#البارت التاسع عشر
#قصة الرهينة
رافد طلعت من البيت وبجهي البيت المره سلمت عليهم وكعدت قدمولي جااي
كتلهم صيحولي صفا اريد احجي وياه
كالولي هسه تامر امر راحو صاحوه الي
سلمت وكعدت يمي
كتله اريد جوازج اريد افيز حتئ ننتقل للعراق انعيش هناك كالت
ليش انعيش هناك هناا يم اهلي وكلنه هنا اشياخذنه للعراق ماعدنه احد هناك
كال
كتلج اريد الجواز افيزه واي حجايه زايده ناقصه ماااريد خووش
ومنا ورايح اتلبسين عبايه مال رااس خووش
طلعه وحدج ماكوو اتكليلي يالله اطلعين مو بكيفج تصرفين سمعتي
كالت مااشي كتله يله كومي جيبي الجواز وتعالي
راحت وجتني جايبه الجواز كبل اخذته وطلعت من البيت
ابجهي رحت فيزت وخابرت صديقي من بغداد كتله اريد بيت نضيف تاخذلي علئ ماجي
كلي تدلل تعال ويصير خير
رجعت للبيت اني عاقد علئ صفا بس محكمه ارجع للعراق وعقد عليه شيخ لاعرس ولابطيخ
اخذه سكتاوي
رجع ابوي من السفر واني ماباوع ابجهه ابد
امي،، كوم ابو رافد الولد راح يعيش بغداد
ابو رافد،،، ليش شكوو امين طلعنه بهاي الشغله
امي،، اني ادري كوم اقنع الولد راح يرجع
ابو رافد،، ررراااااااففففدددددد
رافد،،،، ضل صااح كتله هاااا بويه
ابو رافد،، تعااال 😡
رافد،، حطيت ملابسي علئ جربايه ونزلت من الدرج لكيته كاعد بل استقبال دخلت
اتفضل يابه
ابو رافد،،، شنو ترجع للعراق شعدك
رافد،،، اريد اعيش هناك شغلي كله نقلته للعراق راح استقر هناك
ابو رافد،، ليش ومن اشوكت تاخذ قرار ابنفسك
رافد،،، من يوم الي كتلي متزوج سنيه
ابو رافد،، هاا وتريد تكسرني بهاي طلعتك
رافد،، بويه لاكسرك ولابد انته مو تريد ازوجني وحده علئ كيفك هذا هو انته زوجتي ومنعتني من الابنيه الي احبه وسفرته بدون مادري هسه اني راح اصرف واعتقد مو زغير
وعدي جهال
ابو رافد،،، ابكيفك
رافد،،، دار وجه وراح رجعت كلت لمي اتحضري ملابس الجهال
واسيل بدلتلهم نزلت الجنط للسياره ودعت امي واسيل وكتلهم سلمولي علئ ابوي
من حركت كلبي حتئ ماكدر اباوع ابوجه اي احد صعدت ورحت البيت صفا دكيت هورن طلعت سلمت علئ اهله وصعدت ذبوو ورانه مااي وبوجهنه للمطار....
مرررت ساعات وصلنه خابرت صديقي دلاني علئ بيت
لكيته محضره من اثاث وكلشي
حتئ عشاا حاطلنه
سلمت علي كتله باجر نتحاسب اني وياك
سلمت وراح دخلت للبيت شفته مرتب وحلوو ونضيف
صحت صفا اجتني تركض كالت اتفضل
رافد،،، انتي وجهالي بهاي الغرفه علئ ماعقد عليج شيخ بعدين تجين الغرفتي
صفا،، مااشي
رافد،، روحي غيري للجهال وعشيهم
علئ ماسبح واجي كالت ماشي
رحت اخذت ملابسي ودخلت للحمام وكلبي يسعرر مثل النار لازم ياقوت وياي مو صفا سبحت واني حيلي مهدود بل كوه سبحت وطلعت
دخلت الغرفتي ضليت افكررر بيه من جانت بلندن وتضحك من طلعته للمول 😔😔😔😔😔😔😔
شكول عليك يبويه
شغلت اغنيه سيف نبيل (من اتغيب)
https://youtu.be/wDk6yWcOaPI
ضليت اسمع بيه الحد مانمت...
