صراع الليوث

13

صراع الليوث
البارت اثالث عشر =طائر بلا تغريد*
فيصل فكرة شلون احجي ويه رائد
ماكو غيره ثامر هو الي يحاجيه شلت المبايل خابرت عل ثامر
الو
هلو فيصل خيرك خو ماكو شي
لا ماكو شي بس رايدك بشغله
اي كول
تكدر تجيني للشركه
اي فد شويه
يلله منتضرك
نص ساعه واجا ثامر
السلام عليكم
وعليكم السلام
ها فيصل خوفتني شكو
لا ماكو شي بس ردتك بشغله
اي كول
شوف انته تعرف بمشكلتي ويه رائد
اي طبعا
زين اريدك تحاجيه
عل شنو
اريدك تعرفلي شنو جان شعوره بتجاه طيبه يعني يحبه لو هيج
والله خويه اني اكول لو تعوف هلسؤال وتروح تخطب البنيه وتخلص لان انته رايدهه وماكو داعي هلعذاب
لا ثامر لازم اعرف حته ادر اتصرف
شتتصرف يعني شراح تسوي اذا طلع يحبه
ما اخطبهه ونساهه
تحجي صدك
اي والله مستحيل اتزوج وحده اخوي حبه
الله كريم اروح اساله وشوف
ها شوف بس اساله بصوره غير مباشره
اي طبعا اعرف
خوش يلله خوي طمني عود
الله وياك

ثامر من صاحني فيصل تصورة صارت مصيبه ثانيه لان احنه هلايام بس المصايب لاحكتنه
من رحت تفاجأت بطلب فيصل احجي ويه رائد صح اني مقرب الرائد بس شلون راح احجي ويا خابرته مارد عليه
رحت للبيت دورة عل رائد ماكو رحت سالت عمتي هم ماتعرف شي عنه بعده رحت الابوي السلام عليكم
وعليكم السلام
اكلك بويه ماتدري رائد وين
ليش بويه رايد شي منه
اي والله بويه رايده بشغله
ما تخابره
ما يجاوب
تعال انته ما يجاوبك مو اني
هاك مبايلي خابره
اخذة المبايل خابرة رائد

