تزوجني ولكن

حلقة الثالثة

#تزوجني_ولكن
الحلقة (3 )
قصة من وحي الخيال ☹☻

لقيت مهند معا بنت ف الجنان قلبي غص والله ☹😭
واني نراقب بصمت
طبعا هما ع اساس جاين تحت الروشن ميبانوش جتني فكرة والله جهنمية 🙂
خشيت الحمام ( حشاكم )
خديت قردل ( سطل ) قعدت نعبي فيه مياه ونقول ان شاء الله يقعدو ان شاء الله يقعدو ف مكانهم
خديته فتحت الروشن شافو فوق الزوز وهبب عليهم الزوز
ونسمع فيها تعيط هيااا
مياه مصقعة 😍 يا حليلي اني 😂
مهند^ يا لينا نهارك احرف
اني هربت نجري سكرت الباب بتاع داري ونضحك والله جنابي تمزقوو 😭😂 ونفس الوقت وجعني حالي متزوجة راجل بيرشيني ب الفلوس مش يتمعشق ع راحته اوووف
مهند قربع الباب لان نخلعت
مهند^ لينااا ويخبط ع باب الدار
مهند^ افتحي النم تتسهوكي ولا افتحي الباب ويقربع فيه تقربيع الباب
مهند^ شن معاش بتطلعي توا تطلعي ونتحاسب معااك اني افتحي قتلك خير ما نكسره راه
اني^ كان تبي تتمعشق تمعشق بعيد مش ف جنان حوشي
مهند^ نتمعشق شن يا هبلة بنت عمي هااده يا مريضة

