اعتدل بقعدته وتقرب قدام شوي وقال بشماتة/مو على اساس اني جاي اعتذر لك!!!
رفعت راسها بقوة وهي تشوفه يبتسكم بشماتة لها وقالت باصرار/ومازلت انتظر اعتذارتك الاثنين!!!!!
//////////////////////////////////////////////////////////قعدت من النوم وهي حاسة بخمول عجيب...
يومين كاملين قضتهم بالمستشفى بعيدة عن نجود وعن بندر,,,,
وصلها سوال نجود عنها من امها وبكت ..بكت كثير لانها كانت حاسة ان علاقتها مع نجود ماراح تنتهي بها السهولة مهما كان غلطها وارتاحت...بس بندر بها اليومين مااتصل ولاارسل....وتنهدت ورجع الضيق بصدرها من جديد وقررت تكتب له مسج وبعدها خلاص بيعتمد عليه الموضوع اذا اتصل او ارسل اما اذا طنش فهي بعد بتطنش ويصير اللي يصير لانها تعبت من تغيره ها الفترة ناحيتها..هي صحيح ماتدري وشهي ظروفه بس مو معقولة تطنيشه كذا......
كتبت له المسج وارسلته وطفت الجوال مرة ثانية وفي بالها شي يدور وقررت تسويه.....
//////////////////////////////////////////////////////////ام مصعب/شكله اخوي مطول وماراح نشوفه الليلة؟
ام مشاري/مع ان بو فيصل مو من عوايده يطلع وخصوصا ليلة السبت بس اكيد موجب طرى له وماقدر يعتذر......
ام مصعب/حسافة كان ودي اشوفه صار لي اسبوع ماشفته....يالله فرصة ثانية نجي نسير عليه سلموا عليه....
نجلاء/الله يسلمك...
فيصل/نامي معنا..
الجازي/والمدرسة؟
فيصل/لاتروحين...
الجازي/انت تبي كل ا لناس مثلك عطالية بطالية مالهم شغلة ولامشغلة؟؟؟
فيصل/بكيفك ..لاتقولين ماقلنا لك نامي معنا!!!
الجازي/ههههه
فيصل/صحيح وين الحلاوة اللي وعدتيني فيه؟
الجازي/يو ..بالله اني نسيت!!!بس تدري بكرة بعطيه مروة تجيبه لك طيب..
مروة/الله يعيني!!!معناته ماراح يفارقني اللحين!!!
الجازي/ههههههههه باي فيصل تصبح على خير....
/////////////////////////////////////////////////////////////
شالت عبايتها وغسلت وراحت سريرها رغم ان النوم مجافيها....
!!!!!شلي خلاها توافق على طلبه وتطلع معه من الاساس ماتدري!!!!! كيف اخذت وعطت معه بالحكي بسرعة .....؟؟
صارت تتذكر رقته وكلامه صحيح كان قاسي بكلامه ونبرته بس بداخلها حنان كبير وهذا اللي حسته من نظراته......
ها النظرات اللي ذبحتها من كثر ماصارت تناظرها...
اسلوبه..نرفزته..تعجرفه..حنانه...فيه خليط عجيب غريب شدها له بدون ماتحس.....
لفت وناظرت بوكيه الورد اللي عطاه السايق بدون ماتدري وكانت مابتشيله من السيارة بس في النهاية قررت تاخذه....
وعلبة الشوكلاته الفخمة بعد.....
وكانت كلته بالمطار للحين ترن باذنها...(مو كفاية اني بنفسي جاي اعتذر لك)
اه....اه..اه...اه...شلي قاعد يصير يانجود....شسالفتك يافهد شسالفتك...ثقيل على حنون على..مدري كيف اوصفك بصراحة...
حتى بالمطعم ...ماطلب منها ترفع نقابها من عليها ولاانها تشرب ماي حتى...والاكل اللي طلبوه طلعوا عنه وتركوه مثل ماجاهم مالمسوا منه أي شي...
فتحت الدرج اللي جنبها وشالت كرته وشافت ارقامها وذكرت كلمته قبل لايمشون(فهد/ممكن اكلمك اتطمن عليك حاسك تعبانة وماابي اظل افكر فيك)
نجود/ليش انت بالعادة كذا حنون مع الكل..ماحد قال لي)
فهد/........
نجود/انا مضطرة اقوم....وبالنسبة للاعتذار انسى سالفته انا نسيت الموضوع وياليت ماحد يدري ان احنا كنا مع بعض اليوم...ماهي حلوة بحقي وبحقك...ودير بالك على فيصل وسلم لي عليه وعلى النعومة لمى)
تمنت انها تقعد معه وقت اطول وتسمعه يتكلم ويتكلم ويتكلم...بس المشكلة انه ماكان يتكلم معه بشي..كان كل كلامه عنها هي ولانها شكت له عن جواهر وهو قام يواسيها بس ماتكلم عن نفسه ابدا....
غمضت عيونها بالقوة وهي تبي تشيل صورة فهد وصوته من بالها نهائيا!!!!!!بس هل بتقدر؟؟؟؟
//////////////////////////////////////////////////////////وصله مسج جواهر وهو قاعد على سريره يفكر .....ويوم قراه حس انه وده يبكي ....فعلا كان محتاج يبكي.....
دخل كلامها لقلب بندر اللي حبها وحس بالضيق لانه طنشها ولانه عاملها ها المعاملة طول ها الفترة...
كانت كاتبة له..
(ماهي ها الليلة وبس...وانت متغير علي...
صار لك كم ليلة وانت ..وانت بالك ماهو لي...
حاضر بقلبك وغايب...وانا قلبي فيك ذايب..
ليه يااغلى الحبايب....انت سامع عني شي..!!!
