الحلقه5
(كنت اتمني ان تصدقني لم افكر للحظه انك سوف تقف امامي وتكذب حديثي لأجل هذه التي تدعي بزوجتك)
اخذها مراد في احضانه واردف قائلا: حرام عليكي يا الينا عملت ليكي ايه
صرخت الينا به وقالت: والله كدابه اللي حصل وقصت عليه ما حدث واكملت بعصبيه: عايز تصدق صدق مش عايز تصدق ان شالله عن اهلك ما صدقت كده كده انا مستقيله
مراد: مش بمزاجك تقولي مستقيله ولا لا استقالتك مرفوضه وعلي فكره انا مش مصدقك هي مريم هتتشاكل معاكي من اول ما تيجي ما اكيد انتي اللي بدأتي حمل زوجته وقال لمريم: اسف يا حبيبتي علي اللي حصل اوعدك انه مش هيحصل تاني
مريم لكي تضايق الينا قالت: احم الموظفين واقفين مينفعش كده
مراد بصوت عالي: كل واحد يشوف شغله
رحل كل موظف لكي يكمل عمله
مراد نظر الي الينا وقال: شغلك انتهي تعالي بكره في معادك والا مش هقولك هيحصل ايه
الينا بثقه: اعمل اللي انت عايزه مش هرجع في كلامي وفعلاً صدق اللي قال ديل الكلب عمره ما يتعدل حتي لو فات مليون سنه واخذت اشيائها ورحلت من الشركه بأكملها دون ان تستمع الي رده
دلف مراد الي مكتبه ووضع زوجته علي احد المقاعد وجلس بجوارها شارداً
_____-_-__________
فاق علي صوت زوجته وهي تقول
مريم: مراد حبيبي مالك
مراد بأبتسامه: مفيش انتي تعبانه حاجه واجعاكي اجيبلك دكتور
مريم بأبتسامه حب: لا يا حبيبي مش تعبانه طول ما انت جمبي
مراد: انتي جيتي ليه
مريم: مش عايزني اجي
مراد: مقصدش انتي تنوري في اي وقت بس فيه حاجه حصلت لمالك
مريم: لا مالك كويس مع مامي ومامتك في النادي انا عديت عليك عشان نروح ليهم ونقضي بقيت اليوم في النادي مع بعض
مراد: طب ثواني اجيب تليفوني ومفاتيح العربيه وننزل
مريم: ماشي
ذهب واحضر اشيائه واخذ الجاكت الخاص بيه وقال لمريم: يلا
مريم مسكت ايده وقالت: يلا يا بيبي
وتوجهوا الي سيارتهم وانطلقوا بها الي النادي
____-_-___________
الينا كانت في عربيتها بتعيط
الينا بدموع: كنت متأكده انك هتعمل كده هتقف جمب مراتك وانا لا
جاء اليها اتصال من والدها
مسحت دموعها وقالت بأبتسامه: الو يا بابا
محمد: حبيبتي ايه ده مال صوتك فيكي حاجه
الينا بضحك: حبيبي والله ما فيه حاجه انا كويسه بس دايخه شويه
محمد: الف سلامه عليكي
فاطمه بهمس: قولها تيجي لينا
محمد: بس بقي يا فاطمه بطلي زن
فاطمه: حاضر سكت اهو
الينا بضحك: تقولي علي ايه
محمد: يا بنتي احنا في النادي قولنا نغير جو وبالمره نتغدا بره
الينا: اه طب ربع ساعه وهكون عندكوا
محمد: خلي بالك من نفسك في انتظارك
الينا: حاضر لا اله الا الله
محمد: محمد رسول الله سلام
الينا: سلام
واغلقت الخط وانطلقت الي النادي
______-_-____________
وبعد مرور بعض الوقت
وصل مراد وزوجته مريم الي النادي
مراد بضحك: بس بقي تعبت استني اركن وننزل
مريم بضحك: حاضر بس بردو مش هبطل رخامه
قام مراد بركن سيارته ونزل منها هو وزوجته
مراد كان بيضحك اوووي هو ومريم
_____-_-_______
الينا كانت تتحدث في هاتفها وكانت تبحث عن شئ في حقيبتها
الينا: بابا انت فين وانا جايه ليكوا
محمد: احنا قاعدين ناحيه البسين تعالي
الينا: يوووووه راح فين تمام جايه
محمد: تمام منتظرينك
الينا:تمام جايه واغلقت مع والدها
ليوفقها عن السير حسام الذي كان ممسك في يده بوكيه من الورد
حسام بضحك: بصراحه مش قادر علي فراق القمر
الينا ضحكت رغم عنها وقالت: محدش بيقدر يزعل منك
حسام بضحك: انتي عارفه اني دفعت تحويشه عمري في البوكيه ده
الينا بضحك: اه صح انت هتقولي ما انت بخيل
حسام بغضب مصتنع: انا ايه سمعيني