اني زدت قعدت نضحك ع الموقف وحسيت روحي غبية 🙂🙃😹
مهند^.افتحي قتلك
اني^ جاية اسكت بس فتحت الباب
شفته كيف مبلول وشعره مبلول يقطر والله يا بنات متت ضحك اني نضحك وهوا يشوفلي وراقيله هلباا
مهند^ شن الي يضحك ترا
اني^ هههه ش ههههه شكل هههههههههههه شكلك
مهند^ به انتي بديريها هكي تمام شوفي شن بنديرلك حتا نااا
اني^ وريني عرض كتافك فالح غير تهدرز معا البنات يا بنوتة
مهند^ تعرفي بوي مربيني اني منضربش بنت طول عمري ربي يسامحك يا بوي وخلاص راه كان هااده عطيتك طريحة من اول يوم
اني^ اصلا متقدرش وسكرت ف وجهه الباب 😹🙌
مهند^ جيبك يا طول البال
اني درت شعري ولبست حوايجي ودرت مكياج خفيف وحطيت عطر وطلعت
مهند^ وين
اني^عند امك
مهند^ متعطليش
اني^.ان شاء الله
وطلعت وخديت الايفون نتجكتر بيه وحاطة ف راسي البنت الي هوا كان معاها ف جنان مستريحتش ليهم بكللل بكلل
طقيت الباب فتحتلي امه فوزية
فوزية^ اهلين اهلين كيف حالك شن اخبارك
تقول عشرة ثلاتين سنة مش يومين ليا 😹
اني^ الحمد الله بخير كيف حالك انتي عمتي
فوزية^ هههه عمتي شن قوليلي فوزية اني كيف امك الحمد الله خشي خشي تعرفي ع البناويت داخل
اني خشيت وخشت معاي فوزية وخشينا دار فيها بناويت العيلة
اني ف خطري كم بنربي وحدة الهم الاحرف 😂😹
فوزية يا بنات هادي لينا رد بالكم عليها كيف اختكم
وحدة ناضت
اهلين اني فاطمة
اني اهلين كيف حالك
فاطمة ^ الحمد الله خشي قعمزي
فاطمة هاادي مروة وهاادي فيروز وهاادي نورس اسمها زي اسم امي ☹ ونفسها الي كانت معا مهند 😭☻
وهادي ساره
سلمت عليهم كلهم وقعمزت قعدنا نهدرزو ونورس تشوفلي بحقد ياا ناااس جااني شعوور قاتل اتجاها
قلت والله لما نقهرها
اني^ فاطمة تعرفي اديري  سوق الايفون
فاطمة^ جديد التلفون ؟ ايه نعرف نديره
اني^ هههه جابهولي هدية مهند ❤😹
هيا تشوفلي وجهه ولا احمر وطلعت من الدار لحقتها فيروز 😹😻
فاطمة^ هاتي نديره لك اووو 8plus شوفو مهند شن يطلع منه 😹
سااره ^ سبحان الله مغير الاحوال تعرفي مهند ياابس راه كيف وجعوه فلوسه خدالك ايفون
اني^ هههه ياابس كان صار بننزل عليه ف طلبات بعد هاادي
ساره^ هههه انزلي وجيبيلي
اني^ ايه خلاص يشريلي ايفون ثاني نجيبهولك ميغلاش عليك
ساره^ حبيبتي والله
تعرفو سااره خشت خاطري ونورس عندي نية نوض نعطيها طريحة تستفز فيا بحركاتها ☹😭
( الناس الي اسمها نورس راه انتو عسل بس متزعلوش مجرد شخصية ف رواية لا اكثر 😹)
نضت تغديناا
وهدرزت معاهم للمغرب ونورس اختفت ع الانظار واني طالعة شفت فيروز خدت فونها ومشت تجري
شكيت اني نورس تكون ف الحوش
مشيت نجري
نفتح الباب بروحه
وطلعت هيا 😭
اني خلاص العصاب وقلة التربية طلعت وكنت شادة شنطة بتاع وهب ضربته بيها ع راسها وطحت فيها بالشنطة 😹😹 وهيا يا مهبولة راه نحنا ف الشارع
مهند^ تي غير شن اديري وخدي الشنطة
اني^ بنقتلك مزال شن ديري معا راجلي هااا توا نوريك
مهند^ خشي داخل وسكري فمك امشي يا نورس امشي
نورس ^ اني توا نوريك
مهند^ خشي يا مهبولة خشي
اني ^ حول ايدك من عليا
مهند^ غير خشي
اني قعمزت وقعدت نبكي
مهند^ اييه علينا توا عاااد
اني^ امشي من عليا شن ذنبي اني شن ذنبي 😭💔
مهند^ بنت عمي هادي راه
اني^ تحسابني غبية 😭
مهند^ غبية ونص بنت عمي هادي قتلك نوضي اغسلي وجهك معااش تبكي خلاص
اني قمت راسي وجهي كله دمووع
اني^ علمني السواقة غدوا يا نمشي حوش بوي 😹💔
مهند^ ياااارب شن درت تحتك بسس مش كنتي تبكي توا تبي تتعلمي السواقة
اني^ هادي شرطي يا حطني عند امي غدوا
مهند^ حااضر يا لينا اي اؤامر ثانية ؟
اني^ ايه اقلب وجك نبيش نشوفك
مهند^ حاضر وخش وقربع باب داره
اكتشفت ف مهند
انه طيب ميبيش يكسرني اكثر مستحملني واجد حسيته كان راجل ثاني راه مرقدني ف مستشفي 😹
نضت خشيت مطبخ قعدت ناكل وصليت المغرب
طلع لابس سروال اسود وتيشرت اسود وفوقه توب (تجاكه) سودة ولابس سبيدرو اسود كله اسود وعطر بتاعه غم بيه الحوش
اني^ خيرك مسودهاا كلها
مهند^ معندكش حتا ذوق الاسود سيد الالوان وغمزلي وطلع
اني^ لا الاصفر سيد الالوان معنداش ذوق
وفتحت فوني وقعدت نقراء في روايات محمد مالك 😂  ( شن رايكم فيها هادي )
ساعة 12 ف الليل وقاعد مجاش
طلعت الجنان قلت نشم هواء شوية
ندور ف جنان طبعا حوش عمهم لاصق فينا الحيط ف الحيط
اني قلت نركب فوق السطح بتاع حوشي ونشوف جنانهم
ركبت فوق السطح نشوف لقيت دار نورس مقابلة نشوف فيها فاتحة الاب توب ومقعمزة
اني ناقصني نراقبها التافهة هاادي
(تعرفو خائفة نقول عليها تافهة التفاها تزعل)
     ( مش حلوة ولا خلاص معاش نعادوها 😂)

