وصلنه للبيت ب10 وشويه متشعين ومكملين وكاعدين يسولفون صعدت حطيت ايه نايمه وبدلت الي ولودق ونزلت جوه
ابتهال بهمس وين جنتي عيني 😉😉
حياه اخوج اليوم ما ادري شبيه
ابتهال يحبج عيني والله يحبج
حياه ولج يا حب دسكتي انتي
ابتهال خجلت يمه
ودق ماما نعست
حياه من الحجي والدياحه
شويه وترخصت منهم وصعدت نامت بسرعه ودق دخلت سبحت ولبست دشداشه نص ردن ولحد الركبه زيتونيه ما بيه امشط شعري كعدت بالكاع دخل كرم
كرم ها شبيج حياه
حياه نعسانه مشطلي شعري حباب
كرم تعالي جيبي مشط ودهن
حياه اي هسه
جبت المشط والدهن وكعد يمشطلي
كرم شيخ والي هيبتي تالي اكعد امشط شعر حتى الله ما يرضه يله خلصت كوومي
حياه ههههه شكرا هاي شلون تعرف تضفر
كرم قبل جنت اكعد اضفر شعر خواتي وتعلمت
حياه اهاا
كرم يله طفي الضوه وتعالي نامي
طفيته ونمطلت يمه على الجربايه بارده كلش تالي جرني عليه حضني ونام ويشم بشعري خجلت كلش بس دفيت بسرعه غفييت كعدت لكيت ايه بحضني نايمه وكرم حاضني من وره يمته اجت ايه يمي يااا والله فشله
كرم شبيج تحجين ويه روحج
حياه اسم الله كمزتني هاي ايه شوكت اجت
كرم بجت وجبتهه يمج نامت بسرعه
حياه اهاا بيش الساعه
كرم ب9 رجعي ناميي بعد وكت
حياه كون ما يمشي الوكت نعسانه
كرم نامي معليج
وصدك بسرعه غفيت كعدت ب1 وشويه بس اني وكرم نايمه بحضنه وشابكته من ركبته وانفاسه باانفاسي بسرعه فتح عيونه كمزت من الجربايه
كرم اسم الله شبيج
حياه هاا ما بيه شي
كرم شو تعالي يمي
حياه ما اريد
كرم حياه
رحت يمه تمددت وحط ايده جوه راسي وايد ثانيه على بطني وضل يباوع بوجهي تالي ضل يلعب بشعري وبوجهي وشكله خدران ردت اكوم ما قبل ما حسيت غير على بوسه بالبدايه على كيف تالي بشغف وهيه مورمه متت حتى دم نزل وهوه ما يوخر لزك
كرم هاي شنو دم عضيتج
حياه لا بس هيه مورمه وانجرت ضلت تصب دم
كرم كومي منا لا ابتلي بيج حياه بسرعه كوومي
طفرت عرفته بعد ما يكدر يسيطر غسلت وبدلت ولبست البوشي ونزلت سلمت عليهم جاي يتغدون وخطيه ودق مدوختهم وايه بيد عمتي توكل بيهه نزل كرم وكعدنه ناكل خلصنه شلنه وغسلت وياهم سوينه الجاي وكعدنه نسولف كعدت يم عمتي شاورتهه
حياه اكول عمه
الام كومي بنيتي
حياه عمه ليش ما اخذ ابن رغد اربيه ويه خواته وهيه تشوف دربهه مو خطيه متعبهه وميصير يبتعد عن خواته
الام والله يمه ما ادري هيه ما تريده على أساس تنطيه لاقاربنه وامس ضربهه محمد راجدي
حياه ياا يله اخذه بعدين احاجيهه
الام براحتج حبيبتي
رحت لهديل
حياه شصار امس شبيهه رغد
هديل شوفي رغد مو ما تكدر للطفل وتضوج منه ما تدبرهه واخواني كالو محد يربيه هيه تربيه فامس يصرخ الولد ومحد يعرف شبيه مدري شمسويتله فتحته امي وطلع مجوي برجله كلهه نكلهه شلون انجوه تكللنه ما ادري وتدور وجهه وكالت ما اريده اريد اذبه فضربهه محمد لان مجويته ومزوركته وبس يبجي
حياه ياا خطيه شبيهه طفل هوه وين يفتهم اني حاجيت عمتي كلتلهه اخذه اربيه
هديل والله الج اجر وثواب لاعبه بيه جوله الليل كله يبجي وامي تعاركهه والمشكله جان اخذته امي اني ابتهال بس الولد ما يقبلون يردونهه هيه تتحمل المسئوليه
