فصليه صغيرونه

البارت الرابع

في مكان اخر ........

همام . باجر الكعده ومتوعدلهم اله دم بدم واله اطيح حضه هالسكط

ابو علي . اسمعو محد يتهور ويكوم يصيح ابنه الغلطان اكثر من ابنهم واني شغله بالي راح تصير والي يعارض اكسر راسه

علي . امرك ياشيخ
همام . ماكو ولله لو دم بدم لو اهد البيت ع روسهم
ابو علي . همام لاتخليني اتجاوز من شوكت تخالف كلمتي ادبسز
همام . هاهيه لكل حادث حديث

اجه يوم الكعده

ريتاج . همام همام اكعد يكول ابوي بسرعه
همام . اي كعدت / هوة اني اصلا مانايم اليل كله ماعاول يصير الصيح /

كعدت سبحت ولبست دشداشه نيلي والغترة لفيتها وسبحه ولبست الساعه والمحبس ونزلت تريكنا وطلعنه منا سيارات ب ٥٠ وحده

وصلنه لاهل السكط هذا

في مكان اخر .........

يارا.. باجر الكعدة والبيت كله متوتر مها اجت من اهلها خلينه امي كاعده خطيه بعد متشوف من عيونها من البجي وضغطها صاعد طبينه للاستقبال كنسته صارت تلمع وفرشتها ومها غسلت التخم وسحبنه التراب من البردات وغسلناهن وبليل علمى تشفت علكناهن وشغلنه بخور ورشينه معطر جو صارت تخبل  والبيت هم طلعت بي كنس ومها تعزل وتغسل يمه هلكنه خو اني احس ظهري انقسم بالنص ومن التعب كبل نمت مها سوت عشى واكعد محد اكل ورجع مثل ماهوة اني كعدت ويه الاذان صليت ودعيت رب العالمين يخلصنه من هالمشكله نزلت لكيت ماما وبابا يصلون ...

يارا . صباح الخير تقبل الله
امها وابوها . صباح الخير من ومنكم صالح الاعمال

نوب رحت للاشتقبال شغلت بهور جديد ورشيت معطر وسديتها وطلعت تريكنا صارت ب ٧ نوب بابا خابر عمامي اجو وضلو يتناقشون وعمامي كلهم كلو وياك لدشداشه الي لابسينهة نبيعهة ونطيك الفلوس المهم صارت ب ٣ ماما كالت اصعدن فوك انتي ومها شويه وتعالن صعدنه من الشباك اباوع للسيارات / لان شباك غرفتي صاير ع الشارع / ماشاءلله اكثر من ٥٠  سيارة

ودخلو لاستقبال احنه استقبالنه كلش جبيرة فلكفتهم لان بابا شيخ