الفصل التاسع والعشرون الجزء الثاني
علي:يلا بينا
جنات باستغراب:علي فين
علي:هنروح نشتري الشبكه
جنات:بالسرعه دي
علي:خير البر عاجله
جنات:هههههه
ركبو الاثنان السياره وذهبو الي محل مجوهرات كان في قكة الفخامه
جنات وهيا تفتح عيناها علي اخرهما:كل ده محل
علي:المحل هيتهد كده
جنات:احم ما شاء الله الله اكبر
علي:تعالي
اقتربو الاثنان من المجوهرات
علي:ايه رايك في دي
جنات:جميله بس مش عجباني اوي
علي:همممممم طيب دي
جنات:الله دي حلوه اوي بس شكلها غاليه حدا لاء خلينا ناخد
حاجه في الوسط
علي:طلاما عجباكي يبئه ميهمكيش الفلوس
جنات:ربنا يخليك
وفي ذلك الوقت دخلت فتاتان كان يبدو عليهما الثراء
لاحظت فتاه منهم علي
الفتاه الاولي:ايه ده ايه ده بصي كده
الفتاه الثانيه:مش مركزه معاكي دلؤتي عايزه انقي طقم حلو
الفتاه الاولي :يابنتي بصي بس
الفتاه الثانيه :ابص علي ايه
الفتاه الاولي:علي الواد الي واقف هناك ده قمر اوي
الفتاه الثانيه:انتي فايقه ورايقه اوي
الفتاه الاولي:ايه مالك ما الواد حلو ويتبصله
الفتاه الثانيه باستغراب:انا حاسه اني شوفته قبل كده
الفتاه الاولي:شوفتيه قبل كده!!!!!
الفتاه الثانيه:اه ده علي
الفتاه الاولي باستغراب:وانت عرفتي اسمه منين
الفتاه الثانيه:مانتي لو دريانه باخبار الدنيا كنتي عرفتي ده علي ابن فريد بيه صاحب اكبر شركات في الشرق الاوسط
الفتاه الاولي:وااااو طب عن اذنك بئه
الفتاه الثانيه بتعجب:تعالي هنا رايحه فين
الفتاه الاولي:هتعرفي اصبري بس
كان علي وجنات يضحكان سوين وفجاه دخلت الفتاه بينهم
الفتاه الاولي وهيا تنظر لعلي باعجاب:هاي انا اسمي ميرنا
جنات بغيره:مين دي يا علي
وقبل ان يجاوب علي
مرنا:انا اصلي شوفت صورك قبل كده في الاخبار وانا معجبه بيك جدا وبشغلك
جنات:لا يا شيخه ويا ترا شغل ايه ده بئه الي انتي معجبه بيه
علي:في ايه يا جنات
ثم نظر لميرنا:معلش اصلها دبش شويه متشكر جدا لذوقك
ميرنا بابتسامه:ده الكارت بتاعي اتمني تتصل بيا
تضايقت جنات كثيرا وشعر علي بها:لاء انا اسف مبكلمش بنات
ميرنا بضيق وهيا تنظر لجنات:طب مانت بتكلمها اهو
علي:عشان هيا خطيبتي
ميرنا باحراج: اه انا اسفه عن اذنكم
ذهبت ميرنا وهيا تشعر بالخجل
الفتاه الثانيه:تستاهلي الي جرالك
ميرنا:نقطينا بسكاتك انتي
عند علي وجنات
علي:زعلتي
جنات:لاء وهزعل ليه
علي وهوا يغمز لها :يبئه بتغيري يا كوكو
جنات بعصبيه:ايه كوكو دي اسمي جنات وبعدين انا مغرتش ولا حاجه
علي:يا سلام طب عيني في عينك كده
جنات:اهو
نظرو لبعضهما لفتره وارتبكت جنات من نظراته فابعدت عيناها عنه
علي:شوفتي بتغيري
جنات:خلينا نمشي
علي:استني الااول مقولتيش هتشتري الشبكه دي ولا لاء
جنات:اه هشتريها
علي::ماشي خلينا نشوف الدبل
جنات بسرعه:انا عايزه الدبل دي
علي:لحقتي تختاري
جنات:انا من اول ما دخلت وهيا لافته نظري
علي:خلاص نشتريها ايه رايك نطلب من الراجل يكتب عليها اسامينا
جنات:بس انا عايزه الدبله الي هلبسها تكون عليها اسمك
علي:اوك ماشي
وبعد قليل خرجو الاثنان
علي:يلا بئه نروح نشتري فستان الفرح
جنات:ايه حيلك حيلك انت ليه محسسني ان فرحنا بعد يومين ده لسه فضله اسبوعين
علي:ده لسه فاضل نحجز القاعه ونطبع الدعوات ونشتري بدلتي