فزيت الساعه ب 2:00 بليل طلعت افتر بل بيت
دخلت للغرفه شفت صفا نايمه ومنيمه جهالي يمه سديت الباب عليهم
طلعت كعدت بل حديقه .. اباوع شفت البيت الكبالنه مشتغله ضوياته صابني الفضول
اعرف بيت منوو
فتحت الباب وطلعت
بس ماشفته لان ضلمه والشارع اضلم محد بي
دخلت وقفلت الباب
افتريت وره البيت كلشي مابي نضيف
دخلت للمطبخ مرتب وحلوو يعني نازك مابي شي ضخم الي يتعب بل شغل
طلعت للهول هم تخم وبل نص ميز وعلي مزهريات وطبله مال جكاير. وشاشه تلفزيون بل نص معلكه وبوفيه
دخلت للحمام جبير بي بانيوو وتعلاكه بي شامبوات وليف وصابون وزاهي..
طلعت للممر بي كيزر مشدود والمرر نضيف مابي شي
والدج مرمر والمحجر علئ. شكل حلزون
شي حلو وكله نازك رجعت الغرفتي سديت الباب ونمت 😴 😴 😴
ياقووت،، دخلت بليل انام قفلت البوب ورحت الغرفتي
رحت عزلت ملابسي بل كنتور وشلت الجنطه حطيته فوك الكنتور. رحت سبحت لبست دشداشه عدي قصيره وربع ردن
طلعت من الحمام شعري صاير خصل لان مبلل
نشفته ورحت الغرفتي ضليت اباوع بل امرايه وذكرت رافد
متت قهر دمعت اعيوني. كمت مسحتهن رحت للموبايل فتحته دخلت علئ فايبر
وعلئ رقمه لكيت حاط صوره ادين اثنين لابسات حلقات
شاطت روحي رجعت قريت المحادثه مالته كله
اقرره وابجي
عسااه بحضك وبختك يا ابو رافد لان خليته يزووج حطيت التلفون علئ شحن ونمت
كعدت الصبح الساعه بل 10 بحياتي منايمه هيج
طفررت لكيت زينب جاي اسوي غده
وامي بل حديقه اتلكط تمن
ياقووت،، صباح النور 😂
زينب،، قصدج مسائ الخير
ياقووت،، نفس الشي 😊😊
زينب،، ولج اريدج اسولفيلي كلشي
ياقووت،، شسولفلج
زينب،،، شسولفيلي يعني عن رافد ترئ عبالج امشيه لاعيني
ياقووت،، 😊😊 ماشي بس مو هسه
زينب،، ماشي من اروح لدكتور اليوم اني وياج
سولفيلي
ياقووت،، ليش اليوم عدج مراجعه
زينب،، اي عدي مراجعه اليوم اعرف جنس الطفل 😍
ياقووت،، انشالله خير خيه اروح ليش ماروح
زينب،، 😘😘
ياقووت،، ليش الباب مفتوح
زينب،، مادري محمد طلعنسيت اسده ورا
ياقووت،، اني اسده
طلعت لكيت امي صبحت عليه وبست راسه
مشيت اريد اسد الباب
وشفت رافد مشه بل سياره
هزيت راسي خاف اتخيل
رحت لمي
ياقووت،، يمه منو كعد ابيت ابو حسين الي كبالنه
امي،، مادري يمه ولله ليش منو كعد
ياقووت،، مادري اني سئلتج لان شفت ولد طلع من البيت عبالي اتعرفيهم
امي،، لايمه مادري ولله
رحت صفطت انعالي بل كاع وكعدت علي بل حديقه
شعري مفلول كعدت وشعري نزل بل كاع
امي،، يمه كومي شدي كفشتج ولبسي شي مستور خاف يجي اخوج اذا شافج هيج يكلب الدنيا عليه
ياقووت،، شنقضيه يمه هسه اكوم خلي ارتاح
امي،، ولج كومي يمه خاف تجي جارتنه وشوفج هاي تحسد وانتي مطلع الزنود
