#مدللتـي
الحـلقـه السـابعـه عشـر 💚
___________________
نـرجـس رمـت تلفونـها لمحسـن. : اهيـا البنـت الي حبيتـها كـانـت عشيـقه خـوك اهمـا صـورهـم مـع،بعـض هي مـلت مـن خـوك خـداتـك انـت
_________
اعـلنـو على الطيــاره صبينـا و اتجهنـا لبـوابـه. ، لا تلقـائيا جـاء قـدامـي محسـن عيـونــا حمـــر 💔
نـا بحتت فيه و انصـدمـت مـش متـوقعـة جيتـه بكـل حسيـت بشـوق و حنـيـن لـه و كنـت متمنيـة ياخدنـي ف حضنـه و يحاوطنـي بين ايديـه و نشم ريـحـتـه لانـي مـرايـفـه عليـه مــوت ، ليـا اسبـوع ماشفتش ولا حتـى سمعـت صوتـه !
بس نظـرة عيونـا اللـي تقـدح نـار زادت حرقتنـي اكثر مما نا محروقـة منـه 💔
((( دَعْـنـي أُجَــادِل قَــلْبِـي فِـيــكْ .. فَـمَـا يَــقُـولَـه عَـقْــلِــي عَـنْــكَ بَــاطِــلْ )))
محسـن قـرب مـنـي و يتكلـم بعصبيـة : كنتي على علاقة حب مع خويا جابر قبل مانتزوجك ؟
انـي سكتـت ، جسمـي سقـع و حسيـت كـإن حـد كـب عليـا اميـه مثلجـة
محسـن علّا صوته : تكلمـيييي !!!
الناس استغربوا و تمو ايبحتوا فينا
مهيب متفاجأ : كنك انت كيف الهبل جاي و اتعيط قدام الناس ؟؟
محسن يشوفلي و يفنص فيا يرجا في ردي او انبـررلا كـان ايتمنـى انقـولا لا
محسن : تكلمي احسنلك يا أميرة يا اما والله الا ما ندير العار هنا ؟
انى مازلت نبحت فيه و ساكتة من الصدمة حسيت بقلبي يرجف و معادش فيا حيل نصبي اول مرة نخاف منه هكي ، اول مرة نشوفه متغلل واجد وجهه احمر و عروق رقبته باينات بس رفعـت راسـي فـوق مانبيـش نبيّـنلـه خوفــي
اني : ايـه صـح
مهيـب مصبـي يبحـت فيـا و مصـدوم : شـ .. شنووو !!
محسـن بدا ايعيط : انتي شنو ؟؟ شنو !!! شيطانة !!! استخدمتيني وسيلة باش تنتقمي من خويا ؟؟؟
اني رفعت حاجبي : كيف ما انت استخدمتني وسيلة عشان تنسىٰ ماضيك. !
محسن زاد تعصب مسكني من ايدي و بدا يكر فيا معاه : ماتلعبيش معايا خيرلك نحنا مش في مسلسل مكسيكي
اني نمشي معاه و نتوجع : بالشوية عليا حول ايدك !
محسن يكر فيا : توا ترجعي معايا للحوش و نا تو نعرف كيف نربيك
اني فكيت روحي منه بالغصب : مش على كيفك ترميني امتى ماتبي و تردني امتى ماتبي تحسابني لعبة عندك ؟؟؟ اني معاش نبيك و ياريت ورقة طلاقي توصلني في اقرب وقت و تكون قبل يوم فاتحتك من حبيبة قلبك
محسن : طلاق مش حانطلقك
اني : حاتطلقني غصباً عنك حتى لو مش راضي حانرفع فيك قضية خلع و نكسبها لاني مستحيل نرضىٰ تجي عليا ضرة
محسن سكت و قعد يبحت فيا
و اني بحتت في خويا مهيب لقيته واقف بعيد و يبحت فينا ماباش يقرب او يتدخل بيننا
محسن : بحتي فيا هنا
نا بحتت فيه
محسن : زي ما انتي استخدمتيني وسيلة في انتقامك من خويا حتسمحيلي نتزوج
اني حاسة بقلبي ينبض بقوة و معادش فيا حيل نصبي
بديت نتكلم و ايديا يرجفو : ليش ماتحاسب خوك اللي هو استخدمني وسيلة عشان يوصل في اختي و يتزوجها ؟؟ ليش كلكم تحطوا في اللوم و الحق عليا نا !!!
محسن : و ليش انتي ماتحطي نفسك مكاني ؟؟؟
اني بديت نتنفس بصعوبة : مافش حد حاسس بيا ولا عارف باللي نمر بيه .. انضحك عليا و انخدعت في شخص كانت نيته انه يوصل في اختي .. قاومت قدام إكرام اللي نشوف في الفرحة بين عيونها اللي مفروض تكون فرحتي نا ؛ قاومت عشان مانكسرلهاش خاطرها و كابرت مع روحي اني مانطيحش عشان واحد نذل زي جابر و جتني الفرصة اني انخطبت و انفتحت صفحة جديدة في حياتي عشان نحب و ننحب بس فرحتي ماتمت 💔 من ليلة عرسي راجلي مسيبني و ماشي يطبطب على كتف حبه القديم بدال مايكون معايا في ليلة عمري و يسعدني خلاني اتعس عروسة في الدنيا و عشان تزيد تكمل عليا اخرى حيتزوجها و انا مازلت ماربعنت معاه
محسن يسمع فيا و مصدوم من كلامي
كيف بيرد عليا نا شايرتله بيدي بمعنى اسكت
اني : خلاص عاد سيبتها لك واسعة و خليتك مع من تحب راجيت منك شي حلو بس شي واحد !! لكن يا خسارة راجيتك ع الفاضي لين ذبل انتظاري
حطيت ايدي على قلبي و نزلت راسي معاش قدرت نكمل كلامي
جاء محسن قدامي و رفع راسي بيده مقابله : لكن هضا كله مايمنعش انك تكوني صريحة معاي من الاول ؛ المفروض حكيتيلي كل شي بصراحة و ماخليتيش علاقتنا تنبنى على الكذب
اني ساكتة و مش قادرة نتكلم
محسن : شيلي فكرة الطلاق من بالك توا و عطيني وقت انفكر
نا رديت عليا داهشة : تفكر لشنو ؟
محسن : نفكر لحل ايريحنا نحنا الاثنين
اني : خلاص ماعاد نبي منك شي
سقمت وشاحي و مشيت لمهيب نكر في رجليا كران : هيا تأخرنا ع الطيارة
مهيب حاط ايده ف جيوبه : الطيارة طارت من بدري
اني بحتت في الساعة لقيتها فات الموعد : هيا نروحوا
مشيت نا و مهيب و قعد محسن يبحت فينا من بعيد لعند ماطلعنا
________________
بعيد لعند ماطلعنا
________________
