صراع الليوث

9

صراع الليوث
البارت التاسع
ها خيي بشر
الحمد لله لزمناهم ثنينهم وهسه نحقق وياهم
الحمد لله بس اخويه خو ميتاذه
لا طبعا مجبنه طاريكم بلموضوع كلنالهم جنه مراقبيكم
كلش زين الف شكر الكم
لا شكر عل واجب هاذا واجبنه
في امان الله
في امان الله
سديته منه واني فرحان رحت عل رافد بوسته وكتلهه هاي هيه خلصت خطيه ضل شابكني ويبجي
رائد ثامر ضلو مستغربين
يمعودين شكو شنو الصار
هسه اكدر اسولفلكم
كعدنه سولفتلهم عل كولشي طبعا الوالد يدري بكولشي
المهم صفحه ونطوت
بقه رائد بلمستشفى اسبوع وبعدهه طلعنا للهند حته يسوي عمليه تجميل اح ويا رافد اني تقصدت حته شويه ترتاح نفسيته
اني بقيت كول يوم اروح اكعد يم السد اني وطيبه طبعا تقوة علاقتنه وصرت احبه كثر حبيت فقاريتهه وطيبتهه الي بكلبهه عل السانهه متعرف تضم اي شي سولفتلي عل كولشي بحياتهه واني عترفتلهه بحبي وجانت فرحانه هواي وحته مرجعت الاهلهه ضلت بلبصره كتلهه بس تطلع نتيجتج اتقدم اخطبج وطبعا كتلهه عل شغلت الحصان هههههه حيل ضاجت بس كلبهه ابيض متعرف تكره بعد شهرين رجع رائد ورافد جان مغير شكله كله يعني صاير واحد ثاني ههههه
رحنه نستقبله بلمطار اني وثامر اكلك شوكت يطلعون
فد نص ساعهة
اجو اجو هههههه
ولك هاذا بس رافد جا رائد وين
والله ما ادري بس لا جلبله بوحده هنديه
ههههههههههه والله كلشي يصير
هله خويه شلونكم
هله والله شلونك رافد
جا وين رائد
ههههههههههه معرفتو مو
لا والله
هاذا
باوعنه ويا واحد يخبل يشبه الممثل عمران الباكستاني
جذب ولك هاذا يمته رائد
طبعا حقكم معرفتوني غير صرت اموت
ولك رافد احجي الصدك
ههههههههه هاي شبيك مو سو عمليه تجميل طلبو صوره اله حته يرجعو مثلما هو
فهو انطاهم صورة عمران ههههههههه
ههههههههههه اباوع الرائد يضحك وياشر عل وجهه
مثل الي بلصوره



هههههههههههه خرب يومك رائد شسويت ولك ضلينه نضحك تشابكنه وضلينه نضحك
رائد شعبالكم استغليت الفرصه
ثامر والله عمي صدك بيك حض عل هلسوايه هاي
فيصل ولك هسه شنكل لبوك شلون نقنعه
رائد معليكم بيه اني احاجيه
ثامر خرب وعمتك صفيه شلون
فيصل اي وعلي كله بجفه وعمتي صفيه بجفه
الله كريم اني احاجيهم
بعده رجعنه للبيت تلكونه العشيره كله وابوي ذابح هاشتين /يعني بقرتين/
من طبينه ضلو يسالون عن رائد كتلهم هاذا رائد
ضلو متعجبين
المهم دخلنه للبيت اجه ابوي ويانه كال تعالو يمي
كعدنه بلصاله
كال سولفولي وين رائد
باوعلنه رافد كال معليكم اني احاجيه

