#مدللتـي 💚
الحــلقـه التـانيـه
الليـل
خشيـت الـداري القيـت اكـرام تحكـي فـي زاويــا وشمـس مبتسـمه مـع شـاشـه تلفونـها عرفتـها ابتـسامه لشخـص خـدا قلبـها! خشيـت لسـريري
اكـرام ضحكـت: تي حبيبـي عاد ولله انتحـشم بـه خـلاص نشـوفهـا وانقـولك سلام
شمـس بـرمت عليـها : خيـرك انتـي متـقدريش تحكي بلا صـوت عالي
اكـرام: اسكتـي انتـي اميـره بيحكـي معـاك جـابر علي خـوه
انـي رفعتـلها حـاجبـي: مـن ويـن لـوين نحكـي معـاه! لا وفـي حـاجه شخصيـه
اكـرام: الطـف بيقعـد راجـل اختـك. ! وسلفـك لـو صـار
انـي تغطيـت: انتـي بروحـك قلتـيها لـو صـار ! مفيـش شي اكـيد عنـد تـوا
و طـق علينـاا البـاب وخـش خويـا مهيـب ❤
مهيـب: اميـره انتـي يا فـرخه
انـي: بنـرقد و راس مهيـب خطاني تـوا
مهيـب رفـع مـن عليا الغطـا وبغصـه: حقـا بتتزوجـي حتـى انتـي
انـي ابتـسمت: علاش تسـال مـش تبـي ترتـاح منـي
مهيـب قمعـز جنبـي وحضنـي : مجـرد الفكـره ولله ما تحملتـها انتي غيـر الفـرخات هذينـا
انـي ضحكـت و مسحـت علي ظهـرا: انـت خويـاا وحبيبـي و تـوامي اخـره
اكـرام انفصلـت: تـوا بيشوفو روحـهم عشـان انتـي وياه توام وفي بـطن واحـد
مهيـب عزق عليـها المخـده وضحـك: اكبـر منهـا انا بدقيقـه
شمـس: يحسـب فيـها اخـره محقـرك
مهيـب صبالهـا وخـربلها شعـرها : تو تخـربلك حتـى وجـك يا فـرخه را
اكـرام صبـت وكـان سـريرهـا اول وحـده واني في نص وبعدها شمـس معاها مهيـب
اكـرام: تـرا بحـثو فيـا هنـا سيلفـي لذكــره ❤
مهيـب ضحـك وصبـا. 😜
صورنـا الصـوره هـذي ونحنـا،نضحكـو! سهـرنا مـع بعضنـا وضحكنـا ولعبنـا و رقدنـا او الاصـح هـم رقـدو بـس انـي لا
صبيـت وقفـت قـدام الروشـن وكـانت مطـر سمعـت تلفونـي ايهـز مشيـت خديتـا وكـان هـلبـا مكـالمـات مـن جـابر
رديـت عليـه: ايـوه شـن تـبي
جـابر: تحسـابـي روحـك بتكسـري ظهـري لـو خديتـي خويـا! ولا حنتعصـب لا بعكـس يـا ححـلوه
انـي قاطعتـا: عايـش دور انـك ملـك ولا الامير ويليـوم عشـان انضيـع مستقبـلي عشـانك لا يـا بـابا انـي اتمنـاني انـت وخـوك وسيـد سيـدك !
جـابر: شكـلي جرحتـك جـرح كبيـر اللـي خـلاك اتـوافقـي علي محسـن بـسرعه هـذي
انـي ابتـسمت: اي بصـراحه موافقـه بلكـي يـطلع راجـل مـش فـرخ امفـرخ! وهيـا وجـك " و صكـرت عليـه وتنهـدت
اذكـرت قـبل. سنـه بضبـط حييي اليـوم انـي وجـابر صكـرنا سنـه مـع بعـض! يـوم الي اجتمعنـا بعـدا بسنـه خدينـا خوت بعـضنـا سبحـان الله ع نصيـب "
قـبل سنـه
انـي: معليـش بـس قتـلك الدكتـوره معـش بتـاخد حالات !
جـابر: انقـولك صايرلـي نزيـف وحنكـي انفتـح بيـش تفهمـي انتـي
انـي: احتـرم روحـك! تحسـاب روحـك فـي شـارع راك فـي عيـاده
جـابر: ويـن المـدير كيـف ايحطـو وحـده كيـفك فـي الاستقـبال
انـي: ميـه عيـاده غيـرنا مفتـوحـات ! برالهـم
جـابر قمعـز وحـط كـراع علي كـراع : اوكـي انـراجـي قاعـد
قمعـزت نشـوف فـي بـاقي الاوراق كنـت وقتـها نشتـغل في الاستقـبال في عيـاده
اكـرام خشـت عليـا: اميــره هيـا مهيـب يـراجي فـي سيـاره
انـي فنصـت فيـها: وكـان ايـراجي كيـف بنسيـب شغـلي
اكـرام بخـوف: حـرام متخلينـش انتـاخرو هيـا واكيـد تعبـان هـوا
جـابر: اختـك مسـالمـه وضعيـفه مـش كيفـك
انـي: مـا حـد طلب رايگ راه !
وفعـلا خش لدكتـوره. وطـلع القيتـاا حـاطلي رقمـا فـي شنطتـي!