نزلت خشيت داري لقيت طلب صداقة من فاطمة 😻 خشت خاطري البنوتة قبلتها وقعدت تراسل فيا
فقدت امل انه يروح رقدت وخلاص كان عقلي معاه
نضت الصبح يطق عليا
مهند^ لينا يا لينا نوضي هيا
اني^ امتا جيت وامتا رقدت وامتا نضت يا مش طبيعي 😹
مهند^ صباح الخير
اني^ صباح الزفت ع وجك
مهند^ لا حول ولا قوة الا بالله هيا وتي روحك بتتعلمي سواقة ولا
اني^ ايه يا حطني عند امي
مهند^ وتي روحك بنعلمك هي
اني^ خمسة بس ونكون جاهزة
تعرفو والله متحمسةة 😻😻
طلعت معاه
اني^ شريتلي سيارة ؟
مهند^ تعلمي قبل كل شئ بعدين توا نشريلك
اني^ بتعلمني في bmw 😻 يا بنات bmw 540 مقتلة السيارة ☹😂
مهند^ اركبي هياا
ومشي بيا مكان فااضي
مهند^ انزلي نبدلو الامكان هي
اني^ هي
نزلنا وركبت
مهند^ شوفي هادي  d  تقدم القدام تمام
اني ^ تمام
مهند^ p  توقف السيارة تمام
اني^ تمام
مهند ^ و R توخر تمام
اني^ تمام غير هيا
مهند^ هي قدمي
درت ع  R ونرص بقوة السيارة توخر بقووة 😹
مهند: رصي فررين
رصيت السيارة وقفت بقوة وهوا ضرب راسه ف مرش
مهند^ مش قتلك d  تقدم ورصي بشوية يا حماره
اني^ ميتة ضحك 😹😹😺
مهند^ هي d بشوية رصي
اني حطيت d وقعدت نرص بشوية بشوية تقدم السيارة
اني^ حلوة تصدق السواقة
مهند^ هههه مهبولة
مهم خديت ع جو نوقف فجاة مرات 😂😂 لكن عادي
مهند^ روحي بينا بسرعة ما تتعلمي
ماشين ف طريق واني نسوق ونرعش 😂
خطمت من جنب سيارتنا سيارة فيها  خرفان ومعيز هلبااا 😺
مهند^ يقربولك هادو 😺😹
اني^ ايه امالي(اهل) راجلي 😹
مهند^ ماشاء الله الرد علي راس لسانك
( طبعاا احني ف الصيف توا وعندي نية ف بحر وااجد*
اني^ اسمع هنو نبي نمشي بحررر
مهند^ به قولي لي امي مش نمشو كلنا ليه
اني^ به تم حنقولها
وروحت بيه الحوش يا حليلي السواقة حلووة 😻 يا بنات
مهند^ اسمعي نبي ناكل
اني^ توا نطيب حاجة
مهند^ به واني بنمشي
مهند مشي اني خشيت حطيت مكرونة ع نار وصليت وطفيت عليها النار ومشيت لحوش امه فوزية
طقيت فتحت
وقلت لفوزية ع البحر
قتلي تمام يوم الثلاثاء نمشو الي هوا بعد غدوا
اني^ تمام 😻 يا حليلي اني
بعد يومين مفيش احداث هلبا
نضت ساعة 7 جهزت بضاعتي وبضاعة مهند
لكن هاده كله وعندي غصة ف قلبي اني مهند يحب غيري ومتقبلة ع خاطر حريتي
مهم
مشنينا البحر كلنا عائلة عمه وامه وبوه وخالته وهلباااا عدد هلبا اني نصدمت
نعرفكم ع العيلة شوية
نورس
وفيروز هما خوات بنات عمه لطفي
وفاطمة وساره خوات بنات خالته احلام
وعندهم خوهم كبير مش متجوز اسمه محمود
وخوات مهند
عنده خوه الكبير يونس
واخته مروة
هادو الي مشو معانا تمام
وصلنا نزلنا البضاعة وكل شئ😻❤
وخدينا طاولة
خشيت قعدت نعوم اني وفطو وساره
ونورس تشوفلي بكل حقد
فطو^ متعاركين انتي ونونو
اني^ من نونو ؟
فاطمة^ نورس
اني^ لا محبيتهاش بس
ساره^ اصلا دئماء الناس مش هاضمينها
اني^ مهند وين منشوفش فيه
ساره^ مشي يجيب في مشروب ويجي
فاطمة^ نديرو فيه مقلب 😻
اني^😹😹عاادي شن اعطوني فكرة
فاطمة ^ شوفي في بنت مقعمزة نفس لبستك بزبط نسخ لصق 😹😺
اني^ ايه وبه
فاطمة ^ شوفي اني نطلعله اني وساره ونقولوه لينا بتغرق انقذها ولما ينقذها تطلع البنت هادي ف مكانك
وساره^ كيف نقنعوها بااهي
اني^ خلوه عليا وتوزعنا وقنعت البنت 😻 يا حليلي اني
البنت خشت المياه وهوا اني خشيت الميه بعيدة شوية مش واضحة والبنت قعدت تفرفرش
وفاطمة وساره قعدو يقولوله الحق الحق لينا غرقت 😹😹
شفته رمي تلفونه وخش يجري نقز في البحر ....

يتبع
رايكم بالحلقة حلوة او لا وضحكتو او لا ❤☻
للكاتب/ محمد مالك