جنج كيمررر وشعرج مفتوح كومي يبعد امج شدي شعرج ولبسي دشداشه اردان طويله
ياقووت،، انتو لو بيدكم اتحبسوني ترئ امي ابيتي ليش اتحسسوني اني غريبه
امي،،ولج ولله علمودج ولج يمه انتي بيضه اجيبين العين والاثر الروحج
ياقووت،، خوش يمه خوش راح اولي
امي،، استغفرالله ياربي الله يصبرني عليج
ادللي عليه يمه ادللي بس انتي بقيتي يمي
يبعد جبدي
مشيت وضلت امي اتباوعلي وصيحلي حقهم من يكلولج بياض الثلج
مالومهم اشوو العيون شكت غزال وملونه والشعرر مثل طر اليل والجسم ييمه مربربه
اوووف ياياقووت
رحت صعدت سويت شعري كبايه ولبست دشداشه لونه خضره وبيه طووب وردي
نزلت لكيت كلشي نضيف ماعدي شي اسوي
لزمت تلفون وكعدت اباوع بي دخلت علئ منتدئ
شفت لمه حلوا مسويت كروبنه
علقت وكله طفرت ضلو يسلمون وناس اتكلي وين مختفيه مشتاقيلج
حسسوني صدك اني مهمه بينهم
فرحت حيل ضليت وياهم للضهر لمن شفت محمد اجه
رحت كتله الله يساعدك
كلي هلا بيج بعد،اخوج
اخذت العلاليك مال مسواك منه رحت عزلتهن بل ثلاجه
رحت محمد دخل يسبح وزينب اتناوشه ملابسه
رحت اني صبيت الغده وكعدنه نتغده كلنه
محمد كال ياقووت اخذي زينب ورحن للعياده مال دكتوره لميائ
العصر خلي تاخذله سونار
ياقووت،،، 🤔🤔 صدددكك خاف ماتقبل شنو انته جااي اتعلمني بسوالف النسوان
محمد،، انجبي ولج جااي افهمج
ياقووت،، هاا خووش فهمني بله اشلون
محمد،، 😂😂 رجعتي لخبالج مووو
ياقووت،، 😒😒😒 جاا غير انته الدايا مالت مرتك
محمد،، انجبي ولج لابل خاشوكه
ياقووت،، دضربني حتئ ماروح ويه مرتك
زينب،، دعوفه محمد لاطنكر
ياقووت،، اشوفتيني ولج عبد وطنكر اوو الحلك الماشريته اي ولله بيكم حض وجاي اتعلموني 👐👐 امداكم
خلصنه غده وغسلت اني الماعين وشربو جااي
وكلمن راح الغرفته
دخلت سبحت اني وسبحت وراي زينب سبحت
حتئ بل 4:00 انحضر ارواحنه وروح لدكتوره
صار الوقت بدلنه لبست بنطرون اسود وبدي فانيله قصير بيضه وحذائ رياضه سوده وشال مشجر لفبته لفه هاي الموضه مال هسه ولبست الجنطه فوك العبايه
وحطيت مكياج طبيعي
وطلعنه لدكتوره علئ شارع العام اتمشينه اني وياه
شفت باب الجوارين الكدامنه مفتوح صابني الفضول اريد اشوف منو بي
سمعت زينب اصيح يله يااقوت راح نتاخر
نزيت ومشيت علئ سريع
دخلنه للعياده اخذنه باص ونتضرنه دورنه كدامنه 6 اشخاص
كتله كومي خلي نتفتر نشتري شو شني
كالت ولج خاف يشوفنه محمد هسه يكول وديجن لدكتوره الكاجن دايحات.. كتله معليج ذبيه وراي امشي
حطينه ومشينه.. دخلنه للمحلات شفنه مكياج واشكال اشتريت مكياج كحله اشتريت واساس كالتلي زينب
ولج انتي بيضه شكو ماخذه اساس
