في فرع قوات مكافحة المخدرات،،،
في مكتب جميلة،،
جلست جميلة علي الأريكة و ظلت تفكر في كلام صديقتيها و ما تشعر به ناحية إياد..
جميلة:انا شكلي كدة حبيته فعلا...ازاي حصل كدة...هو اه چينتل و طيب و يتحب بس انا مش هينفع اكون معاه...احنا ينفع نبقي صحاب بس.....و أثناء ذلك دخل أحمد المكتب بعد ما دق علي الباب ...
احمد:الجميل سرحان في ايه؟؟
جميلة:مش عارفة...
أحمد:يا سلام...يعني مش عارفة ايه اللي مخليكي سرحانة اوي كدة..و باين عليكي انه موضوع كبير اوي...في ايه؟؟؟
جميلة:إياد!!
احمد:ماله؟؟
جميلة:معرفش..
احمد:جميلااة...انتي صاحية يا حبيبتي...فايقة للي بتقوليه يعني...انتي مش فايقة خالص.....
فاصلة بمعني اصح...جميلة:لا...انا صاحية...
احمد:نمتي الساعة كام؟؟
جميلة:4 تقريبا...
احمد:جميلة..انتي بتحبي؟؟!!!
جميلة:نعم؟؟!
احمد:بتحبي مش كدة...
جميلة:ايه علاقة اني منمتش بإني بحب يا احمد ما تعقل الكلام قبل ما تقوله؟؟
احمد:انك كنتي قاعدة تفكري ف حبيب القلب مثلا...يلا قولي و اعترفي مين اللي قدر انه يخطف قلبك يا حلوة...انطقي...
جميلة باستسلام:اوكي هقولك...
احمد:ايوة قوليلي...و احسن لك متخبيش و تقولي كل حاجة...
جميلة:جرا ايه يا احمد...انت ماسكني تحري يا عم..في ايه؟؟
احمد:متحوريش و متخرجيش عن الموضوع...
اتكلمي يلا..جميلة:اوكي...إياد..بقالي فترة كدة حاسة بحاجة غريبة ناحيته...بحس اني بقيت عايزة اشوفه علي طول و بحب اكلمه و اخرج معاه و كدة يعني...انت فاهمني؟؟؟
احمد بمزاح:دة انتي وقعتي و مش عارفة تقومي شكلك....بئة هي دي جميلة اللي كانت بتقول انها مش بتفكر ف موضوع الجواز دة و انها مش هتحب....هي اللي بتتكلم دلوقتي دي؟!
جميلة:اهوه اللي حصل بئة...انا مش عارفة انا عملت كدة ازاي اصلا...
احمد و هو يحاول إقناعها:حبيبتي...مش انتي اللي بتعملي..دة قلبك...قلبك هو اللي خلاكي تحبيه....فهمتي؟؟؟
جميلة:طب انا اعمل ايه دلوقتي يعني؟؟
كاد أحمد أن يتحدث و لكن قاطعه دخول مصطفي و حسن...
أنت تقرأ
أحببت ظابط شرطة 1
Adventureهي أقسمت علي الثأر لمقتل والدها و عاشت حياتها بلا حب ليظهر هو و يقع في حبها و يقرع أبواب قلبها...فهل ستقبل حبه أم سيقف القدر في طريق حبهما؟؟؟