حارستي الشخصية *" للكاتبة / بريق من أمل "*

24

الفصل الرابع والعشرون

جلست جنات وبداخلها تامل ان ما ستفعله يكون في مصلحة علي قطع شرودها صوت السكرتير
السكرتيره:اتفضلي ادخلي
جنات:اوك
دخلت جنات
الصحفي:صباح الخير
جنات:صباح النور
الصحفي:اتفضلي اقعدي واقفه ليه
جلست جنات
الصحفي:سمعت من السكرتيره انك عندك معلومات بخصوص علي
جنات:ايوه وانا جتلك لانك انت الي نشرت انه ابن زنا
الصحفي:ايه هيا الاخبار الي عندك وانت تقربي لعلي ايه اصلن عشان تكون عندك اخبار
جنات بكذب:انا اصلي كنت شغاله الحارصه الشخصيه لعماد اخو علي فكنت اعرف معظم تفاصيل حياتهم
الصحفي:اهااا طب وايه بئه الاخبار الي عندك
جنات:عندي شرط عشان اديك المعلومات الي عندي
الصحفي:عايزه كم
جنات:انا مش عايزه فلوس
الصحفي:اومال عايزه ايه
جنات:مش عيزاك تجيبي اسمي خالص ولا تعرف الناس اني كنت بشتغل بودي جارد عند عماد بيه مش عايزه الناس تعرف الخبر ده جاي من مين من الاساس
الصحفي:اوعدك لكن ليه
جنات:ليا اسبابي الخاصه
الصحفي:ماشي اتفضلي اتكلمي
جنات.......
في مكان ثاني عند علي استيقظ وغير ملابسه وصلي ونزل ليفطر في المطعم
كان علي طوال الوقت يفكر بجنات الان لم تصبح ملكه لقد ذهبت لغيره ولكن ماذا كنت تتوقع منها بعد ان ظلمتها واهنت كرامتها
فكر علي باللتصال عليها
عند جنات انهت حديثها مع الصحفي وخرجت وسمعت هاتفها يرن دق قلب جنات بسرعه شديده عندما رات المتصل
جنات:الوووو
علي:اذيك يا جنات
جنات:الحمد الله يا استاذ علي خير في حاجه
تالم علي من طريقتها:انا عايز اشوفك
جنات:ليه
علي:عايز اتكلم معاكي
جنات:استاذ علي مبقاش في بينا كلام خالص 
علي:جنات ارجوكي اسمعني
جنات:افهم انا بئيت مخطوبه خلاص وميصحش اصلن انك تكلمني
علي:بس انتي مش بتحبيه
جنات:مش معني اني مش بحبه يبئه محترموش في غيابه 
علي:يعني ده اخر كلام عندك
جنات:ربنا يوفقك في حياتك سلام
اقفلت جنات دون ان تسمع رده وشعرت بالحزن الشديد وبدات تبكي في صمت
ذهبت جنات للمنزل
وعند دخولها رات ياسمين تبكي
جنات باستغراب:ايه ده مالك يا ياسمين ايه الي حصل
ياسمين ببكاء:ملكيش دعوه بيا
تضايقت جنات من طريقتها:ممكن تهدي بس وتقولي في ايه
ياسمين دون ان تنظر اليها:انا جايلي عريس
جنات باستغراب:وانتي زعلانه ليه البنت مفروض تفرح لما يكون في واحد عايزها
ياسمين:ده لو هيا كمان عيزاه
جنات:طب لو مش عيزاه ارفضيه
ياسمين:ماما مش راضيه والعريس واهله جايين انهارده بليل وشكلي كده هتجوزه غصب
جنات:لاء يا ياسمين مفيش حاجه اسمها جواز غصب متقلقيش وبعدين مش جايز لما تشوفي العريس يعجبك
ياسمين:انا مش عايزه اتجوز دلؤتي اتصرفي يا جنات انا حاسه اني بضيع كده
جنات بتفكير:هما جايين انهارده الساعه كم
ياسمين:تمانيه
جنات:طب ايه رايك لو تقوليله انك انتي مش عيزاه