كتله عجبني شكله كالت ولج كله اصيحلج بياض الثلج علئ بياضج درجعي وشتري شي ثاني
كتله اوك راح اخذ هذا التاربون حلو موو كالت كلش حلوو وراقي اخذيلج بعد واحد اسود يلوكلج
كلته ماشي اخذتلي بعد واحد وشتريت حمره لونه بيجي وبصلي احب هيج الوان اخذت ايلاينر احب اشتري واضم
زينب اشترت دشداشه مال نوم كلش حلوه
ومكياج وشترت نعال ابو الاصبع
خلصنه عبرنه الشارع ودخلنه للعياده لكينه كدامنه بس شخصين كعدنه نرتاح
وره اشويه صاحو زينب دخلنه فحصته الدكتوره كالت بيه ابنيه وصحته زينه وحركته زينه
الف مبروك تتربه بعزكم
اطته مقويات وفيتامين وطلعنه من الدكتوره مشينه للبيت علئ كيفنه
دخلت بل فرع مالتنه شفت الباب مفتوح
اريد ادخل اسمع صوت محمد
ورانا صااح هاا ياقوت شوفي منو يمي
باوعتله لوره شفت رااافد
ضليت جامده مكاني بل كوه تطلع الكلمه من حلكي
كتله رااافد ضليت اباوع لعيونه كال محمد تعالي سلمي علي مشيت بل كوه رجليه يمشن ثكلن.
يااقوت،، كلته هلو بيك عاش من شافك اشوكت اجيت (سويت الامور طبيعيه)
رافد،، هلا بيج اجيت صارلي يومين هناا
ياقووت،، شنو هذا بيتك
رافد،، اي بيتي اجرت اني وجهالي و... ومرتي
ياقووت،، مو كال مرتي لو اني انعصر كلبي عصر
كتله اي الف مبروك شايف الخير
محمد،، صدك ازوجت اشوكت ليش ولك محجيت
رافد،، صارت ابسرعه ابسرعه ملحكت اخبركم ولله
محمد،، اي هذا هو شايف الخير بعد اخوك
رافد،، تسلم حبيبي حمودي
ياقووت،، بلعت ريكي كتلهم من رخصتكم رايحه
كال رافد الله وياج مرخوصه 😏
محمد واني جاي وياج
يله بعد اخوك اترخص اخذ راحتك
تعال باجر غداك يمنه انته وحرمتك
كال ادلل انشالله باجر نجي
باوعت اله بحقاره وحجيت بصوت ناصي
كتله اطيك سم.. 😡
باوعت عليه يبتسم بوجهي عفتهم ودخلت للبيت
بشرتهم زينب كالتهم بيه ابنيه الكل فررح لكيت امي مسويه عشاا.. رحت اني سبحت وافكر برافد اجابه لهنا وشعده اجه معقوله اجه يضل يراقبي اوووف ماخلص منهم
طلعت من الحمام لفيت راسي بل خاولي لبست اتراك نيلي قديفه
ولبست مداليتي حرفي باوعت للحلقه الي اطانياه رافد ضليت اباعله دمعت عيني
مسحت ادموعي ورجعته قفلت الصندوك ورجعته للكنتور
نزلت من الدرج لكيتهم حاطين صينيه العشا اجيت كعدت اكلت اشويه واني بس افكر برافد
محمد خبر امي باجر رافد ومرته يجون علئ غده
امي انصدمت من سمعت بي مزوج بعدين كالت خلي يرتاح رجال بلا مره مايكدر
ضليت اباوع لمي واباوع الزينب
زينب باوعتلي واشرتلي بعيونه معناه كومي..
والحكايه بقيه
اوووف يرافد ليش هيج سويت 🙄🙄🙄
طبعا راح تبدي احداث مشوقه وهيه عشاير وشيوخ ترقبوو بقيه القصه وستمتعوو باحداثه
علئ حب الله والوطن 👍
بقلم الكاتبه الممبدعه
#فصليه القدر
#حسين ابو الشوق
