أحببت ظابط شرطة 1

الفصل الثاني عشر

في صباح اليوم التالي،،،

في منزل أسرة جميلة،،،

استيقظت جميلة من نومها و ارتدت بدلة الشرطة و نزلت من غرفتها...

جميلة:مع السلامة يا ماما..انا رايحة الشغل..

نادية:ماشي بس متتأخريش عشان انتي عارفة هنفطر عند سهير انهاردة...

جميلة:انتوا هتروحوا الساعة كام؟؟

نادية:ع الساعة 6 و شوية ممكن...

جميلة:ماشي...عموما لو اتأخرت عن الساعة 5 روحوا انتوا و انا هحصلكوا علي هناك...

نادية:ماشي يا حبيبتي....يلا روحي عشان متتأخريش علي شغلك....

جميلة:طيب...باي....
.......................
في منزل كريم،،،

كريم:صباح الخير يا سوسو...

سهير:صباح النور يا كريم...بقولك اطبخ ايه انهاردة؟؟؟

كريم:اممم...بصي ممكن مثلا تعملي مكرونة بالبشاميل و معاها فراخ...يا سلام....لا بس انا كدة هجوع...اللهم اني صايم...

نظرت له سهير باستغراب و ضحكت:انا رأيي تقوك تروح شغلك و انا هتصرف...

كريم بثقة:علي فكرة بئة...انا مش هروح الشغل انهاردة...هقعد اطبخ معاكي...

سهير:لا انزل روح شغلك!!

كريم:لا مش هروح الشغل!!

سهير:جبت لخديجة فانوس يا كريم؟؟؟

كريم بخضة:احييه..لسه مجبتش....انا هنزل اجيبه عشان متزعلش....

سهير:و روح شغلك بالمرة بئة...تلاقي إياد هيروح..ف روح انت كمان...

كريم:ماشي يا سوسو....غلبتيني المرة دي....
هروح البس...و قبلها من وجنتها و ذهب إلي غرفته....
.......................
في فيلا العمري،،،

في غرفة إياد،،،

إياد:صباح الخير يا چيمي..

جميلة:صباح النور يا إياد...عامل ايه؟؟

إياد:كويس الحمدلله....انتي ف الشغل؟؟

جميلة:اه لسه واصلة من شوية....

إياد:تمام...بقولك انتي هتروحي عند عمتو من الشغل علي طول و لا هترجعي البيت الاول؟؟؟

جميلة:لا اعتقد اني هروح علي طنط سهير علي طول...

إياد:اه..طيب..

جميلة:طنط عاملة ايه و عمو؟؟؟؟

إياد:طنط و عمو مين؟؟؟

جميلة:ابوك و امك يا إياد...ايه الغباوة اللي ع الصبح دي!!!

إياد:ااه....اه..كويسين...