ထိုစဉ် မေဂျာမခွဲရသေးတဲ့Compoundခန်းလေးခန်းအနက် အစွန်ဆုံးအခန်းထဲတွင်တော့ အတန်းထဲရောက်မှစသိကြတဲ့ First year ဂျူနီယာလေးတွေဟာ မိတ်သစ်ဆွေသစ်စဖွဲ့နေကြလေသည်။
အတန်းပထမဆုံးနေ့ဖြစ်တာကြောင့် အတန်းပိုင်ဆရာက Major ၉ခုအကြောင်းကို ကလေးတွေနားလည်အောင်အသေးစိတ်မိတ်ဆက်ရှင်းပြတာကိုသာပြုလုပ်ခဲ့ပြီး Lectureတွေတော့မပို့ချသေးပေ။ထို့ကြောင့် ကျောင်းသားလေးတွေမှာဘေးနားရှိစိမ်းသက်သက်သူငယ်ချင်းတချို့နဲ့မိတ်ဖွဲ့စကားပြောကြခြင်းဖြင့်အတန်း၏ ပထမဆုံးတစ်ချိန်ကိုကုန်ဆုံးခဲ့ကြသည်။
အဖြူအပြာကျောင်းဝတ်စုံလေးကိုချစ်စရာကောင်းစွာဝတ်ဆင်ထားတဲ့ပြည့်လုံးလုံးကောင်မလေးက သူမ၏ဘေးနားရှိကျန်မိန်းကလေး၂ယောက်ကိုစကားအရင်စပြောလိုက်သည်။
"ငါက ကလျာ"
သူမစကားစလိုက်တော့ကျန်၂ယောက်ကလည်းသိပ်ပြီးစိမ်းသက်မနေတော့ပဲဖော်ဖော်ရွေရွေနဲ့ပြန်မိတ်ဆက်လာခဲ့ကြသည်။
"ငါက သော်တာ"
"ငါက ဒါဒါ"
သော်တာဆိုတဲ့ကောင်မလေးကအသားညိုပေမယ့်ဆွဲဆောင်မှုရှိတဲ့အလှတရားကိုပိုင်ဆိုင်ထားကာ ဒါဒါကမူအသားလတ်ကာကြော့ရှင်းရည်မွန်သောအလှတရားကိုပိုင်ဆိုင်ပေသည်။ကလျာလေးကတော့ နှင်းဘောလုံးလေးသဖွယ်ဖြူဖြူလုံးလုံးလေးဖြစ်ပြီး သူမရယ်လိုက်ရင်လည်းကြက်ဥလေးတွေကဲ့သို့ဖောင်းတက်သွားတတ်သည့်ပါးမို့လေး၂ဖက်နဲ့သိပ်ကိုချစ်စရာကောင်းလှပေ၏။
သည်လိုနဲ့အလယ် Rollပထမဆုံးအတန်းကကိုယ်စီအလှတရားတို့ပိုင်ဆိုင်ထားသည့် First yearကောင်မလေးသုံးယောက်ကသူငယ်ချင်းတစ်ဖွဲ့ဖြစ်သွားကြလေသည်။
မနက်ပိုင်းသုံးချိန်ထဲက၂ချိန်မှာ Englishနဲ့ Engineering Mathematicsဖြစ်ပြီးထိုဆရာ၂ယောက်ကတော့ ကလေးတွေကိုနားချိန်မပေးဘဲစာစသင်လေသည်။
နည်းပညာကျောင်းရဲ့Englishဆရာတွေဟာ IELTSကိုအဓိကထားသင်ကြားကြကာ ပထမဆုံးဖတ်ခိုင်းတဲ့Jumping Spiderအကြောင်းကိုဖတ်ရတာနဲ့တင်
အလုပ်မပေးတာကြာပြီဖြစ်တဲ့ ကျောင်းသားတွေရဲ့ခပ်ထုံထုံဦးနှောက်တွေဟာဆိုရင်တစ်ဖန်ပူနွေးလာရတော့သည်။
အတန်းချိန်မှာ၄၅မိနစ်ဖြစ်တာကြောင့် Paragraph ၆ပိုဒ်အနက် ၃ပိုဒ်သာပြီးကာEnglishဆရာထွက်သွားသည်နှင့်တစ်ခန်းလုံးစားပွဲပေါ်မှောက်အိပ်လိုက်ကြပြီး တဟူးဟူးနှင့်သက်ပြင်းချလာကြလေသည်။
YOU ARE READING
HE=MY FIRST LOVE [ကိုယ့်အချစ်ဦး ](Completed)
Romanceသူဆိုတဲ့ကိုယ့်အချစ်ဦးလေးကကမ်းစပ်လေးဆီငြိမ်သက်စွာနဲ့ဝင်ရောက်တိုက်ခတ်လာပြီး အသိမပေးဘဲပြန်လည်ထွက်ခွာသွားတတ်တဲ့ရေလှိုင်းလေးနဲ့ဆင်တူတယ်။ရေလှိုင်းလေးတွေကပင်လယ်ပြင်ကြီးထဲကိုထွက်ခွာသွားပြီးဘယ်လောက်ထိကြာအောင်ကူးခတ်နေရပါစေ တစ်နေ့နေ့တော့ ကိုယ်ဆိုတဲ့ကမ်းစပ်လေးတ...
အခန်း(၁) - အခန်းဖော်ချာတိတ်
Start from the beginning