رائد بعد الي صار ويه اخوي فيصل حسيت شكد حقير اني يمكن الله راد يعاقبني علي سويته بحياتي هوايه حاجيت بنات وعاكستهن ويمكن حته اذيتهن
حجايت ابوي دك براسي من كلي الله يطلعهه بزوجتك
اي صح الله طلعه بيه بس مو بزوجتي بحبيبت اخوي اني شسويت بروحي كرهت نفسي حته للبيت بعد ما اروح النهار كله افتر وبليل اجي نص الليل والبيت كلهه نايمه انام وطلع الصبح كلش خجلان من اخوي
اروح مرات للسده اباوع عل طيبه كاعده منتضره فيصل بس مايجي
كل يوم يمر عل طيبه منتضره فيصل اموت ميت موته
بعد سبع ايام اجه فيصل شفت اخوي لاول مره يبجي بحياته حته من ماتت امي ابوي يسولف يكول فيصل ما بجه بس هسه بجه مدري عل حبه مدري عل اخوه الي دك هلدكه الناقصه ويا
جنت كاعد علشط دك مبايلي
جان ثامر مالي خلك احاجيه
وره نص ساعه خابرني الوالد طبعا الوالد ما اكدر ما ارد عليه
فتحت خط الو ها بويه
هله بويه شلونك
زين
انته وين هسه
لش ويه رايد شي
لا بس اريد اعرف وين
هنا بويه مو بعيد
بويه لا تشلع كلبي احجي انته وين
يم الشط كاعد
بويه شعدك هناك كاعد تعال للبيت
اي بويه جاي فد ساعه
يلله بويه لا تتاخر منتضرك
صار بويه شويه وجاي
ثامر ها بويه
كاعد يم الشط
خوش اني رايح ورا
شعندك ويا
بويه لازم نحل هلشغله البينه وبين فيصل
اي صح عفيه وليدي روح بويه
يلله الله وياك
الله وياك
ثامر رحت للشط شفت سيارة رائد واكفه يم الشط
ركنت سيارتي ونزلت
سلام ابو الشباب
ها ثامر خير
عابتلك ولك شنهي ماتريدني اجي يمك
بروح امك مالي خلك
انته هيج تكول جا كبل من تشوفنه ضايجيين تضل بس تقلد علينه منو الجان يكول جر الشيشه ونسه العيشه ها لو منو ايكللنه الدنيه ماتستاهل واحد يضوج علموده مو انته لو جنت تجذب علينه
لا والله بس ماجنت فاهم الدنيه صح
وهسه فهمتهه
اي فهمته كلش زين
شفهمت بلله منهه
فهمت الدنيه يومآ لك ويومآ عليك
صح كلش صح يعني اليوم عليك باجر راح تصير وياك
لا البارحه وياي واليوم عليه
ميخالف باجر تصير وياك
لا ابد ضيعت فرصتي
خايب طير شكد عمرك انته وضيعت فرصتك كلك توك بلعشرين وبعدين ماكو مره تستاهل الي جاي تسوي علمودهه انته وفيصل يعني الي خلقه ماخلق غيره وتخربون خوتكم عل مره
رائد هاي شتحجي انته
شحجي جا علموديش انته زعلان وماتجي للبيت وماتحاجي فيصل غير علمود طيبه وهسه تطلع طيبه جكمه
رائد اولا طيبه موجكمه
وثانيا منو كلك اني علمود طيبه طالع من البيت وما احجي ويه فيصل
ثامر
جا ليش فهمني
اووووووف ثامر لو تدري شحس هسه
شتحس بلله
احس اني خاين والله جاي يعاقبني عل اللعب الي لعبته بحياتي
شلون فهمني
ولك اني ميت قهر مو لان احب طيبه لا اني يمته شفتهه وحبيتهه اصلا اني عاندة وياهه لان رفضتني مو لان حبيتهه
يعني انته ماتحبه
خايب طير شحب منهه ما انكر نعجبت بشكلهه بس لا ما احبه
جا شبيك ولك موتتنه
ولك مقهور عل فيصل اول حب اله ويخونه اخو
ولك تتذكر شكد جنه نقنعه يحب يتزوج وهو قافل يكول لمن الكه الي يدكلهه كلبي يالله احبهه
اي اتذكر
وهسه من حب ودك كلبه اجي اني ادمر حبه
ولك ثامر اول مره اشوف فيصل يبجي مو يبجي عل حبه لا يبجي من عندي اني اخوي يبجي من وراي
ثامر كلش فرحت من عرفت رائد ما يحب طيبه
اكلك يمعود والله فيصل ميت عليك حته بتعد عن طيبه علمودك يكول متصير الي مره واخوي رايدهه
خايب لا مستحيل يفكر هيج والله العضيم ما احبهه ولا مفكر اتزوجهه بس ردت اضيع وقت وياهه بس من رفضتني ضجت شلون اني انرفض جانت عزة نفسي متقبل شلون وحده ترفضني
ثامر خوش جا كوم وياي خلي نروح نفرح فيصل حته نخطبهه اله ونفرح
لا اخاف بعده زعلان مني
ولك لا والله اصلا هو مقهور عليك
الله عليك
اي والله وهو الي دزني اطمئن عليك
يعني مو انته الخايف عليه
هههههههههههه لا الصدك اني هم خايف عليك بس فيصل الدزني
ههههههههههه هو وينه هسه
بلشركه
ثامر تروحنه يمه
اي يلله
طلعنه اني وثامر رحنه الفيصل طبعا اني بلسياره خابرة فيصل وفهمته عل كلشي
وصلنه علشركه دكبنه باب المكتب
فيصل تفضل
دخل رائد السلام عليكم
وعليكم السلام هله والله هله بخيي