- Time Lapse by Smeraldo -

• 1 •

180 /

ပထမဆုံးအနေနဲ့ စာမျက်နှာတစ်ခုကို ဖွင့်လိုက်တော့ စာလုံးသုံးလုံးက ဆီးကြိုနေသည်။

စာအုပ်ကို Taeyeon ပြန်ပိတ်လိုက်မိသည်။ ဤခပ်ဟောင်းဟောင်း စာအုပ်ထဲမှာ သူမရဲ့ အတိတ်တွေအကုန်လုံးကို ချရေးခဲ့မိတယ်။

အတိတ်တွေလား
ဘဝတွေလား
အချစ် သို့မဟုတ် အမုန်း။

...

📖 Day 1

• ဒီနေ့ သူနဲ့ ချစ်သူစဖြစ်သွားပြီ... ငါ့ရင်တွေခုန်နေခဲ့တာ ငါ့ကိုယ်ငါတောင်မယုံနိုင်ဘူး သူက ငါ့ကိုချစ်တယ်တဲ့ -

ခပ်ရူးရူး ခပ်အအ လူတစ်ယောက်ဟာ ထိုအတိတ်မှာ ထိုကဲ့သို့ စတင်ကာ သူ့သေတွင်းသူတူးခဲ့ဖူးသည်။

⏳

"ဒီမှာ...ဒီမှာ...အဆင်ပြေရဲ့လား"

အတိတ်ကို ပြန်တွေးခြင်းဆိုသော်ငြား ထိုစကားသံကအစ တကယ်ကြားနေရသလိုဖြင့် ပစ္စုပ္ပန် မှာ သက်ရောက်သည်။

ထိုအချိန်တွေတုန်းက လေဆိပ်က ထိုင်ခုံတစ်ခုမှာ အရုပ်ကြိုးပျက် ထိုင်ပြီး ငိုနေတဲ့ Taeyeon ကို အထက်တန်းလွှာအမျိုးသမီးတစ်ယောက်က အရေးတယူ မေးခွန်းထုတ်ခဲ့သည်။

"ဟုတ်ကဲ့ ပြေပါတယ်"

တကယ်ကို ထိုအချိန်ထိ Taeyeon အဆင်ပြေခဲ့သည်။ ပြီးတော့ ထိုအချိန်ကစပြီး Taeyeon အဆင်မပြေတော့။

×××

တစ်စုံတစ်ယောက်ကို အဆုံးစွန်ထိ ဘာတစ်ခုမှ
ကိုယ့်အတွက် မကျန်တော့အောင် ချစ်ဖူးကြလား?
ဗလာဖြစ်သွားတဲ့ နှလုံးသားထဲ သူတစ်ယောက်ကတော့ အမြဲရှိနေတယ်ဆိုတဲ့ ခံစားချက်ကိုပိုက်ပြီး အချိန်ခရီးတွေသွားဖူးသလား?

×××

"ဟူးးး"

စာအုပ်ကိုအံဆွဲထဲပြန်ထည့်ပြီး ဘယ်နကြိမ်မြောက်မှန်းမသိ Taeyeon သက်ပြင်းချလိုက်တယ်။

လေယာဉ်စီးချိန်ကြာမြင့်ခဲ့လို့ ပင်ပန်းနေပြီမို့ ပြန်ရောက်ရောက်ချင်း ဒီအိမ်ငယ်ထဲက ဒဏ်ရာတွေကို ပြန်တူးဆွနေမိတာ သူမ မှားသည်။