ياسمين:هقوله كده قدام اهله
جنات:لاء طبعن ما اكيد اهل العريس هيسيبكو تقعدو شويه تتكلمو
ياسمين:بس انا خايفه من رد فعل ماما بعد كده لما تعرف اني رفضته
جنات:متقلقيش يومين وهتنسي الموضوع ولا كان حاجه حصلت
ياسمين:ربنا يستر
عند علي كان جالسن حزيزن لا يصدق ان جنات تكلمت معه هكذا لا يصدق انها اصبحت لغيره
عند جنات رن هاتفها وهيا في الصاله
جنات:الووو
شريف:اذيك يا حببتي
جنات:الحمد الله كويسه وانت
شريف:انا زعلان منك جدا
جنات:ليه
شريف:كده متتصليش بيا خالص مش مهتمه بيا انتي
جنات:انا اسفه غصب عني كنت مشغوله
شريف بحب:وحشتيني
جنات:طيب
شريف بخيبة امل:مفيش وانت كمان
جنات:اه طبعن وانت كمان اممم انا هقفل دلؤتي عشان مشغوله سلام
اقفلت جنات قبل ان تسمع منه رد لا تطيق الكلام معه حقا
شريف وشعر باحباط كبير من طريقتها
عند الساعه الثامنه جاؤو اهل العريس والعريس كان اسمه يوسف
سميه بترحيب كبير:اهلن وسهلن نورتو اتفضلو اتفضلو
ام العريس:اذيك يا حببتي عامله ايه
سميه:الحمد الله بخير وانتي اخبارك ايه
ام العريس:الحمد الله بخير طول مانتي بخير
سميه:تسلميلي يا رب اتفضلو اقعدو
جلسو جميعن:ها تشربو ايه
ام العريس:عايزين نشرب شربات بس ده لما تيجي عروستنا الحلوه
سميه:استني هروح استعجلها انتي عارفه بئه بنات اليومين دول
كانت ياسمين في الغرفه ومعها جنات
ياسمين وتمشي في الغرفه:اعمل ايه اعمل ايه
جنات:يووووو ما تهمدي بئه خيلتيني
ياسمين:انا خايفه اوي
جنات:ليه مهياش اول مره عريس يتقدملك يعني
ياسمين:بس خايفه لتجوزه غصب 
جنات:متخفيش اعملي بس الي قوتلك عليه
وفي تلك الحظه دخلت سميه
سميه:يلا يا ياسمين انزلي
ثم نظرت لجنات:وانتي ايه الي جابك اوضتها 
نظرت لها جنات بنظرات برود وصمتت
نزلت ياسمين وهيا ترتعش من الخوف
ام العريس:بسم الله ما شاء الله ايه الحلاوه دي
ابتسمت ياسمين مجامله
نظر لها يوسف باعجاب شديد
يوسف وهوا يمد يده:اذيك يا انسه ياسمين
ياسمين ببرود:مبسلمش
يوسف باحراج:اه انا اسف
جلست ياسمين وبدات تنظر اليه نظرات سريعه حتي لا يلاحظ انها تنظر اليه وشعرت بقليل من الاعجاب به
سميه:بقولك ايه خلينا نسيبهم شويه مع بعض
ام العريس:انا بقول كده برضه
وقفو الاثنين
يوسف باستغراب:حضرتكو رايحين فين
سميه:مامتك مصممه تجيب معايا الشربات هنروح نجيبه ونيجي
يوسف وفهم امرهم:ماشي اتفضلو
نظر يوسف لياسمين:احم طب ايه
ياسمين:ايه
يوسف:ما تكلميني عنك شويه
ياسمين:مبتكلمش
يوسف:ليه ياختي واكله سد الحنك
كانت تريد ان تضحك علي تعليقه ولكن كتمت ضحكتها:لاء
يوسف:اومال مبتتكلميش ليه
ياسمين:عشان انا رافضه اتجوزك اصلن انا بس مجبوره علي الجوازه دي
يوسف:طب تخيلي كده اننا اتجوزنا ده حتي اسمنا لايق علي بعض يوسف وياسمين يا سلام اسم رومنسي
ياسمين:اسمي رومانسي!!!!
