حارستي الشخصية *" للكاتبة / بريق من أمل "*

25

الفصل الخامس والعشرون

احمد:ها قولتي ايه
سرحت جنات ولعب الشيطان في عقلها وجعلها تتخيل ان المال معها وكيف ستعيش حياه هنيئه لكن سرعات ما استغفرت ربها واستعاذت من الشيطان الرجيم
جنات:انا مش موافقه
احمد:يا بنتي سيبك من الحب ده مبياكلش عيش هذودك خمس الاف جنيه
جنات:انت مبتفهمش قولتلك لاء انت ايه مش خايف من ربنا زلا انت خلاص نسيت الي خلقك
احمد:ايه جو الدراما الي انتي عملاه ده يستحسن تقبلي الفلوس وتجبيلي المشروع بالذوق لاحسن اخليكي تجيبيه بالعافيه
جنات بسخرية:يمي يمي لاء خفت انا اوي سلام
ذهبت جنات دون حتي ان تسمع رده تاركه احمد في قمة غضبه وبعد قليل دخل عليه مسعود
مسعود باستغراب:ايه في ايه
احمد:بعد ما الناس اتعاطفت مع علي كلهم مالو لشركة ابوه ومنتجاته وانا بيتخرب بيتي والاخت الطاهره الشريفه الس اسمها جنات مش راضيه تديني المشروع من رغم اني عرضت عليها فلوس كتير
مسعود بتفكير:كده مفيش قدامنا غير حل واحد
احمد:ايه هوا
مسعود:ركز معايا........
عند جنات دخلت جنات المنزل وكانت ستدخل غرفتها ولكنها شمت رائحه غريبه اتيه من المطبخ دخلت جنات الي المطبخ وصعقت من الذي تراه
جنات:ايه ده
كانت ياسمين واقفه في المطبخ وكان حال المطبخ في فوضي كبيره 
ياسمين:اصلي بتعلم الطبيخ انما انا انهارده عملالكو اكل هتاكلو صوابعكم وراه
جنات:انا متاكده اننا هناكل صوابعنا من ااجوع انتي بوظتي الاكل
ياسمين:مش تعرفي الاول انا عامله ايه
جنات:عامله ايه
ياسمين :عامله ملوخيه وفراخ ومكرونه بشامل
جنات:وااااو طب ما تذوقيني
اخذت ياسمين ملعقه من الملوخيه وذوقتها لجنات
شعرت جنات بشئ غريب فيها:ايه ده انت عملتيها ازاي
ياسمين:عادي جدا حطيت الملوخيه علي شوربة الفراخ وسيبتها علي النار وبس كده
جنات:محتطيش تقليه
ياسمين باستغراب:ايه التقليه دي
جنات:صبرني يا رب
ياسمين:طب علميني
جنات:روحي هاتي من دولاب المطبخ كسبره ناشفه
ياسمين:طب ممكن سوال
جنات:ايه
ياسمين:هيا الكسبره الناشفه عامله ازاي
جنات:ياسمين يا حببتي ان شاء الله عنك ما طبختي
ياسمين:ارجوكي يا جنات ساعديني
جنات باستغراب:ثانيه واحده انتي ايه الي خلاكي تدخلي المطبخ فجاه كده مش عوايدك يعني
ياسمين:اصل يوسف ومامته جايين يتعشو معانا انهارده
جنات:قولتيلي طب ركزي معايا
ظلت جنات تعلم ياسمين
ياسمين:ايه ده جنات انتي نسيتي حاجه مهمه اوي
جنات باستغراب:ايه هيا
ياسمين:تشهقي علي الملوخيه
جنات:هههه يعني انتي سيبتي كل حاجه ومفتكرتيش غير اني اشهق عليها
ياسمين:لكن انت اتعلمتي الطبيخ من مين
جنات:من النت طبعن
ياسمين:طب ايه احنا قربنا نخلص ولا ايه
جنات:انتي زهقتي بسرعه كده اومال لما تتجوزي هتعملي ايه 
ياسمين:مهو لازم يكون في الجواز شويه تعب وتضحيه
نظرت جنات لاختها باستغراب لم يكن هذا كلامها ابدا 
ياسمين باستغراب:ايه في ايه بتبصيلي كده ليه
جنات:الي يسمعك دلؤتي وانتي بتقولي كده ميصدقش انك كنتي بتكرهي الجواز وشيفاه اهانه للست
ياسمين:لاء مانا برضه هنكد عليه يعني هوا يفضل يامرني طول الوقت ومنكدش عليه دي حتي عيبه في حقي
جنات بارتياح:اه كده انا صدقت انك انتي ياسمين
ياسمين:هوا انتي اخبارك ايه مع خطيبك
جنات باستغراب:اول مره تساليني عنه يعني
ياسمين:لانكو من ساعت ما اتخطبتو لا بتخرجو ولا حتي بترغو في التليفون زي اي اتنين مخطوبين
شعرت جنات بالذنب اتجاه شريف انها همذا تظلمه معها:انا هدخل اوضتي عشان تعبت وخلاص الاكل خلص
دخلت جنات غرفتها دون ان تسمع رد اختها لم تعد تتحمل اكثر من ذلك
اتصلت جنات علي شريف
جنات:الووو
شريف بفرحه كبيره:يااا جنات ده انا كنت فقدت الامل انك تتصلي عليا
جنات:اخبارك ايه
شريف:الحمد الله بخير طول مانتي بخير
جنات:انا عايزه اقابلك
شريف:الالالا دي معجزه انك عايزه تشوفيني
جنات:نتقابل امته
شريف:ان شاء الله بكره
جنات:ان شاء الله علي الساعه اتنين في كافيه.....