___________
سمعـت البـاب ايـطق فطنـت لـروحي وكـان الفجـر يـاذن
بـابا: هيـا يـا بنـات نـوضــن !
نـاضن البنـات. و مهيـب ومـاما وصلـى بينـا بـابـا الفجـر ! كـانت هـذي عادتنـا اليـوميـه
قمعـز مهيـب مع بـابا وهـو مـش قادر يفتـح عيونـه
فـي المطبـخ
مـامـا: عـارفه بـاتك ايحـب بعد فجـر نفـطرو حليـب وشاهـي وكعـك وقهـوه بـريوش لا. !
شمـس: يـا ماما مش معقـوله مـن لمـا وعيـت علي دنيـا وعاده هذي فينـا
انـي: بـابا هكـي يحـب فجـر يصلي بينـا و نفطـرو ونـرقـدو
وطلعنـا صفـره وقمعـزنا عليـها كلنــا!
مهيـب يـاخد فـي كعـك ويحـط فيـه في الحـليب. : شمـس جيبيلي كـاشيـك
اكـرام: را لعيـال لصغـار يـاكلو هكـي مش صغيـر انـت
مـاما فنصـت فيهـا: خـوك خـليـه بـراحتـه
بـابا: ولـدهـا وحيـدها عـاد بـس رغمهـا مفيـش كيـف بنـات. عنـدي 💚
___________
تـانـي يـوم المغـرب
بـابا: بـه اميــره مـوافقـه،يعنـي!
مـاما: حكيـت معـاها الصبـح وقالت الراي راي بـابـا
بـابا: به البنـت مواليـد 95 حتـقدر علي مسؤوليـه
مـاما: اهـا تـقدر يا عـلي اكـرام مواليد 94 شـن فـرق بينـهم يعنـي
بـابا : تبـي الحـق انـي اميـره نطمن عليـها عنـدها شخصيـه قويـه. انـي الي بوهـا تجبر فيـا نحتـرمهـا ! خـوفي كـلا فـي اكـرام شخصيتـها مهـزوزه رغـم اكـرام اكبـر
مـامـا: اميـره متخـرجه مـن الطـب! وممـرضه كـانت قـبل سنـه و قـريب تفـتح عيـاده يعنـي عاشـت،وشـافت بـس اكـرام قـرت معهـد حاسوب مش جامعـه هضـا ليـش خاشا فـي روحـها
بـابا: همـا العـرب مـا فيـهم عيـب وخـوت يـاخدو خوات ❤خـلاص تمـام سال عليـه انـي محسـن
مـاما: خـلاص ربـي ايجيـب الي فيـه خيـر
________
شمـس: ووووووووووه عليـا 😨
انـي ضربـتها كـف: صبـي مـن وجـي معنـاها تـرا
شمـس مـاسكـه خـدها و اتنـط: قتـلك ديريلـي فتـله نحسـاب يـدك خفيفـه !
انـي: مـش عاجبـك خطينـي تـرا ايـوهه
مـاما: يـا بنـات اطلعـن نبـي اميـره فـي موضوع
شمـس: يـا ماما عاد 😒حتـي لم جو عـرب لـ اكرام طلعتينـا وتـوا بطلعينـا لا واجـد خلينـي انتعـلم
مـامـا فنـصت فيـها: شمــــس !
شمـس: اوك خـلاص طلعـت !
مـاما: حبيبتـي انتـي مشـاءلله عـليك ،دكتـوره و كـلهم يحكـو عليـك وبشخصيـتك
انـي فهمتـها: بـابـا وافـق يعنـي صح
مـاما: اهـا وافـق قال خوت لخـوات شـن نبـي احسـن من هكي. والحـق نـا هكـي نطـمن عـليكـن اكثـر!
انـي هزيتـلها راسـي وحسيـت روحـي خـلاص معـش فـي هـروب!
مـر يـوميـن ونحنـا انوتـو عشـان مقـابلـه الشرعيـه! كنـت مجـروحـه واجــد بـس انصـبر فـي روحـي وخـلاص! كنـت نبكـي دمـوع حـزن عكـس اختـي دمـوع فـرحـه !
انـي لبسـت سـروال اسـود وسـوريه بيضـاء فيـها،نقـاطي سـود وكـويش ابيـض و مسكـت شعـري فـوق
شمـس تضحـك: مني بيخـش قـبل عـاد
مهيـب واقـف يبـخ فـي برفانـه: المربوعـه مقسـومه حيخشـو مـع بعـض
سمعنـا البـاب ايـطق وسمعـت صـوت جـابر دمعتـي لا تلقائيا نـزلت مسحـتها بـسرعه وحسيـت روحـي سخنـت رسمـي!
خشينـا وجـت عينـي فـي عيـن جـابر عطيتـا بظهـري وخشيـت لجيـهه التانـيه !! بـس لحـظه شميـت ريحـت شـرب انـصدمت معقـوله جـاينـي وهـو شارب مقدرتـش نـرفع راسـي
يتــبع
قصـه حقيقـيه مـع اضـافات بسيـطه منـي. 💔
وصـلوها للـي تقدرو عليـه ولـو تفـاعل قعـد هكـي حنـزل كـل يوم حلقتـين !