جنات بانصدام:متقوليش اننا هنعمل كل ده في يوم واحد
علي:لاء متخفيش هخلي الدعوات والقاعه بكره
جنات بارتياح:ماشي
ذهبو الاثنان لمحل الفساتين واختارو الاثنين فستان لها
جنات:احم ايه رايك
اعجب علي بها كثيرا وهوا يراها ترتدي فستان ابيض كانت تبدو
مثل الاميرات كانت جميله
علي:احم خلينا نشوف فستان تاني
جنات باستغراب:ليه
علي:الفستان عاري وضيق
نظرت جنات الي نفسها باستغراب شديد ولكن الفستان كانت
له اكمام وغير ضيق
جنات:فين عريان ده
علي:هوا كده وخلاص خلينا نغيره
جنات:بس انا بئه عاجبني الفستان
علي:وانا مش عاجبني
جنات وهيا تضيق عيناها:انت مش عايز الفستان ليه
علي:انا مش عايز فستان يخليكي حلوه
جنات:نعم هوا مش المفروض اكون حلوه في الفرح
علي:لاء طبعن لو بئيتي حلوه في الفرح الكل هيبص عليكي وانا مش عايز كده
جنات:يا سلام ايه الي انت بتقوله ده ما تلغي الفرح احسن
علي:لو بايدي كنت عملت
جنات:بعصبيه وانا عايزه الفستان ده يا علي
علي :خلاص خلاص هجيبهولك
جنات:استني هنا الفستان فلوسه علي العروسه
علي:حبيبي انا وانتي واحد
جنات:متقوليش حببتي
علي:ليه
جنات:عشان طول محنا مش متجوزين لازم تكون في حدود بينا
متتعدهاش
علي:حدود ايه وانتي ان شاء الله هتكوني مراتي بعد اسبوعين
جنات:لما ابقي مراتك بئه طول مانا مش مراتك تلزم حدودك فاهم
علي:ما تعمليلي حزر تجوال بالمره علي موم حاضر خلينا نشتري الفستان
جنات:يلا
ذهبو الاثنان واشنري الفستان واتجهو لشراء البدله
في اليوم التالي ذهبو الاثنان لاختيار قاعه
جنات:هممممم
علي:انتي عايزه تقولي حاجه
جنات:انا نفسي يكون فرحنا في الهوا
علي باستغراب:انتي عايزه فرحنا في طياره ولا ايه
جنات:طيارة ايه انا عايزه يعني فرحنا يكون وسط اشخار ونخيل
وزرع
علي:اشمعنا
جنات:مش عارفه حاسه اننا لو عملنا في قاعه هيبئه المكان مكتوم وخنقه
علي:موافق
جنات:بجد
علي:اه
جنات:ربنا يخليك ليا
علي:ويخليكي ليا يا حببتي
نظرت جنات له بعصبيه
علي:خلاص سحبتها
وبالفعل نفذ علي طلب جنات وحجزو مكان في حديقه كبيره جدا وواسعه وبعد ذلك رفضت جنات ان تري علي حتي ان ياتي يوم الفرح
في يوم الفرح كانت هند وياسمين ونور وجنا مع هند لم تاتي سميه لانها سافؤت لاهلها في الريف
وبعد قليل اتت الكوافيرا
ياسمين:بصي بئه اعمللها ميك اي كد يكون وسط
نور:لاء طبعن جنات بسليق عليها الميك اب الثقيل
هند:اتنيلو انتو التنين جنات بيليق عليها الميك اب الخفيف اوي
الكوافيرا بعصبيه:لو سمحتو ممكن عشان تسيبوني اشتغل
الكوافيرا ونظرت لجنات:ما شاء الله بجد انتي مش محتاجه ميك اب انتي زي القمر
جنات بتوتر:ربنا يخليكي
الكوافيره:شكلك متوتره
جنات:يعني
الكوافيره:متخفيش ان شاء الله كل حاجه هتمشي كويس
جنات:يا رب
يدات الكوافيرا بتجهيز جنات وكانت كل دقيقه تذيد من خوف جنات شعور ان تكون كل الانظار علها شعور مربك
عند علي كان معه عماد ووليد وهشام احد اصدقاءه
هشام:مبروووك يا اخيرا هتتجوز مش قادر اصدق
علي:لاء ابوس ايدك متبصليش في ليلي
وليد:يا بختك يابن المحظوظه
علي:حاسس ان في حاجه هتحصل لليلتي
هشام:بقولك ايه متعرفش اي واحده من قرايب العروسه نفسي اتجوز ومش لاقي واحده
