#قصة شهيد 🕊️🇮🇶
#حورحيدر
دورة حياتي...
قائد استشهد ...قائد استشهد
اجاني صوت محمد من الساتر اتخبلت ما صدكت ...
صحت بعلوو صوتي ...لاا ربي الاا قائد بعده مفارح بعرسه...
اذكرت شلون البارحه ضحكته ماليه وجهه من اجاني يصيح بفرح ويگمز جيت عليه وحضني بلهفه ...
علي وافقت ... وافقت نور واخيراا راح تصير اليه
اووف ربي شكد تعبت يله حصلتهاا... ختم كلامه بغصه
واني اعرف سببها واعرف شگد عانى بسبب حبيبته...
اباوع لعيونه الفرحه ماليتها وتلمع بدموع العشگ حضنته بقوه ...مبروك ابو اسد ،وتعبك مراح بلاش
صوت الطلق صحاني ...كمت اركض بدون وعي بين الطلقات ما همتني كل شي بكد ما ارد اوصله الموت صار النه مثل شربه الماي ...
ما فكرت بروحي بيني وبين الموت ممكن تكون ثواني ...
واحس دموعي كامت تصب ...
بكل خطوه اخطيهاا وكل دمعه تنزل ...يمر وياي شريط ذكرياتناا
قائد صديق عمري ...السواه وياي اخويه ابن امي ما سواه ...
شفت الكل اتراجع اجت عيني بعين موسى
الي ياشر للجنود يتراجعون ...لان العدو اتقدم واستولى على المقر
وراياتهم السود ترفرف... واصوااتهم تعلو بذكر
الله اكبر... الله اكبر
سقطت دولة الروافض
اتقدمت صاح عليه وهو فاتح عيونه متفاجئ و ياشر بايده بمعنى ارجع...
علي وين رايح شبيك اتخبلت اتراجع متشوف الرمي...
Flash back...
المريضه حالتهاا كلش خطره...ولازم ندخلهاا للعمليه منا لليل لو تفقد حياتهاا ...
نزل الكلام عليه مثل السهام تخترق كلبي ...
كمت بسرعه من الكاع واني صارلي ساعتين انتظر كاعد مقابيل غرفه العمليات منتظر احد يطمني على امي باوعت للدكتور الي يحجي وياي ويباوعلي بتكبر بدون مشاعر ولا كانو كاعد يحجي ويه بشر مثله ويقرر بحياه انسانه ...
كتله بسرعه واني اريد بس امل ترجع الي امي الي ما باقيله بالدنيا غيرهاا ...
دكتور فدوه دخلوهاا شمنتظرين...سوولهاا العمليه
باوعلي وكال بجمود وهو يريد يمشي ...
المستشفى متكدر تتحمل تكاليف العمليه ...
كتله واني الزم ايده برجاء...
دكتور فدوه سوو الهاا العمليه وشكد تكلف والله اني ادفعه الكم ...
بس سوولها العمليه...
سحب ايده بسرعه وباوعلي وكال بجديه ...
روح جيب خمس ملايين ،سلمهاا للمستشفى ندخل المريضه للعمليه ...
ما دفعت ...مضطرين نخرجهاا من المستشفى باجر لان احنه هنا مفاتحيهاا صدقه ...