رائد وره ما صار الحادث يقيت فتره ما ادري بشي بعدين من صحيت لكيت وجهي مكلوب العضام مكسره يعني متشوه بس الدكتور طمني وكلي تكدر ترجع احسن من قبل فعلا ضلينه اسبوع بلمستشفى بعده طلعنه للهند اني وثامر بعد ما وصلنه رحنه للدكتور سوالي فحوصات وكال باجر نبدي بلعلاج كلي الدكتور اريد صوره الك حته ارجعج مثل قبل
كتله دكتور تكدر تسويني غير شي
كلي اكيد اي صوره تنطيني اسويك مثلهه
طبعا انطيته صورة الممثل باكستاني يخبل سواني مثله من رجعنه الكول معرفني بعدين دخلنه للبيت صاحلي ابويه وكال وين رائد هههه طبعا حقه وين جنت هسه وين ولو اني من زمان حلو بس هسه صرت غير شي المهم كتلهم اني احجي ويا
شيخ فاضل اكلكم رائد وين
رائد بويه اني رائد
عمي شايفني خرفت ما عرف ابني
هههه لا بويه حشاك بس والله اني رافد اذا ممصدك
هاك شوف
جانت عندي وحمه بكتفي الايسر عل شكل تفاحه خضره
راويته اله
ضل صافن بويه معقوله اكو هيج شي
اي والله بويه الدكتور كال لازم نغير بشكلك لان عضام الوجه مكسوره
باوعت للولد وغمزة ههههههههههه
ثامر اي بويه صح الدكتور هيج كال
الحمد لله بويه اهم شي رديت سالم
والله وجان تجي عمتي صفيه
رائد رائد من دخلت شافتني رجعت للمطبخ
صفيه يا ولكم غير تكولون اكو غريب وياكم
تعاي عمه تعاي ماكو غريب
يا شلون ماكو صيحولي رائد لهنا اشوفه
رائد كتلهم خلي اروح الهه
رحت للمطبخ صحت صف صف
هله بعد ؟؟؟؟؟؟؟؟
هله خاله منهو انته
اني رائد
يع خاله لا تجذب منهو انته ولكم فيصل رافد تعالو منهو هاذا
ههههههههههه ركضنه عل صوتهه نضحك
رائد عمه والله اني رائد سويت عمليه وغيرة بوجهي
يع ولك فيصل صدك يحجي
اي والله عمه
يا وهاي شلون غيرو خلقت الله
عمه كلشي يسوون بلهند اذا تردين اخذج اسويج اليسا
يا منهي اليسا
هاي مغنيه تخبل
لع لع جفيني شرهه ههههه شو تعال خلي احضنك بعد عمتك
ههههههههههه بعده تعشينه ويه الناس وهوسه ضلينه كاعدين بلمضيف للعشره وراهه رحنه كعدنه جو الشجره
فيصل الله ولكم شكد صارلنه ماكاعدين هنا
رائد والله مشتاق لهل كعده
رافد بعد ما صار الحادث لليوم مكعدنه هنا
ثامر اي والله التهينه بلمصايب
فيصل اي رائد سولفلنه عن الهند شلونههة
هههه تخبل فد شي احنه باول شهر ونص كلشي مشفنه
بس بعد مكملت العمليه وصرت هندي مثلهم طلعنه ماخلينه مكان مرحناله
شني الطبيعه تخبل شني المناضر
فيصل شني البنات ههههههههه
رافد اي وعلي يخبلن الهنديات
ثامر هم شفتو ممثلين
لا مارحنه لهناك بس رحنه التاج محل
وفترينه بلاسواق الهنديه وحضرنه احتفال عيد الالوان
ولكم بلشارع يركصون
ههههههههه وعلي الركص عل فلس
رافد ورائد ما قصر كام يكمز وياهم
رائد غير هندي اني ههههههههه
اي عمي لازم ترجع الباكستان
رافد تذكر الضابط الي لكينا بلشارع يصلي للهايشه
رافد اي ولك شوفو جنه واكفين نريد نعبر الطريق وجان يجي ضابط وكف يمنه بس شني مثل بطل الافلام شني الجسم العضلات
وجان تمر من يمنه هاشه
ههههههههه وعلي وجان يوكفه ويضل يمسح عل راسهه وياخذ بركات منهه