شريف:اوك
جنات :يلا سلام
شريف:سلام يا قلبي
شعرت جنات بالضيق عندما قال لها قلبي
وبعد قليل سمعت صوت دق علي باب غرفتها
جنات:ادخل
دخلت نور:جنات علي في الصاله عايز يقابلك
استغربت جنات بشده من قدومه لمنزلها:طيب روحي انتي وانا خرجاله
وبعد دقائق خرجت جنات له
نظر لها علي باشتياق شديد قلبه يتالم في كل مره يراها
جلست جنات امامه:اذيك يا علي
علي:اذيك انتي يا جنات
جنات:انا الحمد الله كويسه وانت
علي:الحمد الله
جنات:كنت عايزني في حاجه
علي:جنات انتي الي نشرتي ان اخويا الي فضحني
جنات بارتباك:لاء
علي:كدابه انا اقدر اعرف اذا كنتي بتكدبي ولا لاء
جنات:قولتلك مش انا الي نشرته
علي:ليه مش عايزه تقولي ان انتي الي نشرتيه
ارتبكت جنات وفضلت الصمت
علي:انا متشكر اوي يا جنات امسكي
مد علي يده وهوا يمسك سي دي
جنات باستغراب:ايه ده
علي:ابئي شوفي الي فيه وانتي تعرفي انا همشي دلؤتي
جنات:ماشي يا علي
علي ونظر لها بنظرات حزن:خدي بالك من نفسك
شعرت جنات وانها تريد البكاء ولكن حبست دموعها:وانت كمان يا علي
ذهب علي واول ما اختفي من ناظرها ظلت تبكي لم تعد تسطيع ان تمزح معه او تتكلم معه بحريه تريد ان تحكي له بشده عن كل ما في قلبها زلكن ما زالت كرامتها الذي اهانها تمنعها
دخلت جنات غرفتها وادخلت السي دي في الكومبيوتر
ورات فيديو
كان علي يصور نفسه في هذا الفيديد
علي:جنات انا اسف اسف عشان ظلمتك عشان اتخليت عنك انا مقدرتش اقول كده في وشك لاني هتعب اوي من ردك لاني عارف ان ردك هيكون كله عتاب انا عارف اني مليش الحق اني اقول كده لكن....كل ما افتكر انك اتخطبتي لشريف بحس اني عايز اقتله انا مش هطلب منك تديني فرصه ولا تسامحني عشان مش من حقي اطلب كده بعد ما ظلمتك بس انا عايز اقولك حاجه واحده بس انا والله حبيتك اوي وهفضل احبك عشان كده انتي مش هتشوفيني تاني عشان تقدري تكوني علي راحتك ومتحسيش بالظلم كل ما تشوفيني ربنا يوفقك في حياتك انتي وشريف 
بكت جنات بطريقه هستيريه لا تستطيع التخيل انها لن تراه مره اخره بكت جنات لفتره طويله جدا
عند علي ذهب وهوا حزين
ثم سمع صوت هاتفه
علي:الوووو
فريد:ايوه يا علي تعالي عندي البيت
علي:مش قولت اني لا ابنك ولا تعرفني
فريد:ولد اسمع الكلام
ابتسم علي ابتسامة سخريه
وبعد نصف ساعه ذهب اليه
علي:ايوه يا بابا
فريد:انا فكرت ولقيت ان الناس خلاص اتعاطفت معاك وبائم في صفك عشان كده انت تقدر ترجع البيت
علي:يا سلام يعني انت عايز ترجعني عشان كلام الناس بئه في صفي مش عشان انا ابنك بابا انا خلاص مش هرجع البيت ده تاني وانا اشتريت شقه وهعيش فيها
فريد بعصبيه:انت بتعصي كلامي
علي:العفو يا بابا بس انا ليا كرامه وانت اصلن معتبرني ابنك عشان تتفاخر بيا قدام الناس في حفلاتك وبعد كده ترميني مش كده
ضرب فريد علي بالالم نظر علي لوالده بانكسار ثم ذهب
عند الساعه الثامنه
كان الكل يلبس استقبالن ليوسف وكانت جنات ونور وجنا عند ياسمين
جنات:ما شاء الله زي القمر
ياسمين:بجد يا جنات 
نور:ايوه طبعن يا بنتي خلي عندك كده ثقه في نفسك
جنا:متقلقيش انت قموره اوي
ياسمين:ربنا يخليكي يا جنا
وبعد قليل دخلت عليهم سميه
سميه:ما شاء الله زي القمر
ثم نظرت الي جنات:ايه ده انتي ايه الي جابك هنا
ياسمين:عادي يعني يا ماما بتساعدني في البس وبتلبس هيا كمان
