تزوجني ولكن

حلقة الثامنة

#تزوجني_ولكن
الحلقة ( 8 )
قصة من وحي الخيال 🙂

.
.
.
.
.
.

روحت وقفت قدام حوش نورس وقلت عندي كلام نقوله لها

طقيت الباب وفتحت نورس

مهند^ نورس
نورس^ بسررعة بالله بابا يشوفني يقتلني ومش ناقصتك
مهند^ اني سيبتها ع خاطرك ليش بهه ليش
نورس ^ ع اي اساس سيبتها انتا
مهند^ كيف ع اي اساس مش ع خاطرك
نورس^ به يا سيدي سيبتها وانا وين نعيش حتا حوشك الفخم خداه منك باتك
مهند^ تي كيف مش تعيشي معاي ع الحلو والمرر ؟
نورس^ انتا ظلمت لينا تظلمني حتا ناا وسكرت عليه الباب

مهند في دواامة من الي صارله بكل بكل

____________

عند لينااا
طبعاا مشي مهند بابا قاله لا لينا ما تبيكش ولا تفكر فيك نهائي هدرزت معا بنات خالتي وايمن السامط
ونوضت ثاني يوم بالف تقنيعةة قررت نمشي الكلية 😁

نوضت لبست بلوزة كحلة وسروال ازرق وسبيدرو ابيض ووشاح ابيض وطلعت

بابا^ تعرفي يا بنت ع مشكلة مهند مقولتي لي واني نسامحك لانها مرة الاولي بس الثانية حي عليك مني حي
اني^ اسفةة بابا اخر مرة وعد
بابا^ نسامحك بشرط تنادي ع الولد الي دافع عليك نبيه في كلمتين
اني^ بس يا بايا ...
بابا^ حتا كلمة هاده شرطي يا ترقدي جنب اختك نور ف الحوش تم الكلام ( وكان راقيله)
اني^ حاضر تمام

خشيت الكلية وبابا يستنا براا
دورت زي الهبلة لقيت يوسف واقف فاتح فونه وواقف جنبه ولد

اني^ من بعيد ( يوسف
يوسف^ شن تبي ومثكتريش معاي دوة
اني^ استغفر الله العظيم بابا يبيك برا
يوسف^ بتخطبيني ولا شن
اني^ اطلع من غير برادة
واني طايحة في الباردين كلهم
طلع يوسف و بابا قالي امشي محاضرتك

تعرفو ضربني الفضوول يا بنت قتلني الفضول

خشيت محاضرة وهوا مجاش
خفت لو بابا ضربه او العكس 😣

كملت المحاضرة تقول افرجو عليا من السجن
طلعت لقيته ف الكافي

اني^ احم
يوسف^ شكارة فحم ^ شن تبي
اني^ 😑 بارد راه نبي حاجة وحدة ونمشي بابا شن قالك
يوسف^ انتي شن تكوني مش نقولك
ونااض

انا قعدت واقفة ومصدومة متوقعتش يردها لياا

(( للناس الي نست ان يوسف اتصل ب لينا وقالت له انتا من تكون مش نقولك ))

كملت محاضراتي واني طالعة من محاضرة اخيرة شفت نورس معا ولد 🤐
قعدت نشوف من بعيد ركبت معاه سيارته ومشوو
اني حي زعما يكون قريب من العيلة واني نعرفش
طلعت لقيت بابا برا

ركبت السيارة ومشينا ف طريق

اني^ بابا
بابا^ نعم
اني^ شن قلت لي يوسف
بابا^ مش كل شئ ينعرف
اني^ 😐 لا نبي نعرف
بابا^ اص مش لازم تعرفي
اني^ به سكتت خلاص