بس شني متنه من الضحك
ههههههههههه اي همه عدهم اكثر من الف رب والف ديانه
اي صح بس والله ناس حلو معشرهم محبوبين صح فقره بس حلوه حياتهم ناس بصيطه
فيصل والله شوقتوني اروح للهند
اي وعلي روح تونس بس التعب
اي من اتزوج اروح
رائد هله والله لازم وكعت
ثامر واكع ومنتهي ههههههههه
صدك منين هاي نعرفهه
فيصل لا متعرفوهه
بس لا ام جنا ههههههههه
فيصل اي هيهة
رافد خرب الف مبروك خيي
الله يبارك بيك
رائد جا شوكت تخطب
من تطلع النتائج لان هيهةبلسادس
ها خوش الله يسهل عليك
تسلمون والله يوم النفرح بيكم
رائد انشالله يارب ههههههههه
فيصل انشالله بعد قليل وتخلص السنه مال الشيخه مالتي حته اتفرغ وتزوج
اي صح لازم تتفرغ للحب
ههههههههههه طبعا لعد شون
بعدهه رحنه نمنه
للصبح اجاني صديقي قاسم
هله والله رائد
هله بقاسم شلونك
والله من كالولي مغير شكله مصدكت
ههههههههههه ولك مو دزيتلك صورتي بلوات
اي بس ماصدكت عبالي داز صورة الممثل
ههههههنه لا عيني اني هاذا شعبالك وعدل بياخت القميصر
ههههههههههه لا عمي انته كده صاير صدك صاك
طلعنه نتمشه بعد الي صار ابويه حرم عليه السياره كال ممنوع تسوق تريد تروح المكان خلي السايق يوصلك
رحنه للشط نتمشه
الله ياهو البصره يخبل
يعني احله من الهند
وك والله الهند تخبل بس مترتاح اذا مو بلدك صح جنت متونس بس الشوك للبصره
قاسم معقوله اذا سافرت يعني اريد ارجع
رائد اي والله تكوم تحسب يوم يوم للرجعه
قاسم والله ما ادري من اسافر عود اكلك
ههههههههههه انشاء الله
قاسم بس اريد افهم شلون صار الحادث انته احسن واحد يسوق بلبصره والشارع جبير وفارغ والفرامل ابيه شي زين شل شلون فترة السياره هلفره وندعمت
رائد شوف اني جنت امشي فجأه طلعت حوريه
لا بربك منين اكو حوريه
ولك والله حوريه تخبل
اي وبعدين
ولك اني شفته لو نصطرة كمت اباوعلهه السياره رخت مني صار الحادث
لا بربك عل بنيه ردت تموت
ولك حوريه مو بنيه والمشكله هسه حته ما اعرف وين الكاهه
ههههههههههه لا يا الله صدك ولك
اي والله شفت شلون
اكلك بس لا هاي
ياهيه هاي
اكو بنيه سمعت فيصل وثامر يسولفون بيهه ونته بلمستشفى كالو اكو بنيه شافت الحادث
لا بربك
اي والله ومحققين وياهه
يعني يعرفه ثامر
اي اكيد يعرفهه
كلش زين جا الله وياك
وين تريد
اروح اسال ثامر
والغده منتغده سو
لا خيي اروح اتغده ويه حبيبي ثامر
ههههههه خرب يومك صار حبيبك هسه
رجعت للبيت سالت عن ثامر كالت عمتي بغرفته
صعدة اله
هلو ثامر
هله رؤدي شلونك
والله الحمد لله زين
ممكن احجي وياك شويه
اي تعال
اكلك ثامر منيه البنيه الي شافت الحادث
ها هاذي بنيه من بغداد جانت جايه مسيره عل بيت خوالهه
ومنو بيت خاله
بيت الغوالي
ها بيت الغوالي يعني بعده هنا
والله ما ادري راحت بعده
ها كلش زين
ليش تسال
ها لا مو سمعت اكو بنيه شافت الحادث فكلت منين هايه
اي والله حته اني ماشفته بس فيصل جان متابع القضيه
كلش زين يلله خيي الله وياك

يبو شيخلصه ويه رؤدي ههههه
لتنسون التصويت حبايبي