سميه:وهيا بتلبس ليه بئه ان شاء الله
نور باستغراب:مش قولتي اننا كلنا هنستقبل العريس
سميه:كلكم معادا الزفته دي
ياسمين:ليه يا ماما
سميه:دي مش اختكم ومحدش فيكم يعتبرها اختكم سامعين
لم تتحمل جنات اكثر من ذلك وخرجت بسرعه ودخلت غرفتها وظلت تبكي
ياسمين بعصبيه:حرام عليكي
نور:ماما انتي ازاي بالقسوه دي
جنا ببكاء:لما بابا يرجع هقوله
سميه باستغراب:خلاص كلكم بئيتم في صفها اسمعو بئه انا كلمتي هيا الي تمشي
سامعين ولا مش ساميعين
خرجت سميه
وبعدي قليل جاء يوسف ووالدته
سميه بترحيب كبير:اهلن اهلن منورين يا جماعه
والدة يوسف وهيا تقبلها:اذيك يا حببتي عامله ايه
:سميه انا الحمد الله كويسه
ثم نظرت سميه ليوسف:اذيك يا حبيبي عامل ايه
يوسف:الحمد الله ازي حضرتك
سميه:انا الحمد الله تمام اتفضلو اتفضلو
دخلو جميعن وجلسو بالصاله
ياسمين وهيا تدق علي باب جنات:افتحي يا جنات ارجوكي
استسلمت جنات وفتحت اخيرا:ايوه يا ياسمين في ايه
ياسمين:لو منزلتيش معايا انا مش هنزل
جنات:لكن
نور:مفيش لكن يلا
شدوها من يدها ونزلو
انصدمت سميه
وهيا ترا جنات معهم وتعصبت ولكن لم تبين
ياسمين:اقدملكم اخواتي نور وجنات وجنا
والدة يوسف:بسم الله ما شاء الله زي القمر
سميه:اتفضلو العشا جاهز
دخلو جميعن وجلوس علي الطاوله
يوسف:الله الاكل جميل اوي تسلم ايدك يا طنط
سميه بفخر:الحقيقه بنتي هيا الي طبخاه
يوسف:نفسك في الاكل حلو اوي يا ياسمين
ياسمين:بس مش انا الي طبخته
نظرت جنات لها بمعني لا تقولي لهم ولكنها عاندت:جنات هيا الي طبخته
يوسف:تسلم ايدك يا جنات
جنات بخجل:شكرا
تعصبت سميه الي حد كبير
وبعظ ان انتهي العشاء
سميه بصراخ:يااااااسمين
جائت ياسمين اليها وهيا خائفه:ايوه يا ماما
سميه:انتي بتعانديني نزلتي الزفته دي ليه
ياسمين:ماما جنات اختي غصبن عن اي حد هيا اختي
سميه:اخرسي
وكانت ستضربها ولكن يد جنات سبقتها واوقفت يدها
جنات:متمديش ايدك عليها
سميه:ملكيش انتي دعوه دي بنتي 
جنات:ودي اختي ومستعده احميها حتي لو من امها
سميه:ماشي يا ياسمين بس انتي ممنوعه من الخروج لاسبوعين
دخلت سميه غرفتها وهيا في قمة عصبيتها
جنات بحزن:انا اسفه يا ياسمين
ياسمين:ههههههههه
جنات باستغراب:بتضحكي ليه
ياسمين:انتي صدقتي كلام ماما ولا ايه كلها يومين وماما تنسي الكلام ده خالص
جنات:انتي ليه قولتيلو اني انا الي طبخت
ياسمين:عشان انا مقدرش اخد مجهودك يا بنتي يلا انا هروح انام عشان تعبانه جدا تصبحي علي خير
جنات بابتسامه:وانتي من اهله
دخلت كل منهما لغرفتها وغرقو في نوم عميق
فيى الصباح التالي ذهبت جنات لمقابله شريف قررت ان تفسخ هذه ااخطبه لاها لم تعد تتحمل اكثر من ذلك
شريف:جنات وحشتيني اوي
جنات:متشكره
شريف:اخيرا حنيتي عليا وقابلتيني
جنات:شريف انا كنت عايزه اقولك حاجه
شريف:قولي يا حبتتي انا سمعك
جنات:اتا بصراحه يعني انا عايزه....
ولم تكمل جملتها فقد قطع عليعا صوت الهاتف
جنات:ثانيه واحده
شريف:اتفضلي
جنات:الووو
احمد:اخبارك ايه
جنات:مين معايا
احمد:انا احمد بيه
جنات:مش قولتلك اني رافضه سلام
كانت جنات ستقفل ولكن قطع عليها صوته
احمد:حبيب القلب عندنا مشرف لو مش عايزه تدعيله بالرحمه تجيبي فكره المشروع
انصدمت جنات:علي!!!!!!!

انتهي الفصل يا رب يكون عجبكم