بين أنيااب الذئاب🔥🔞

إصابة ☠/9/

نوران تحكي...
نسمع في حس كرتوش مع كل ضربه قلبي يخرج من بلاصتو....شنوة صااير يا ربي نشوف في خالتي الهذبة ملامحها باااردة ...جامدة و بعد لحظات وجها صفاار...حطت يديها على قلبها ...تكلمت بصوت متقطع ...
الهذبة: يا...ياسين ..
قربت لعندها نحكي بربثة مخلطة بخوف..
انا: شفماا ...شصاير وينو ياسين ...
غزرتلي ندرا كيف..جبدت تاليفون من سطوشها ...مدتهولي.. يديها ترعش...
الهذبة: اطلب اول نومرو ....
طلبتلهاا و عطيتها تحكي... تركزت على عكازها تمشي و تجي في البيت حسيت الحس بات معااادش فما شي و ياسين لتو لا جاا لعندنا.... نسمع فيها تحكي و موش فاهمة شي..
الهذبة: يا ولد تلكلب كان تطلع عملتها نصفرلك بروحك... حبس كل شي سمعتني ياسين تصيرلو حاجة اكيد كريم خوه ما يخليكش في حالك... صحيح هما اعداء امااا قدامك انتي مستحيل يبيعلك خوه و يسلملك رقبتو سمعتني... يا واطي كبرت و تعلي في صوتك عليا...علاش وليتو ذيوبة تاكلو في بعضكم........اسكت سكر فمك وقف رجالك توا...
هي تحكي انا حالة فمي باقي موش فاهمة شي...حنى هو مانيش عاارفتو شكونو و فااش يقوللها... احناا هكا و الباب يتحل تنطرت من الفرش نسخايلو ياسين...نلقى واحد من رجالو..يديه بدم... قرب لعنا يحكي...
هو: سي ياسين تضرب بكرتوشة في ظهرو.. و منجموش نهزوه للكلينيك طلبنااا طاقم طبي الكل تاابعو جاايين في ثنية...
نشوف في خالتي الهذبة طيحت عكاز من يديها و قربت لعندو تبكي و تحكي فرد وقت...
الهذبة: هزني عند ولدي...هزني تو...
هبطنااا لوطة ...صالة و كوجينة مقلوبين بلار الكل مكسر...فماا ميني بار وقفنا لعندو نزل الراجل على فلسة ورا كواترو...تحل باب كبير...دخلنااا..نشوف فيه ممدود عالفرش...ينزف بكلو...وجهو احمر و عارق...مغير مانشعر..قربت بزربة لعندو...اول مرة نراه بحالة هاذي...عديت يدي على شعرو الارطب مليان كعبات شيب...تشد فيه من يدو و تبوس فيه...
الهذبة: لطف عليك يا بابا...نعرفك قوي موش اول مرة يصيرلك هكا تحمل على خاتر امك و خوك...تلفتت لراحل تصيح...

-وينهم ...شبيهم لتوا ....كلمهم فيسع ...
لوماكس درجين كانو لعناا...خرجونا من البيت ...منعرفش قدااه تعدا وقت شمس بدات تشرق...نورها ساطع في الفيلا الكل... رجالو و احنااا الكلنا واقفين نيتنااو في اي خبر عليه...الصبر طال انا معادش نجم..منعرفش علاه نسيت الي تعديت بيه كل....نخمن فيه و نحبو يقوم لباس كهو... و معادش يهمني.. تكيت راسي عالحيط... كل شوي نشوف في المنڨالة...ساعات تعداو و مخرج حتى طبيب.... منظرو و هو ممدود و غارق في دمو محبش يتمحا من مخي...قربت لخالتي الهذبة..قعدت جنبها..شديتها من يديها نحكي...
انا: متخاافش اكيد تو يقوم لباس...غزرلتي ندرا كيف ...مسحت دموعها..
الهذبة: نعرف يااسين قوي و ربي ديماا مايخليهاش بيه..اناا مانيش خابفة عليه اصلا تعرض برشا محاولات قتل..اما الي عملها ...مكانليش عالبال...
انا: شكون الي عملها شكون حب يقتلو !
تنهدت من عروش قلبها ...جات باش تحكي قص علينا صوت طبيب...
-تجاوز مرحلة الخطر الرصاصة موش غارقة برشا الحمد الله مكانش راو خسرناه و لا يتسببلو في اعااقة كاملة...مزال تحت تأثير بنج ...ساعات اخرين و يفيق و انشاء الله لباس...
-انا: عيشك دكتور ...
خرج و بقاو الفرمليات و طبيبة اخرى باش يبقااو لين يقوم لباس.... رجال يلمو في بلار و ينضفو في الفوضة الي صارت....اصلا وليت عايشة في فوضة مرتبة...و تايهة في متااهة مضببة....معاادش عارفة شي... رجعت نشوف في خالتي هذبة باقيه كيما هي...خرجت قعدت في جنينة...
بقيت انا قدام بيت... نمشي و نجي منجمتش نقعد ....ساعة و ثلاثة....خرجتلي فرملية...قربت منها نحكي..
انا: فاق ! لباس..
هي: انتي نوران...
هزيتلها براسي...
هي: المسيو ينادي بإسمك تفضل ادخل ماتكثرش عليه...
انا: باهي عيشك...
دخلت ساق قدام و عشرة تالي...علاش حتى في مصيبتو يخمم فيا... نشوف فيه كلو خيوط...راقد على كرشو... يحل في عينيه بالسيف...قربت لعندو...طبست عليه شوي نحكي...
انا: ياسين لباس.. هزلي براسو تبسم شوي...حل يدو يحبني نشدو من يدو ...هزيت يدي حطيتها في يدو...كبس عليا ... من لمستو سراتلي رعشة في بدني...
تبسمت بالسيف...مسحتلو على شعرو..
انا: نخليك ترتاح شوي اخر تو نرجعلك..
كبس على يدي اكثر... يخرج في كلام بالسيف...
ياسين: لا..لا خليك معايا..خليك جنبي...تمشيش...
هزيتلو براسي...جبدت كرسي و قعدت...يدي في يدو...لين رجع رقد ...بقيت نثبت في ملامحو الذابلة...حتى و هو هكاا باقي مزيان...باقي موهر في حلاتو الكل....شفاايفو حتى و هما شايحين بااقي روز....يدو ترخفت من يدي...جبدت روحي شوي ...قمت و خرجت ...نسمع في خالتي الهذبة تحكي...قربت لعندها....علقت تاليفون و تبسمتلي...منعرفش علاش عملت هكا...كاينها مخبيه حاحة تحبنيش نعرفها...حاسة روحي بديت نشك...لا لا مستحيل.... تبسمتلها و تعديت طلعت بيتي....