علي:انت عارف يا هشام انا هشوفلك من قاريب العروسه ليه
هشام بابتسامه واسعه:عشان انا صاحبك صح
علي:لاء عشان متبصليش في ليلتي
علي وهوا ينظر لوليد:مش عايزني ادولك علي عروسه انت كمان
وليد بتفاخر:انا سعيد كده وانا حر مش واحده تفضل تنكد عليا يا عيني عليك يا علي داخل للنكد برجليك
عماد بعصبيه:جنات انسانه كويسه وغير اي واحده
نظر له الجميع باستغراب قال علي بسرعه:عماد روح هاتلهم حاجه يشربوها
عماد:طيب
عند الكوافيرا انهت اخيرا
هند وياسمين:لولولولوولولولولولوي
هند:ايه ده يا نور انتي مبتزغرطيش ليا
نور:مش بعرف ازغرط الصراحه
هند:ههههه ماشي
جنا:انتي اموره اوي يا جنات
جنات وهيا تقبلها:انتي الاحلي يا جنا
ذهبو جميهم وسبقهم علي
جنات:يا نهاري علي بيتصل ده معناه انه وصل
هند:اهدييي خلي عندك ثقه بنفسك
جنات وتاخذ نفس عميق:نور روحي لعلي قوليله اني هنا
نور:اوك
ذهبت نور الي علي الذي كان يقف معه عماد:علي جنات هناك بتقولك روحلها
علي:ماشي يا نور سلام
كانت ستذهب نور ولكن استوقفها صوت عماد
عماد:هوا انتي تقربي ايه للعروسه
نور:اختها
تذكرها عماد وما حدث بينهم في المسنشفي ولكن لم تتذكره نور
عماد:اها اوك تشرفنا
نور:الشرف ليا عن اذنك
عند علي:بسم الله ما شاء الله زي القمر
جنات:ربنا يخليك
ياسمين:يلا يا جماعه عشان تتذفو
مد علي لجنات ذراعه نظرت اليه وفي تلك الحظه تذكرت والدها
وانه لو كان موجود معها كانت ستفرح كثيرا امسكت جنات بذراع علي وهيا خائفه لدرجه كبيره
وبدات اصوات الزفه من حولهم تعلو وهند وياسمين يزغرطو
وجنات تشعر بانها تريد ان تخبئ وجهها من كثر الخوف
اقترب علي منها:متخفيش
ابتسمت له وهزت راسها بالايجاب وصلو الاثنين للكوشه
وبعد قليل وصل الماذون وكتب الكتاب واصبحت جنات اخيرا زوجته بدء الجميع بالاقتراب منهم لاخذ صوره معهم طلب المصوره صوره عائليه وان يقترب الجميع منهم
ياسمين:نور تعالي اقفي جمبي هنا
نور:اوك
وقفت نور جانبها وبالصدفه وجدت بجانبها عماد
تصورو الجميع واتو بالشربات للعروسين
علي:يلا قولي ااااااه
جنات:هههههههه
وبعد دقائق اتي فريد اليهم
فريد:مبروك يابني
علي:الله يبارك فيك يا بابا
فريد:مبروك يابنتي
جنات:الله يبارك في حضرتك
فريد:خد بالك منها
علي:يا بابا المفروض حضرتك الي توصيها عليا
فريد:اوصيها علي مين وانت شحط كده
علي:يعني هيا الي طفله مهيا كمان
نظرت له جنات بتحذير:وهيا كمان ايه
علي:قمر
شعرت جنات بالاحراج وادارت وجهها
وبعد قليل اتي زياد
زياد وهوا يقبلها:مبروك با قلبي
جنات:هههه الله يبارك فيك يا حبيبي
علي:ايه مشهد العشق الممنوع الي قدامي ده ما تبعد عنها
اتت خالة جنات:تعالي هنا يا زياد وبطل ترخم علبيهم
ثم اقتربت من جنات وقبلتها:مبروك يا حببتي
جنات:الله يبارك فيكي يا خالتو
خالتو وهيا تنظر لعلي:مبروك يا عريس خد بالك منها
علي:طبعن دي في عنيا
زياد:اما نشوف هتفضل في عنيك ولا هتطلع بره
علي:لا يا خويا امشي انت الي برا
زياد:ماشي ماشي اما اروح اشوف جنا
كانت جنا تمسك بورده وتشم رائحتها
زياد:الجميل بيعمل ايه
جنا باحراج:زياد
زياد:اذيك يا جنا عامله ايه
جنا بخجل:الحمد الله كويسه وانت
زياد:الحمد الله
جنا:شوفت جنات قموره ازاي
زياد:انتي احلي
