سجينة الروح

ملاحظة

مساء الـ🥀ـورد أحبتي

بالاول احب اشكركم على تفاعلكم الرائع بالقصه يسعدني جداً حماسكم ومحبتكم لي وللقصه
لكن اترجاكم بدون تجاوز صاحبه القصه اليوم طلبت مني وقف القصه بسبب التجاوز الكبير الحاصل صحيح حضراتكم منفعلين مع الاحداث لكن ليش الغلط والفشار والتجاوز تره احنا مو ملائكة كلنا نخطأ وكل انسان بحياته جانبين الخير والشر وصاحبه القصه اليوم جدأ انقهرت من كميه الغلط عليها وعلى الابطال رجاءاً بدون تجاوز احب تشاركون وبتعليقاتكم تنجح القصه لكن مو بالغلط والتجاوز لتحرموني من متعت كتابه هذه القصه لان اذا توقفت اني انحرم من متعت كتابتها وانتم من متعت قرائتها اتمنى بدون غلط واهانات للابطال حاولت اقنع ابطال القصه ميوقفوها تذكرو حالياً يمامه اذا مو بعمر امكم فهي بعمر اختكم الكبيره اقلها احترام للعمر وهي مشكوره تذكر قصتها للعبره والاستمتاع مو حتى تتجاوزون وتغلطون عليها وعلى افراد اسرتها

القصه كانت بين ٢٣ قصه وصلت عبر الخاص الي ميزها احداثها الجميله وكميه الحب والمشاعر والتناقض بالتصرفات لهذا اتمنى تستمتعون وتعيشوها بدال متتوترون وتغلطون

كذلك ليش احسكم بسباق ماراثون وبسرعه تريدون تعرفون وتريدون اختم القصه كلها ١٦ بارت منشور اكو قصص تعبر ٦٠ بارت وماشيه طبيعي والكل مستمتع بقرائتها تحبون اختمها هذا الاسبوع وتبقون تعيشون الماضي فقط مع الابطال واترك مستقبلهم وتبقى معلقه القصه بالماضي فقط
لان الصراحه ضغط كبير جداً لمعرفه نهايه القصه تره بعدنا كله بالماضي اذا تحبون اختمها ياريت اعرف رأيكم
اني احب تعيشون القصه وتقضون وقت جميل معاها وتاخذون العبر منها موبس كملي وخلصيها وشوكت النهايه

اني نوهت بدايه القصه قبل الكل ميقراها طريقة النشر اربع ايام بالاسبوع وبسبب التزاماتي وكوني موظفه ومااكدر اكتب يومياً وعندي بيت ومسؤوليات ومن الاول بلغت الي ميتحمل يتركها ومن تكمل يرجع يقراها كامله وينورني ليش بعد هذا التجاوز بحقي اتعززتي علينا او ادورين لايكات او متابعين الي معي بكروبي يعرف كولش زين اني منو وعمري مفكرت بهاي الطريقة ولا تهمني وسابقاً بقصصي السابقه انشر يومياً كون القصص كانت لهجتهم بغداديه مو لهجتين هذه القصه صعبه بطريقة الكلام وبالاحداث وضعي اختلف وكل انسان وضعه واني احاول مااقصر عليكم بطول البارت وبشهاده اكثر من كاتبه عزيزات عليه كالو احنا ٢٥٠٠ الى ٣٠٠٠ كلمه نتعب ومنلحك شون انتي كل بارت اقل شى ٥٠٠٠ كلمه ولابارت نزل الكم اقل من ٥٠٠٠ كلمه اكو بارتات عبرت ٦٠٠٠ كلمه يعني يعادل بارتين
اتمنى تقدرون ظرفي وضعي واني انسانه حالي حالكم والي ميتحمل ينتظر رجاءاً يترك القصه ولايوترني ولايوتر المتابعين بالتعليقات السلبيه رجاءاً

اما اصحاب التعليقات الحلووه والمشجعين للقصه والمقدرين ظروفي اني جداً احبكم وبتعليقاتكم وحبكم ومتابعتكم تستمرالقصه
ولأجل عيونكم راح ينزل اليوم بارت قصير من القصه حتى لحد يزعل عليه وخاصه كروبي ومنشوراتهم الي تًجٌـــ😍ــنّنُٓ سواء الي بتوسل او بأمر او بحب او بقتل وشنق 😂 تدللون عليه المهم متكولون عليه قاسيه ومتزعلون انتم غوالي عندي ومااحب ازعلكم وحتى اصحاب تعليقات الواتباد ومشاركتهم الي تًجٌـــ😍ــنّنُٓ وتواجدهم المميز لعيونكم ينزل بارت اليوم
بس الوقت مااحدده لان راح ابدي اكتب وبس اكمل انزله مااحدد الوقت حتى لتكولون حددت وقت وموفت ويانا انتظروني بأحداث مشوقه من
(سجينة الروح )

والي يكول لو كاتبه بارت افضل من هذا الكلام كله كاعد تشوفون هذا الكلام كله متجاوز ٥٠٠ كلمه والبارت ٥٠٠٠ گٌٰـــ🌹ـــِلًمٌهّٓ
احـٍُــبٌــ💘ـٍَــْگُم
تحياتي لًلًـّــ💎ــجٌٓمٍَُٓيِّعَْٓ
اختكم ريام