Lost Soul

Part 13

كيوهيون: مش قولتلك ما تقولهاش

شيون:دونغهى الى جابها
(طلع دونغهى من وراه)

دونغهى:مش انا هى الى كلمتنى

(ضربته سول على كتفه تانى)

سول: قلقت حسيت ان فيك حاجه وصاحيه بدور عليك وعايزة يكدب كمان
كيوهيون:احم
شيون:دكتور كيم شويه وجاى
كيوهيون:لا انا هقوم اغير وامشى
سول:هنتستنى لما ييجى ونشوف هيقول ايه وبعدها نقرر
كيوهيون:لا
سول:لا ايه
(دخل دكتور كيم)

دكتور كيم:طب طالما فى حد هنا يقدر يسيطر على قرارته شويه

(بصله كيوهيون باستنكار ورفع حاجبه..تجاهله كيم تماما وبص لسول)

دكتور كيم: لازم يبات النهارده ويقعد يومين هنا نعمله كل الفحوصات والاشعه والتحاليل الى بقاله فتره مأجلها

(بصتله سول بصدمه)

سول:وانت كنت ناوى تروح

(بصتله سول بغضب)

كيوهيون:هفهمك انا كويس والله

( قام من على السرير واتنطط مرتين قدامها)

سول:اقعد على سريرك

(كان شيون واقف متابع الموقف وتقريبا فى حشرات دخلت فى بوقه ماكنش مستوعب ان الى قدامه هو تشو كيوهيون الى عارفه ودونغهى اعتبر ان ده حلم مش هيفكر كتير)

سول:مفيش خروج من المستشفى تشو كيوهيون(قربت منه وهمست) او مش هخليك تقرب منى لمده شهرين وصدقنى كل حاجه بتحبها هلبسها

(بعدت عنه وبصتله بعناد ..بربش ثوانى وهو بيبصلها حمحم والتفت لشيون وزعق)

كيوهيون:لا طبعا مش هروح الشغل انا هقعد هنا فى المستشفى انت اتجننت يا شيون

شيون:انا

(بصتله سول باستحقار)

سول:مش المفروض ترتاح

كيوهيون:انا قولت كدة

(خبط دونغهى على كتفه)

كيوهيون:انا قولتلك اصلا اعتمد على نفسك

(بص دونغهى لسول)

دونغهى:وربنا ما فتحت بوقى

سول:انا واثقه انك ما قولتش حاجه

(مدد كيوهيون على السرير واستغطى)
كيوهيون:انا هقعد هنا لغايه ما اتطمن على نفسى وهاخد اجازه

سول:مش هيتحرك من هنا لغايه ما يعمل كل الى انت قولت عليه ويرتاح

كيوهيون:بس لو اخدتى بكلامه صدقينى مش هيخرجنى غير بعد اسبوع

سول:حتى لو شهر تشو كيوهيون انت هتسمع الكلام لاول مره فى حياتك

دكتور كيم:طيب عرفت مين الى انتصر فى الاخر