جنا بخجل:ميرسي
كان زياد سيكمل كلامه ولكن وجد يد تمسكه من كتفه
ياسمين:انت عمال تتكلم مع اختي في ايه
زياد:اوففف انتي ايه الي حشرك دلؤتي كش ناقصنا حد ثالث علي فكره
اقترب يوسف من ياسمين:جري ايه يا ياسمين ما تسبيهم براحتهم
زياد:ايوه اسمعي كلام الكابتن ده
ياسمين:اصلك مانتش عارف بيقولها ايه
يوسف:بقولك ايه تيجي نرقص
ياسمين بخجل:اوك
زياد:احم احم تسمحيلي بالرقصه دي
جنا:لاء
زياد:ليه
جنا:كده
واخرجت له لسانها وجريت
عند علي وجنات
علي:ترقصي
جنات:لالالا بلاش انا مبعرفش ارقص
علي:تعالي وانا هعلمك
بدء علي بتعليم جنات وكانت جنات تشعر بالخجل والخوف
علي:برقص مع فراشه ياخواتي
جنات:ههههه
علي:هاااااه
جنات:في ايه
علي:خايف
جنات:من الجواز
علي:لاء
جنات:اومال من ايه
علي:اني مقدرش اسعدك خايف اخلي حياتنا تعيسه
جنات:انا هفضل معاك دايمن مهما حصل
علي:بجد
هزت جنات راسها بالايجاب
علي:نفسي افضل باصصلك كده علي طول
خجلت جنات ونظرت في الارض
انتهي الفرح وكان الجميع سعداء
ذهب علي وجنات في السياره وكان نور وياسمين وجنا في الخلف
وصلو للشقه
جنات بخضه يا نهاري
علي بخوف :ايه في ايه
جنات:نسيت اشوف الشقه قبل ما نتجوز
علي:يا سلام ده علي اساس انها لو مكنتش عجبتك مكنتيش هتتجوزيني مثلن
جنات:خايفه بس يطلع ذوقك مش حلو
علي:اطلعي بس وهتنبهري من الديكور
نزلت جنات ونزلت نور وياسمين وجنا
نور:يلا يا جنات هنطلع معاكي نتفرج علي الشقه
تضايق علي
كانت الشقه في الدور الحادي عشر
دخلو الجميع وانبهرت جنات من جمال الشقه
جنات:الله جميله اوي
علي:عشان تعرفي ان جوزك مبيخترش اي حاجه
نور:وااااو جميله اوووووي
ياسمين:جميله اوووي
علي:عجبتكم
ياسمين ونور:اه
وبعد قليل اتصل يوسف علي ياسمين
ياسمين:يلا يا نور يوسف وصل خلينا ننزل
نور:انزلي انتي وانا هسبقك
كانت نور تجلس بينهم علي الاريكه
علي:منوره يا نور
نور:متشكره جنات هاتيلي عصير لحسن انا عطشانه اوي
جنات:حاضر
احضرت جنات العصير لنور
بعد عشر دقائق
علي وهوا يضرب ركبتيه:منوره يا نور
نور باستغراب:في ايه انا منوره اوي كده
علي:مش حابه تنطفي شويه
نور:نعم
علي:اقصد يعني انتي مش عايزه تنامي
نور:اه نسيت ان ياسمين ويوسف مستنيني تحت طب انا هنزل بئه
نزلت نور استدار علي ليرا جنات وجدها نائمه
علي:حسبي الله ونعم الوكيل انا كنت حاسس ان في حاجه هتحصل في اليله دي ماشي يا هشام انت وليد بس اما اشوفكم
احضر علي البطانيه وغطاها ونام بجانبها علي الاريكه
في الصباح التالي استيقظو الاثنان في نفس الوقت
علي:صباح الخير
جنات وهيا تفرك عيناها :صباح النور هوا ايه الي حصل
علي:انتي روحتي في النوم امبارح
وفجاه سمعت جنات صوت هاتفها يرن استغربت كثيرا عندما رات المتصل
علي:مين الي بيتصل
جنات:ده الدكتور الي بيعالج بابا
علي:طب ردي عليه
جنات:الووو...ايوه....ايه!!!!!!!
اقفلت جنات وهيا منصدمه بشده
علي:في ايه ايه الي حصل
جنات:بابا!!!
علي وبدء يشعر بالخوف:ماله
انتهي الفصل يا رب يكون عاجبكم
أنت تقرأ
حارستي الشخصية *" للكاتبة / بريق من أمل "*
Romanceنقدم لكم رواية حارستي الشخصية للكاتبة بريق من الأمل #بريق_من_أمل هذه الرواية ملكية خاصة بالكاتبة بريق من الأمل 😊