الينا بضحك: بقول انت ابو الكرم كله
حسام مسك ايديها وقال: اه بحسب يلا تعالي نروح للحج والحجه
الينا اخذت منه البوكيه وقالت: طب هات ده بتاعي
حسام بضحك: لا ده انا كنت مأجره من الراجل ساعتين وهرجعه
الينا ضحكت بشده وقالت: كويس ان الراجل وافق يأجره ليك
حسام بثقه: يا بنتي هو انا اي حد بردو
مسكته الينا من خده وقالت: يا خلاثي لا طبعاً مش اي حد
حسام بضحك: هو انا ابن اختك
الينا بضحك: خلاص يلا نروح ليهم وكانوا يسيرون وهم يتحدثون وصوت ضحكاتهم عاليه __________-_-_____________
كان ينظر مراد امامه ليجد حسام والينا يضحكون ليتضايق كثيراً
مريم: بيبي فيه حاجه
مراد: لا مفيش اقعدي
مريم رحبت بالجالسين
مريم:متأكد ان مفيش،حاجه
مراد بعصبيه: يوووووووووووه يا مريم قولت مفيش
مريم: خلاص متتعصبش
مالك: هيييييييييه بابي جيه
وجري مالك علي والده ليسلم عليه
مراد اجلسه علي قدمه وقال: لوكه عامل ايه يا حبيب بابا
مالك: كويث يا بابي
مراد قبله من خده:وقال تمام تحب نلعب كوره مع بعض
مالك: اه يلا
مريم امسكت يد مراد وقالت: حبيبي هتسبني ورايح فين
مراد: هلعب مع ابني
مريم بضيق: العب
ذهب مراد ومالك ليلعبوا
______-_-___________
الينا كانت متابعه اللي حصل كله وهي مضايقه
الينا رحبت بأصدقاء والديها ورحبت بعد ذلك بوالديها
جلست الينا وحسام بجانب بعض واحس حسام انه يوجد خطب ما
فيروز:وانتي يا بنتي بتشتغلي ايه
الينا بأبتسامه: بشتغل سكرتيره في شركه............
فيروز:مشاء الله وبعد الجواز مستعده تسيبي الشغل
الينا رفعت احد حاجبيها واردفت قائله:مين قال لحضرتك اني هتجوز دلوقتي لسه شويه علي الموضوع ده
ثم نظرت الينا الي والدتها بضيق نعم فأن هذه ليس المره الاولي التي تفعلها والده الين حتي تبحث لها عن عريس انها تعلم جيداً في ماذا تفكر والدتها
شردت الينا قليلاً بذكريتها
Flash Back
كانت الينا ممسكه في يديها فستان زفافها وتقف امام مرأه كبيره ويقف خلفها مراد وهو ينظر اليها بكل حب
الينا: ايه رايك في الDress
اقترب منها مراد ليقف خلفها مباشرةً واردف قائلاً: جميل يا عيوني زيك
ابتسمت الينا في خجل وقالت بفرحه: انا مبسوطه ان علي فرحنا اسبوع
مراد بضحك: ده اللي مش مصدق نفسي اساساً انك هتكوني في بعد اسبوع
خجلت الينا من كلماته واردفت قائله: حبيبي بجد بحبك
قاطع حديثهم صوت هاتف مراد وهو يرن نظر اليه مراد ليجذ رقم مجهول ليقول: هروح ادفع لغايط ما تشوفي بقيت الحاجه
الينا بأبتسامه:ماشي
ذهب مراد بعيداً ليرد ويقول: الو مين
الشخص:...........
مراد: عايز ايه
الشخص:................
مراد: انت بتقول ايه
الشخص:..............
مراد بعصبيه: انت بتكدب اكيد الينا لا يمكن تعمل كده
الشخص:........... واغلق الخط بدون ان يسمع رد مراد
كان مراد منفعل للغايه
جاءت الينا من خلفه وارفت قائله وهي تضع يديها علي كتفه: بيبي خلصت ايه ده مالك يا مراد
مراد وهو يجز علي اسنانه ويحاول ان يمسك اعصابه: لا مفيش يلا
الينا بأستغراب: يلا
Back
فاقت الينا علي صوت مالك وهو يقول
مالك: انطي الكلوره نزلت تحت التلربيزه
( الكوره نزلت تحت الترابيزه)
الينا ابتسمت وقالت: اتفضل يا حبيبي
مالك: ثكراً
الينا داعب شعره الناعم بيديها: العفو
ذهب مالك الي والده مراد
كان مراد يتابع الحديث وهو مبتسم سعيد للغايه يتمني ان يكون مالك ابنه وابنها
مالك: بابي يلا نلعب
مراد فاق من شروده وقال: يلا يا حبيبي
وظلوا يلعبوا ويمرحوا ويضحكون حتي حدث شئ لم يكن علي بال اي احد.......... ............... .
يتبع..........