يوسف:لاء انا قضدي اسمي انا
ياسمين:هههههه
يوسف:ضحكتك حلوه طب ليه بئه رفضاني
ياسمين:عشان انا نفسي اخلص جامعه واشتغل نفسي في حجات كتير اعملها ومش عايزه. اوقفها بسبب الجواز
يوسف:طب مانا هساعدك انك تكملي دراسك وتشتغلي
ياسمين بسخريه:كلكو بتقولو كده في الاول وواول ما تتجوزو مش عايزين الست غير تبئه خدامه في البيت
يوسف:يا سلام طب ما الرجاله بيبئو خدامين بره البيت الراجل بره البيت جيبه مليان بعد دقيقه واحده من دخوله البيت يلاقي بنطلونه اتقلب من مراته ولا انتو يا بنات كده تاكلو وتنكرو 
ياسمين بارتباك:ايوه بس عشان ده واجبه نحية الست
يوسف:يعني الراجل يشتغل ويتقلب في الفلوس من مراته وكمان ميلاقيش اكل في البيت يعمل ايه يعيش علي ورق الشجر
ياسمين:هههههههههه
يوسف:قولي بئه انك موافقه واوعدك اني هساعدك في البيت معادا في الطبيخ
ظلو الاثنان يضحكون ويتكلمو وشعرت ياسمين بالارتياح اليه والي طيبته وخفة دمه
جائت سميه وام العريس بالشربات والحلويات
ام العريس:ها يا عروسه رايك ايه
ياسمين باحراج :موافقه
سميه:لولولولولوولولولوي
سمعت جنات صوت الزغاريط واستغربت
انتظرت جنات دخول ياسمين حتي دخلت
جنات:معلش يا ياسمين كان نفسي اساعدك
ياسمين بفرحه:انا وافقت بارادتي
جنات باستغراب:ليه
ياسميم:اصله بصراحه طلع عريس لقطه
جنات ولم تفهم بعد:ازاي
ياسمين:اصله شكله قمووور وطويييل وشخصيته لذيذه وبيفتصني من الضحك
جنات وهيا تغمز لها:دي الصناره غمزت بئه
ياسمين:هههه تقدري تقولي كده مكنتش اتوقع اني هعجب بيه
جنات:مش هستغرب انك اعجبتي بيه بالسرعه دي مهي كل حاجه في الزمن ده بتيجي بسرعه
ياسمين:معاكي حق بس دايمن في ولاد يقعدو يتقلو كده
جنات:عارفه لو واحد حاسس انه معجب بواحده او منجذب ليها لازم يقولها علي طول وميستناش ولا ياجل اعترافه بانه معجب بيها لانها ممكنو تروح لحد غيره
ياسمين:احنا قلبناها دراما كده ليه خلينا ناكل
جنات:هههه لا كلي انتي انا رايحه انام
في الصباح التالي كان يومن غير عادين 
لقد نشر في كل الجرائد بان عماد اخو علي هوا من فضحه بتلك الفضيحه 
كان فريد يقراء الجريده ويشعر بغضب شديد
فريد بصراخ:عماااااااااااااااااااد
خرج عماد بسرعه من غرفته وذهب لوالده:ايوه يا بابا
فريد وهوا يعطي الجريده له:انتت فعلن الي نشرت ان علي ابن زنا
عماد بارتباك:ايوه
شعر فريد بعصبيه كبيره وضربه بالالم
عند جنات كانت تجلس وتفطر
نور:الحقي يا جنات
جنات:في ايه 
نور:اتنشر ان عماد هوا الي فضح اخوه وفي اشاعه طالعه انه عمل كده لانه بيكرهه
ابتسمت جنات وقالت بتمثيل:ايه ده ومعقووووله حاجه غير متوقعه فعلن
كانت جنات تعلم ان هذا الخبر سينشر لانها من نشرته
نظرت جنات في التعليقات علي النت لهذا الخبر:واصبح الجميع في صف علي وخصوصن بعد ان اثبت انه حقا قام بتنازل عن المراث اصبح الجميع يكره عماد ويشجعون علي بعد ان كانو في صف عماد
عند علي صعق وهوا يقراء هذا الخبر وظل يتسائل من نشر هذا الخبره
علي في نفسه:مفيش غيرها
في مكان اخر القي بالجريده علي الارض وهوا في غضب شديد
احمد:خلاص كل حاجه هتضيع ده انا كنت فاكر اني خلاص هقدر اكسب بس ماشي 
ثم صرخ:انت يا زفتتتتتتتتتتت
السكرتير:ايوه يا فندم 
احمد:في ظرف دقيقتين تجيبلي رقم الي اسمها جنات دي
السكرتير:يا فندم رقمها موجود عند حضرتك في الملف الاسود لما طلبت مني اجيب معلومات عنها
احمد:طب خد الرقم وخدلي معاها معاد دلؤتي
كانت جنات تجلس وهيا في قمة سعادتها فحبيبها علي اصبح الان في صوره جيده امام الناس ثم سمعت هاتفها يرن
جنات:الووو
جنات:مين حضرتك
جنات:وهوا يعرفني منين
جنات:طب اديني العنوان وانا جايه دلؤتي
ذهبت جنات الي الشركه
جنات:ممكن اقابل فريد بيه
السكرتير:اه اتفضل هوا مستني حضرتك في المكتب
جنات:متشكره اوي
دخلت جنات المكتب وجلست
احمد:اذيك يا انسه جنات
جنات:الحمد الله لكن مين حضرتك وعايزني في ايه
احمد:انا اعرف عنك حجات كتير بس انا عايزك في شغل
جنات باتسغراب:شغل ايه
احمد:مستعد اخلي في ايدك دلؤتي خمسين الف جنيه مقابل حاجه واحده بس
جنات وما زالت علامات التعجب في راسها:ايه هوا المقابل
احمد:انا عرفت ان علي عمل فكره مشروع جديده وابوه شاف فكرة المشروع ده كل الي عايزه منك تقوليلي فكره المشروع وساعتها هديكي خمسين الف جنيه تعمل بيهم مشروع وتحققي كل الي نفسك فيه
صعقت جنات منه ولم تعرف كيف ترد عليه

انتهي الفصل يا رب يا رب يكون عجبكم