الله يسامحك يابندر...تركتني للالم والاه وانت اكثر انسان عارف بعدك عني يمنعني حتى من اني اتنفس الهوا؟؟؟
حبيبي انا صار لي يومين تعبانة منك ومن صدك وطايحة بالمستشفى كان بودي الاقي منك اتصال او على الاقل مسج يتطمن علي او يسال عني بس مالقيت!!!!انا اسفة يابندر اسفة على كل شي)
جواهر تعبانة...طاح قلبه من ها التفكير..وهو سبب تعبها والمها...
اتصل فيها بسرعة وهو يغالب دموعه ولقى جهازها مقفل!!!!
حس بضيق ماحسه من قبل....وتندم على كل لحظة ابتعد فيها عن حبيبة قلبه بس هل بيفيده ندمه اللحين!!!!
رفع جواله من جديد واتصل بعلي علشان يعرف وش فيها...ولقاه مقفل ...اوووف هذا وقتك بعد ياعلي تقفل جوالك؟؟؟؟
///////////////////////////////////////////////////
دخل البيت بعد مالف شوارع الرياض كلها من التوتر اللي فيه....
راح لمكتبه وقعد فيه وكانت الانوار كلها مطفية....
طلع له سيجارة وشغلها وهاذي خامس سيجارة يشغلها من بعد ماطلعوا من المطعم.....
قعد وهو بقمة توتره...خطوته الاولى بروحته لعندها كانت غلط من اساسها!!!بس ليش سمعت كلامك ياسالم ليش!!!
روحتهم المطعم بعد كانت غلط؟؟؟طلبه منها انه يتطمن عليها بعد غلط؟؟ظوش فيك يافهد انت صاحب الغلطات الليلة مو هي؟؟وين ثقلك وين هيبتك وين وين وين...وش صار لك يارجال..وش صار لعقلك؟؟؟كان يتذكر شكلها وهي قاعدة تبكي ودموعها كلها باينة من فوق نقابها.....
عليها عيون تجنن بس لو تشيل ها العدسات بتبان ..صحيح انها مرسومة رسم ومكحلة رباني....وابتسم يوم تذكر دموعها وضيقها على صديقتها وقال في بالها يابختها ثمنتعشر سنة وهم مع بعض...مدة طويلة وحلوة..يالله ان شاءالله تتفهمها ويرجعون وماتقعد تقاسي بروحها هنا وماجنبها احد...ياترى اخذت الورد ولا رمته بالزبالة!!تسويها...انا منها كل شي اتوقعها......
وظل في باله صوتها بالمزرعة يوم كانت تغني للبنات (تحبني ولاتحب الدراهم..اختار لك وحدة علشان مااضيع....علاقة ماتنبني بالتفاهم...حتى تحت نور القمر يمكن تميع)
كان حاس بضيق وخنقة مو طبيعية هو عارف انه اليوم ارتكب اكبر غلط بحياته بطلعته مع نجود...بس بنفس الوقت ها الصوت البايح القوي مو قادر يفارق باله لحظة وحدة!!!
///////////////////////////////////////////////////////
اليوم الثاني ....
شمة/غريبة بالعادة ابلة نجود السبيعي تجي الفصل قبل لاتدق الحصة صار لها اربع دقايق من دقت وماجت للحين؟
مزنة/يمكن انها غايبة؟
ملاك/لاتقولون..
مروة/لاانا شفتها بالطابور..
ملاك بتشكيك/وش كانت لابسة؟
مروة بتحدي/قمص احمر وفوقه ايشارب اسود..
الجازي بهمس/سكتي عنهم بس...
دخلت نجود وهي بكامل اناقتها وشخصيتها اللي رجعت مثل قبل و اقوى بعد...
وكانت فعلا لابسة قميص احمر ورابطة فوقه ايشارب اسود ولفت مروة لملاك علشان تبين لها انها ماتكذب وابتسمت ملاك....
نجود/السلام عليكم...
وعليكم السلام ورحمة الله وبركاته....
نجود/تفضلوا ارتاحوا....
لفت على السبورة وكتبت نحو وصارت الهمهمات..
لفت لهم/خير ان شاءالله..
ملاك والجازي بصوت واحد/ابلة قلتي ادب اليوم؟
نجود/قلت لكم ادب!!اي بس انا جبت نحو.....طيب مو مشكلة ادب ادب..معناته بكرة جيبوا معكم نحو علشان المديرة بتحضر لكم الدرس ماشي.....
صارت تقلب باغراضها وكانها تدور شي..وراحت لعند اول جهة اللي قاعدين فيها الجازي ومروة...
نجود/الجازي عطيني كتابك....
عطتها ايه...
نجود/وش معنى اسم الجازي!!!!
الجازي اسكتت وناظرت بالارض والبنات يطالعون فيها وملاك متضايقة...
نجود/حلو اسم الجازي..انا احب الاسماء البدوية الاصيلة..بس مدري وش معناه..معقولة ماتعرفين معنى اسمك؟؟ولامستحية؟؟؟؟
الجازي/..............
نجود/طيب.........اخذنا بالحصة الماضية فن النقائض.....ماهو فن النقائض يا شمة..
شمة/........
نجود/مزنة..
مزنة/..........
نجود/مو على اساس جايبين ادب؟
نجود/مروة..
مروة/فن شعري يقوم على هدم بناء شعري ببناء شعري اخر...كاْن يقوم شاعر بنظم قصيدة في الفخر وياْتي شاعر اخر ويهدم قوله بقصيدة اخرى...
نجود/تفضلي ارتاحي....ملاك...من هم اشهر من كتبوا في فن النقائض منالشعراء؟
ملاك/احم احم....جرير والفرزدق.....
