قالي نقولك بعدين
جميله :معقوله في مرا ماتعرف راجلها وين
شويه وجا طبعا انا معطيه ضهري للباب ومقعمزه ع الكرسي ومحمد وراي ويشيرلهم اس ماتبحتوش
شويه وحسيت حاجه مسقعه لمسه رقبتي وشميت بنه نعرفها ونعشقها ريحه حبيبي برفان ودخان
انا تلفتت باسني ع خدي انا انحرجت لان كانو حتى باته وجده وحنه كلهم موقف يحرج صبيت وهوا وراي برمت
انا :حول بنشوفها
محمد حول من طريقي والبسمه علي وجه مرسومه كان خاطري نعضه يجنن وهوا يضحك مشيت شفتها وكانت ذهب مكتوب عليها (Queenالصوره👇)وطلع من جيبه اسواره نبض (الصوره)
انا:شكرا يجننو
جميله :طبيعي يجننو ماهم ذهب مش اكسسوار
انا فهمت قصدها بس تماسكت اعصابي
محمد :عيونك يجننو ياروحي المهم مش زعلانه
انا :علي شنو
محمد ومتعمد بصوت عالي :علي هزيبة امي امبدري
انا :قصدك جايبهم عشان هكي والله ماني زعلانه وبعدين امك زي ماما مستحيل نزعل منها
محمد :نجك
اسامه :احمممم احم احمممممم
محمد :عطوه اميه فكونه من صوته
ناصر :حتى نا بنحم حم
انا :تعال نحطلك اكيد جيعان
محمد :فداك جوعي
انا انحرجت وهوا فاهم عليا المهم عنده يقهر مروه حطيتله في تبسيه وعطيته وبدينا ناكلو وصبينا نغسلو في العوايز
رانيا :نعليا نا خوي رومنسي
انا :هههه بكل لين يحرجني غادي يبوسني في الشارع ويقولي عادي اجانب عادي شوفي هضا حاضنها انقول باهي عادي بس هنا قدام جده ووه وجي تما طماطم
اروى :بكل بصراحه انا سحت
امل(اخته الوسطيه):اهاا بكل ووه خوي اول مره نعرفه هكي مع ان مراته الاوله ماكنش يديرلها هكي
انا :بنات بنسألكن سؤال بس مانبيش يطلع برا
رانيا :شنو احكي
انا :مراته الاولى كيف كانت علاقتهم ببعض
اروى :انقولك باختصار ديما متعاركين
رانيا :انا عن نفسي اول مره انشوفه فرحان هكي متريح بمعنى الكلمه
امال :هيا كانت ديما تطلع وتجي وتشتغل وهوا يبي وحده تشوفله طلباته وتهتم فيه هيا كانت هاملته بكل
رانيا :اسمعي نعطيك نصيحه من اخت لاختها محمد علي قد ماياخض يعطي يعني تهتمي بيه يهتم بيك تقعدي معاه فرفاشه وهكي يعني مش نكديه يقعد حتى هوا هكي وبلعكس راه تهتمي حتى هوا يهتم ويقعد يشيلك ويجيبك ويدهورك بس انتي دلعيه في كل حاجه انتي مش خاسره شي
انا :شكرا بجد انا ديما عندي عقده زعما هذي يحبها باهي شن كانت الدير زعما اندير هكي والله يتعقد كل حاجه دايرتلها حساب
امل :وفي حاجه اخرى علي قد ماتحترميه يحترمك ويحطك فوق راسه
انا :شكرا
رانيا :نحن خوات ويالله نمشو نقعدو معاهن
امل :ياهبله معش تشكرينا نحنا خوات
انا :ليا الشرف
اروى :نوران امشي راه نعطيك بوني يخليك في كتر محمد
انا :ياريت😂😂😂
رانيا :مااشر من خوي اللا مراته😂😂
البنات :😂😂😂
وطلعنا مشينلهم في الجنان جده وباته وحنه مش قاعدين قاعد هوا ومقابلته مروه والشباب مقعمزين جنبه انا قعمزت ف الصالون وجن جنبي اروى ورانيا
جامحمد مسكهن من وذنهن
محمد :يالله يالله صبن وعزقهن وقعمز جنبي
اروى :انت اللي صبي اكيد مال منها
محمد :تي انا مانملش منها مستحيل نمل
رانيا :اففففففففف باهي كان تسمع شن كانت تقول
انا :رانيا بلش تفليم توا انقول من اللي كان يقرم فيه
رانيا :اروى عطيها البوني اللي قلتي عليه
محمد :جربي كذا
اروى :بعدين بعد ما يركب نعطيها بوني ينطرها لدار النوم😂😂😂
انا :الله كان عندك واحد يغيرلي دبشي بالمره😂😂
كلهم :😂😂😂😂😂
اسامه :تي نقانك قويه انتي معانا نا وناصر شله مهابيل تمينا 😂😂😂
ناصر:ايوه هضا وين هبلناهم
انا :سير ونحنا معاك ياقايد 😝
محمد :هيا هيا بنركب ناخض قيلوله
انا :وامتى نمشو لهلي
محمد :بعد القيلوله
انا :انت القيلوله لبعد المغرب
محمد :انتي وعيني
انا :والله انت ترقد وانا نقعد واعيه وانوعيك
محمد :لا ارقدي وبعدالعصر نوضي ووعيني
انا :كان انت ماوعيتنيش انا مش حنوعى
اسامه :والله دوختوني معاكم
ناصر :لو وعيت حنوعيك انتي وانتي توعي محمد عشان يوعى
اسامه :وانا كان وعيت حنوعيك عشان توعي نوران عشان توعى واتوعي محمد عشان يوعى
اروى:مبردكم نمشي نرقد عشان بعد العصر نوعى
محمد :استغفر الله هيا نانو هيا
~~~~~~~~~~~~~~~~~~~
نجكم ليا اللي متفاعلات والله انتو اللي تعطوني طاقه ايجابيه نكتب نجكن ليا💜
‏#منقول